محاسن الصدف 💗

الحلقه 5

#الكاتبة_ژوژو_الطشهه

#محاسن_الصدف

#الحلقه_5

#لايك_قبل_ما_تقري👍🏻

{ديري متابعه لي إيميلي عشان مجرد ما أنزل الحلقه تطلعلك طوووول❤️}

رفعها سامر وهيا انصدمت طلع بيها ركبها السيارة طول الطريق هدوء درس ع مول مواد غدائية شرالها حاجات ورقا بيها لي الشقة بدون ما يشوف حد حطها ع السرير وخش للمطبخ عشان يديرلها شي تاكله وهيا كانت مصدومه ع فرحانه

شوي وخش سامر بي صفرة فيها كل شي حطلها فواكه مع حاجات مفيدة ودايرللها حساء 🌸🌸
سامر قدم وحط الصفرة ع الطاولة وشوف لي ريماس بي ابتسامه :وتوا يا حلوة نبيك تكملي هدي كلها
ريماس ابتسمت وشافت للصفرة وضحكت ما نقدرش عليها كلها
سامر فنص :قلت كلها أنا وتوا افتحي فمك
عطاها أول  كاشيك وبدا يوكل فيها وهيا منحرجه وفي داخلها شعور حلو أما هوا قعد يوما فيها
بعد شوي
سامر :هيا اخر كاشيك
خداته منه ريماس
سامر :شطورة وتوا نبيك تاكلي الفواكه أهنا وتشربي العصير عشان صحتك واهتمي بي صحتك وماعش تهمليها
ريماس تنهدت : إنشاءالله
سامر بعد الصفرة وتنحنح وقال بي جدية :شوفي أنا وياكي ضحية الزواج ضحية قصة القتل ضحية خوكي خويا والزواج هدا لا أنا ولا انتي مستحيل نتقبلوه مستحيل نشوفلك ك زوجه ومستحيل تشوفيلي ك زوج فلذلك مافيش داعي للمشاكل والعياط نبيك تعامليني بي احترام وانا ح نعاملك نفس الشي نبيك يوميا تنزلي لي أمي امي مراه طيبه ح تحبيها حاولي تهوني عليها صح صعبه عليكي بس انتي حاولي وح تحبيها وكلام الباقي ما دوريش انتي مكانك في الدار هدي وانا ح ننقل حاجاتي للدار الي في جنبك قدام الكل نحنا متزوجين رسمي بس هنا كل حد في حالة أنا في حالي وانتي في حالك لو تبي طيبي عادي ما انزرش عليك المهم تكوني فهمتي كلامي
ريماس تنهدت :تمام كويس بكل بس نبي نسألك سؤال
سامر :تفضلي
ريماس :خويا شن ح ديرله
سامر بي عصبيه ناض من مكانه وشافلها بي نظرة تخوف :ماعش تجيييييييبي اسمه ع لساااااانك انسسسسسييه انسسسسسييه اعتبريه ميت من تواااااا ونسمعك تحكي عليه بس خوكي ح نشرب من دمه 🔥🔥🔥
ريماس انصدمت لما فجاه قعد يعيط ويصب وكان بخوف انهارت تبكي وناضت وهيا تقول بي صوت عالي :كيف ننسااااااه كيييييييف كيييف هدا مش بس خويا هدا توأمي توأمي عارف شن معنا توأمي والله نموت وراه لو هوا يموت 😭😭😭😭😭😭
سامر زاد تعصب بكل لي درجة عروق رقبته بانن مسكها  يدها ولفها لها بي طريقة عنيفة :اناااااا قلت مافيش حاااااجه اسمها خوكي تنسيها من اليوم خيررررررررلك😡😡😡😡
ريماس تعصب وتتألم من ضغطة يدة قالت بي عصبيه :مش ح ننساااااااه دير الي بديرة وبعدين انت ما كلفتش نفسك تعرف السبب الي قتله عشانك مرات خويا ع حق
سامر بي صوت عالي :كلام منتهي وحاولي تباعدي شري عليكي
دفها ع السرير وطلع قربع الباب نزل وهوا متعصب وخلاها منهارة وتعيط ع حظها وتبكي 💔💔💔💔💔
طلع سامر ركب سيارته وحرق العجل وطلع يجري بكل وهوا متعصب بكل...
عند ريماس تسمع في الباب يدق مسحت دموعها ولفت وشاحها كويس وناضت طلعت  فتحت الباب ووخرت وراه وما تنصدم إلا  بي قوم خاش عليها خولة أم سامر وبنات خلاته وخالاته ومرت عمه
تقريبا هك عددهن 7 ولا 8
هنا شافلها وقالن :السلام عليكم
