محاسن الصدف 💗

الحلقه 14 ما قبل الأخيرة

#الكاتبة_ژوژو_الطشهه

#محاسن_الصدف

#الحلقه_14_ما_قبل_الأخيرة

#لايك_قبل_ما_تقري👍🏻

{ديري متابعه لي إيميلي عشان مجرد ما أنزل الحلقه تطلعلك طوووول❤️}

تابعني واتباد 🤍

zozo_18_2003

********
تابعني انستا♥️♥️_its_zo0zo0_ab

*******
عند ريماس وسامر قاعدين مع خولة دق الباب فتح سامر وانصدم وفتح عيونه من الصدمه يشوف في عفاف قاعده ع كرسي متحرك متاع المشلولين ومعاها أمها
سامر بي صدمه وخوف : اهلين خالتي خيرها عفاف لأباس كنها شن تحس 😟
(طبعا خولة ما حكتش لي سامر وريماس ولا ع حاجه قالت مش ح تقوللهم بكل بس ما تحسابش بيصير الي صار توا + عفاف سامر وخوه مجد كانوا يعتبروا فيها زي اختهم بي حكم ما عندهمش اخت وهيا كانت ديما تبات معاهم وهك بي حجة تساعد خولة وهيا كانت تبي اطيح سامر وكانوا يدلعوا فيها يجيبولها في كل شي وهك معاملة خو لي أخته بس هيا ااااه بس شن جازتهم 💔🔥)
عفاف وأمها شافن لي بعضهن بي صدمه ما يحسابنش سامر ما عنداش علم
سامر لما شاف دموع الي في عيونهن خاف وقال :خشن خشن
قعدت خالته أدف في بنتها بالكرسي لعند لحقوا سامر وخشوا للصالة الي كان فيها ريماس وخولة وأشرف
سامر بي توتر : أمي جت خالتي مبروكه ومعاها عفاف مش عارف كنها شكلها مريضه
خولة شافت لي اشرف بي صدمه واشرف نفس الشي
شوي وخشت مبروكه بي بنتها
واشرف وخولة شافوا لي عفاف وما استغربوش لأنه وصلتهم المعلومات أنه دارت حادث وانشلت
سامر لاحض كيف الجو متوتر وأمه ما سلمتش ع خالته وبنتها وما رحبتش بيهن غير عن العادة
سامر بي رفعة حاجب :شن صاير في شي صار ونحنا مش عارفينه
خولة بي عصبيه ناضت :اطلللللعن برا شن تبي جايه وجايبه معاك بنتك الي كانت ناويه تخرب بيت بنتي قبل لا يبدأ 😡😡
عفاف قعدت تبكي وأمها تبكي معاها
سامر وريماس شافوا لي بعض بي صدمه :كككيييفف؟؟
عفاف انهارت تبكي وأمها تبكي معاها
عفاف :أنا نحبك يا سامر اه ما تنصدمش نحبك نحبك وعارفتك تعتبر فيا كيف اختك بس شن تبيني ندير الحب يخش بدون استئذان وديما نتمناك ليا بي رغم مش معبرني بكل لاكن وربي ما عمريش حبيت حد كيفك انت بس خلاص كان عندي أمل بسيط أنه تكون ليا بس بعد وفاة مجد وجوازتك والي صار قهرني وخلاني نحقد ع مرتك ونحقد عليك والحسد والحقد والغل عملي قلبي كيف أنا نحارب عليك السنين هدي كلها وتتزوج بعدها وحده غيري ف قررت نلجأءة لي شي ثاني الي هوا السحر قلت مع السحر نخليك تكرهها واطلقها وتحبني وتتزوجني شوف نتيجة الي صار بس ربي يخليكم مسكتني خالتي خولة في اخر لحظة وانا طالعه من هنا دارت حادث عنيف وخسرت المشي بس وربي ندمانه قد شعر رأسي وجايه نستسمح منك انت ومراتك وانت بذات نطلب منك تسامحني ارجوك يا سامر والله الليل مش قادرة نرقد وانا نفكر والندم ياكل فيا خسرت شبابي وقعدت وحده ماتمشيش ولا تتحرك في مكان واحد وربي ارجوك سامحني لأنه بنموت من الندم ياكل فيا اكل ربي خدالكم حقكم ثالت مثلت 😭😭😭😭💔💔🔥