هيا ردت :و عليكم السلان تفضلن
خشن للصالة
وقعدن وهن يتفحصن فيها
خولة أم سامر :الحمدالله ع سلامتك قالو العويل شافو سامر رافعك يجري بيك للمستشفى شن فيك
ريماس تنهدت بي توتر :هبوط
مرت عم سامر :اهتمي بي صحتك يا بنيتي الحياه مش واخدين منها شي أزمة وتعدي
ريماس ابتسمتلها  بي فرحه من كلامها :صحيتي عميمه
خالة سامر بي تكشير:شن وضعك انتي وسامر
ريماس شافتلها بي حدة :اليوم أول يوم لنا ومزال ما تعودناش ع بعض
بنت خالته عفاف شافتلها بي تكشير :ومش ح تتعودوا زواجكم اصلا كله زواج ثأر ومش ح يصير حقيقي وسامر مستحيل يخلي اخت قاتل خو مراته
ريماس شافتلها  بي رفعة حاجب :شي يرجعلنا نحنا ال 2 هدا🙂
كلهن شافن لي ريماس بي نظرة دهول كانت ريماس يبان عليها شخصيتها قوية وانا حكيتلكن عليها في مقدمة شخصيتها قوية ولسانها طويل
عفاف شافت لي ريماس بي حقد
ريماس ابتسمت لي خولة :انتي أم سامر صح
خولة شافتلها :اي أنا
ريماس :فيك شبه واجد منه
خولة ابتسمت
ريماس ناضت : دقائق ونجي
خشت للمطبخ
اخت خولة :وووو باين عليها جالط ولسان طويل
مرت عم سامر شافتلها : البنت ماقالت شي انتن ولعتن فيها
خولة :كلام حليمه صح
اختها وعفاف كشرن
أما اختها الآخرة وبناتها كانن ساكتات
شوي وجت ريماس بي صفرة عصير وشوكلاطة مدتلهن وخشت جوا  المطبخ لحقتها عفاف
عفاف بي حقد :ما تفكريش أنه ح تاخدي قلب سامر ولا تخليه يحبك سامر ليا وح يكون ليل وزواجكم رسميات بس
ريماس انصدمت وشافتلها :واو عليك جراءة ووقاحه فيك وليش ما خديتيه من قبل
عفاف :كنت ناويه نعترفله صارت المشكله وانتي ما دخلكش
ريماس شافتلها بي استفزاز :اوميقاد من الي مادخلش هدا راااااااجلي يا ماما وعدي غادي انتي والحب متاعك الي من طرف واحد ماعش تجري ورا راجل متزوج🔥😌
طلعت ريماس للصالة وخلت عفاف مصدومه فيها وفي قوتها واستفزازها تعصبت عفاف بكل وحقدت ع ريماس بي زيادة وزادت حطت سامر في راسها
شوي وروحن وريماس ضمت الصفرة وخشت مكسدة قررت ادير غداء ...
-----------
عند رتاج وصلها خوها للشركه كانت لابسة قميصها الوردي لعند تحت الركبة ومعاه سروال ازرق لبسة بسيطه بكل بس هيا جميلة لو شنو لبست والغريب أنه جايه بدون خيمار خشت لي الشركة وقعدت تتفحص فيها بي اعجاب حكت مع السكرتيرة ع مكتب محمد وهيا دلتها عليه ركبت ودقت الغرفه خشت أول ما شافها محمد أنصدم وقعد مركز عليها وكيف أنه محوله الخيمار ونظراتها البريئه خلاته يشوفهلها بي تركيز
بعدها محمد رفع حواجبه :تفضلي ؟؟
خشت وجت قعدت ع الكرسي
محمد يشوفلها بي رفعة حاجب : سؤال قبل كل شي
رتاج بي استغراب :تفضل
محمد :ليش حولتي الخمار😒
رتاج انصدمت من سؤالة وانحرجت بكل
محمد يشوفلها بي نظرة غريبه
رتاج نزلت راسها وتنهدت بي حزن :الخمار لبسته ليا 4 سنين تعودت عليه بس توا قررت نطلعه مش عارفه ليش💔
محمد يشوفلها :ليش ؟
رتاج نزلن دموعها
محمد شافلها بي استغراب
رتاج :حسيت أنه ديما البنات يشوفلي بي نظرات نقص هنا يلبسن ويتأنقن وانا خمار بس وحتا اختك رولا تستحقر فيا وتحكي ع عباية وخمار قررت نطلعه بس نلبس  دبش طويل ومحترم نحس في روحي في مجتمع تهمه المظاهر بس💔😭
محمد شافهلها واضايق واجد لما شافها تبكي ولما قالت الجملة الأخيرة وتنهد وفي عقله لو تشوفي أكبر شخص مغرور ومادي هوا انا
شافلها محمد وقال بي نظرة حادة :خليك كيف ما انتي تبي مش كيف ما يبوا الناس
رتاج هزت راسها ومسحت دموعها :توا ياريت تفهمني طبيعة الشغل
قعد محمد يشرحلها وهيا متجاوبة معاه
بعد كملت ناضت
محمد :مكتب الي في جنبي ع طول ح يكون مكتبك
رتاج ابتسمت بي فرحه
محمد سرح فيها كانت جذابة بي شكل كبيييييييييييييييييير 🌸🌸
رتاج شافتله :توا نبدا في شغلي متحمسه بكل😍😍
طلعت وهيا زي الطفل بعد يفرح خشت مكتبها وقعدت تشوف للأوراق وادير زي ما محمد قاللها
ومحمد كان مكتبة لاصق في مكتبها ومكتبة ومكتبها مديورات بي زجاج شفاف يعني كل شي في مكتبها واضح لي محمد وهيا نفس الشي إنشاءالله تكونن فهمتن عليا♥️
ومحمد كل شوي تجي عينه عليها ويشوف فيها كيف تستغل بي حماس 💛💛💛💛💛...
-----------
في المصيف بعد ما نزلوا طلعوا الكل يعوموا وجو سمح ياسمين خشت جوا بكل ماعش قدرت تطلع قعدن يعيطلها بنات عمها وبنت عمتها وهيا زادت تخش لعند غرقت وكل الشالية لموا يشوفولها وأهلها طلعوا يعيطوا  ويبكوا ولأنه مصيف جديد مافيش فريق إنقاذ احمد وأهله وعيلة جيرانه يسمعوا في الاصوات جو التموا يشوفوا
ولد جيرانهم شاف لي أحمد :هدي شورك يا طير
أحمد تنهد وخش يجري عشان ينقذ ياسمين وكل يشوفوله واهلها فرحوا
أحمد كان يحب البحر وعندة خبرة ويعرف يعوم  بعد ما سلح قميصه خش يجري يغطس بي سرعه بعدها خش جوا ومشاءالله كان عوام بكل يعوم بي إتقان لعند وصل في ياسمين الي كانت تفرفش وسط الاميه وتتنفس بي سرعه
أحمد شافلها ومسك فيها من يدها وقعد يطلع بيها من الغريق بي طريقة حذرة لعند وصلوا لي بداية الشوط طاحت ياسمين بي تعب داخت
أحمد شاف كيف الدش لاصق عليها
مسك قميصه وحطه عليها
الكل يشوفوله بي إعجاب فجأءه قعدوا يصفقوا ♥️
أحمد ناض بي إحراج
جا بات ياسمين يجري خايف عليها ويبكي رفعها خش بيها جوا لحقاته مراته الي تبكي هيا ومرت خوه واخته والبنات
أم أحمد ابتسمت:في ميزان حسناتك وليدي
أحمد هز راسه لي أمه وابتسم وخش للشالية متاعهم عشان يدير دوش ويبدل💗
حطوها ع السرير وقعدوا ينوضول فيها
ناضت ياسمين فتحت عيونها وتكح اميه واجد شربتها
حظنتها أمها تبكي
مريم :خوفتينا عليك بنيتي 😭
انور : الحمدالله ع سلامتك بنيتي
عمها وعمتها كلهم:الحمدالله ع سلامتك
ياسمين بي تعب :الله يسلمكم
مريم :لولا ه الوليد الي يجزيه الخير انقذك رآه توا ربي يعلم بي حالتنا ربي يحفظه لي هله رأس بنيه والله قريب متت😭😭
ياسمين مسكت في يد أمها بي تعب وابتسمت :ربي يخليك ليا ماما
انور :مانيش عارف كيف نشكرة كلهم كانوا يتفرجوا الوحيد الي قدم وخش
بنت عمها :عليك عوامه يعوم فيها ماشاءالله 😍🤤
ياسمين ابتسمت بي تعب :توا نبي نرقد
كلهم بعد طلعوا قعدوا يحكوا ع موقف احمد وشهامته وهيا ما اهتمتش قالت واجبة😒خشت دارت دوش طلعت جففت شعرها لبست بيجامة وخشت رقدت ...
--------
عند استبرق خشت لي فيلا أهل يحيا بعد ما سلمت عليهم ركبت ع لي دار يحيا فتحت الباب
يحيا أول ما شافها :اطلعي برا😤
استبرق انصدمت :ك ك كيف
يحيا بي برود :اطلعي برا كلام واضح من سمحلك تخشي عليا بي كل ثقة ليش ما ادقي الباب