سامر كان طول الوقت يسمع وفاتح عيونه ع وسعهن من الصدمه مش مستوعب الي سمعه بنت يعتبر فيها أخته وعمره ما قصر معاها ادير فيه هك كانت صدمته كبيرة بكل لعند دمعوا عيونه واعرة عليه بكل 💔💔
خولة دموعها ينزلن
ريماس مصدومه وتشوف لي عفاف بي حزن
عفاف :عارفك مصدوم ومش مستوعب بس هدا الي صار 😭😭
سامر تنهد تنهيدة كبيرة وشاف لي ريماس :ش ش شن رأيك ؟💔
ريماس تنهدت ووزعت نظرها عليهم كلهم بي ضيق وقالت وهيا ودموعها ينزلن :هيا صح غلطت وغلط كبير بس شوف يا سامر كيف ندمانه ومعترفه بي غلطها وبعدين ربي ياخد الحق وانا وياك توا مرتاحين وما صارش من السحر فلذلك نسامحوها الإنسان مش معصوم عن الغلط كلنا خطائيين مافيش حد ما يغلط لاكن المهم تعرف غلطك واثوب لي ربي وهيا عرفت غلطها صح صعب عليك حتا انا صعب عليا بس الحب شي صعب بكل وممكن هيا فكرت بي قلبها مش عقلها هيا غلطانه من ساسها لي راسها بس يعني مسامح كريم أنا هدا رأيي 💔🔥❤️
كلهم كانوا يسمعوا فيها ومبتسمين
سامر جا مسك يدها وقال بي نظرة تلمع حب :ربي يخليك ليا وانا كلامك بي صراحه اقنعني ♥️
ريماس ابتسمت بي خجل
خولة :ربي يكملك بي عقلك بنيتي
اشرف :الي قلتيه صح
مبروكة تبكي :بارك الله فيك والله انتي بنت أصل 😭😭😭
عفاف عيونها مغرقات بالدموع قالت : شكراااااا شكراااااا في ميزان حسناتك يارب والله سامر يا حظه بيكي ربي يهنيكم ويكمل عليكم بالخير 😭♥️
سامر شاف لي ريماس وابتسم وشاف لي عفاف وقال بي جدية :أنا مسامحك وريماس مسامحتك والله يسامحك بس أنا نقولك تقدري تكملي حياتك عادي بس بعيد علينا لأنه أنا مستحيل نتقبل نحكي معاكي مره اخرى صعب الي انكسر ما يتصلحش 💔🔥
عفاف هزت راسها بي حزن وراحه :تمام
مبروكه جت لي خولة وحظنتها :سامحيني اختي ارجوك الله يربحك 😭😭♥️
خولة تحظن فيها :الله يسامحك الله يسامحكن بس😭♥️
مبروكه :توا نستأذنوا
طلعن وسامر ركب فوق وهوا مضايق ولحقاته ريماس
سامر حاط رأسه ع مسند الطاولة ويقول :اخخخ بس دنيا غريبه عجيبه الناس مظاهر
ريماس حطت راسها ع كتفه :خلاص حبيبي انسا الي صار وما تفكرش فيه
سامر شافلها وابتسم باسها ع راسها وقال :نحبك ربي يخليك ليا انتي والببو يا قلبي ❤️♥️🥺
ريماس :نموتوا فيك  نحنا يا احلى بابا ♥️♥️🥺
**********
(حبيباتي اسفه لو فيه أخطاء إملائية لأنه نكتب لي سرعه وما نصححش ♥️)
********
عند محمد ورتاج قاعدين في مطعم وصلت لي محمد رسالة مجرد ما شافها ناض تلقائيا وقدم من رتاج وهوا يشوفلها وهيا تشوفلة بي خوف
رسالة كانت مكتوب فيها
📩:انا عبدالصمد معقوله يا توجي تنسيني وتتزوجي بس انا عارفك مزال تحبيني وهدا رقم زوجك صح خليه يقراها ويطلقك ونجي نتزوجك طول تدكري ايامنا وحبنا الله رايفت عليك وع عيونك الي لونهن زي لون البحر نحبك 😍❤️)