استبرق بي صدمه كبيرة:يحيا انسيتني أنا استبرق خطيبتك حبيبتك
يحيا بي عصبيه وصوت عالي :اطلللللعي براااااااا اطلعي اطلعي كله منك  منككككك😡😡😡😡
قعد يعيط وهيا مصدومه وتبكي
سمعوهم لوطة جو يجروا فريحه وموسى ونورس واختها وأمها قعدن في الدار وكانن يسمعن في النقاش
فريحه :شن فيه
يحيا :طلعيها الحقيرة برا
موسى بي صدمه : يحيا كيف تقول ع خطيبتك هكي
يحيا :مشششششش خطيبتي مشششششش خطيبتي كل شي صار بي سببها يا باتي
هما انصدموا :كييييف
يحيا :هيا الي ساحرتني
استبرق فتحت عيونها بي صدمه وكأنه موس انغرس في قلبها
فريحه :ك ك ك كيييييييف💔💔
يحيا :أمس راجعت الأحداث وكل شي أنا يحيا ننخطب استبرق ؟؟؟ كيف ما فكرتوا فيها كانت ديما تدحنس عليا وانا كارهه فجأءه نخطبها ونقعد نحبها أنا كم ليا مسحور شهرين ومعاها كم ليا خاطبها شهرين ومعاه وااااااضحه كلكم انصدمتوا لأنه أنا خطبتها بس مافيش ولا حد فكر في النقطة هدي وبعدين أنا ليش مجرد ما انفك السحر رديت زي قبل وكرهتها ؟🔥
موسى وفريحه مش قادرين يدوا من الصدمه
فريحه قدمت بي خطوات مهزوزة من استبرق :ص ص صح كلام الي قالة يحيا ؟😭😭
استبرق انهارت تبكي وتعيط وعيونها حقد وغل :صححححح أنا الي اتفقت مع سحارة وعطيتها فلوس تسحرة أنا الي غيرته خليته من شخصيه قويهه لي شخصيه ضعيفه من يحيا يكرهني لي يحيا يحبني من يحيا اجتماعي لي يحيا انطوائي من يحيا دم خفيف لي يحيا متاع نكد من يحيا يحب أهله لي يحيا ماعش يدور من يحيا يحب الصيدلية لي يحيا يكرهها من يحيا مش طايقني لي يحيا يموت في من يحيا مش مفكر فيا لي يحيا حدد موعد العرس اناااااااااا لأنه نحبه ومن طرف واحد ومش معدل عليا شن ندير عشان نحبني مافيش إلا الحل هدا ومش ندمانه ابدااااااا لو يرجع بيا الزمن ندير نفس الشي😈😈😈😈😈
كلهم مصدومين ومذهولين نورس  وعيلتها حتا باتها في المربوعة يسحر
كملت استبرق :حطيته لك في العصير وشربته زي الهبل بس كل مخططاتي راحن لما انفك🔥🔥🔥😡😡😡
ام يحيا عطت لي استبرق كفففففففففففف لعند وجهه لف من قوتة
فريحه بي عصبيه وحقد :حسبي الله ونعم الوكيل فيكي حسبي الله ونعم الوكيل فيكي الله لا يربحك إنشاءالله تلقيها تبي ادمري ولدي اطلعي براااااااا برااااااااااا وجهك ماعش نشوفة ومن توا أنا متبرية منكم انتي وامك الي عساس اختي حسبي الله ونعم الوكيل فيكم من توا  انفسخت الخطوبة
استبرق شافتلهم بي حقد ونزلت تجري
أما فريحه حظنت ولدها وانهارت تبكي
وموسى نزل يحكي لي منصور وهوا مصدوم
يحيا يبوس في راسها :حسبي الله ونعم الوكيل ربي يحبني عشان كفشها♥️♥️
يمسح في دموع أمه:ماتنزليش دموعك ع وحده زي هدي
فريحه ابتسمت :ربي يخليك ليا
يحيا ابتسم :الفضل يرجع لي بنت عمي منصور لو ما سمعتها تقرا قراءان ما كنتوش عرفتوا
فريحه ابتسمت :نورس ونعم البنات
يحيا ابتسم وحك حاجبه بي توتر :اسمها نورس💓💓
فريحه هزت راسها
يحيا ابتسم
طلعت فريحه وخشت عليهن تخبر فيهن تبكي وهنا يهدن فيها
روحت استبرق حكت لي امها الي انصدمت واضايقت أنه مخططاتهن خربت أي ما تنصدمنش أمها معاها تبيها لي يحيا وهيا الي شالاتها تسحر امهات واجد كيف أمها🔥💔
استبرق قعدت تبكي شويا بعدها بدت تخطط لي خطط أخرى 🔥...
------------
فات باقي الوقت...