وكانت الرسالة فيها صورة شاب
محمد يشوف لي رتاج وعيونه بيطلعن من مكانهن وعاقد حزاجبه من الغضب ويشوفلها بي نظرة كفيله تقتلها 💔
رتاج بي خوف كبير :ش ش شن فيه
محمد مد تيلوننه لها وهيا خداته منه وهيا تشوف للرسالة ومصدومه  وفاتحه عيونها ودمعوا عيونها
قبل لا تفتح فمها بي كلمه قال محمد بي عصبيه وصوت عالي :صببببيييي
الي في المطعم كلهم يشوفولهم
ناضت رتاج بي خوف وهيا ترجف وتبكي ومش فاهمه شي لحقت محمد الي ركب السيارة ويشوفلها بي نظرات يخوفن :ارككككبيييي😡😡😡
ركبت رتاج وهيا تبكي وخايفه
محمد بي عصبيه خبط دومان السيارة :صووووووتكككك مانبيش ننننسسسسمممممعه سكري فمكككككك لعند نوصلوا 😡
رتاج حطت يدها ع فمها وهيا كاتمة عبرتها وخايفه وتبكي بي صمت ومش فاهمه شي الرسالة صدمتها ومن لاه مصلحه يبعت هكي وهل عبدالصمد صح هوا الي بعتها ولا لا
بعد حوالي ربع ساعه وصلوا للفندق نزل محمد وهيا فتحت بابها ولحقاته  ركبوا لي الدار فوق مجرد ما خشت سكر الباب ويشوفلهل بي ضيق وعصبيه ونظرات مختلفة
رتاج تبكي :والله مش صح الكلام الي في الرسالة 😭😭😭😭
محمد بي عصبيه :سؤال واحد بس وجاوبيني عليه تعرفي حد اسمه عبدالصمد ومن يكون
رتاج قعدت تبكي أكثر :نحكيلك القصه هيا ....
قبل لا تكمل قاطعها محمد بي عصبيه : جاوبي تعرفي ولا لا ومن يكوووون
رتاج بي خوف شديد :نعرف ولد جيرانه
محمد ضحك بي كسرة قلب وهوا من داخل يموت الف موتة وقلبه محروق قال بي عصبيه :معناها الكلام الي في الرسالة صح يعني  تحبيه ويحبك ودايرة روحك بريئة وملائكة عليا لاكن ح تشوفي طلاااااق مش مطلق وح تشوفي شي مش ح يعجبك 😡😡
رتاج تبكي :كددددببب خليني نفهمك حرام عليك
محمد من كثر ما تعصب ومشاعرة مختلطات عداها كفففففففففففف خله رتاج روحها تطلع معاه وكانه ضربها بي موس صدمتها أنه محمد ضربها وهيا مظلومه اوعر من الكف
محمد شافلها بي عصبيه وطلع من الدار بعد ما قفلها وشال معاه تيلفونها ومجرد ما طلع من الدار دموعه نزلن بي حرقة قلب 💔💔💔
أما هيا انهارت تبكي وتعيط وتخبط ومصدومه مافيش شي في الحياه ابشع من الظلم ومش فاهمه شي وعبد الصمد معقوله يدير هك 💔💔
أما هوا ركب سيارته ورن ع صاحبه
محمد :قتلك يا ايمن نبيك تعرفلي من صاحب الرقم هدا اليوم ضروري
أيمن :ولا يهمك تمام
سكر محمد منه وطلع يلف يلف وعقله وقلبه يلفن معاه كان موجوع أنه مد يدة عليها من توا يوم زواجهم بس ماقدرش يستوعب حتا هوا معاه حق شوي صح تسرع بس الرسالة الي جاته صعبه ع اي واحد يحملها بذات شخص زي محمد يحب مرته وشخصيته هك واعرة قعد يلف ومضايق ومش فاهم شي💔💔
*********
عند نسرين مكسدة مع سوسن خطيبة خوها جتها رسالة قرتها وانصدمت
كانت الرسالة مكتوب فيها
📩:شن جو القهوه طلعت ولا مزال