كبرياء طفله
الاول
استغفر الله العظيم و اتوب اليه
في الصعيد وقف الاب : لا حول ولا قوه الا بالله العلي العظيم .. قوم يا بني نروح المستشفي ناخد جثه عمك ومراته و ابنه الصغير ندفنهم ..
الابن وهو جبل : ربنا يرحمهم يا بابا .. . يلا علي المستشفي
راح عزيز مع جبل ابنه علي المستشفي بعد اما عرفو أن عزت عم جبل عمل حادثه والعربيه اتقلبت بيه علي الطريق هو ومراته وبنته وابنه الصغير.
و مات الجميع ما عدا البنت وهي ( حور )
حور وهي حور اسم علي مسمي بنت جميله جدا شعرها لونه غريب ( برتقالي) طويل وعينها خضرا زي القطط وبيضاء
........
بعد وقت .في المستشفي
خلص جبل الإجراءات و عزيز ودخل علي بنت اخوه يصبرها بكلمتين
عزيز : الغاليه بنت الغالي ..
حور فتحت عينها ومقدرتش تنطق من الصدمه وقعدت تعيط في حضن عمها ٠
دخل جبل. : كل حاجه تمت .. هنخرج من هنا عشان الدفن
. عزيز طبطب علي بنت اخوه : قومي يابنتي ربنا كريم وانا موجود ابوكي الثاني
حور حولت تقوم مقدرتش ومش عارفه تتكلم وحالتها صعبه
قرب جبل : انا اخوكي الكبير يا ست حور .
حور دموعها نازله ومش بترد علي حد
شالها جبل وهي اتكسفت وحاولت تبعد
عزيز : الدكتور قالي انك مع العلاج هترجعي تمشي تاني وتكوني احسن من الاول
رجعو البيت .. واستقبلتها حنان ام جبل ومرات عزيز
وهي بتعيط وبتشفق علي حالها ..
كان في واحده واقفه مش عاجبها اللي بيحصل وبتبص علي حور بغل وحقد
جبل طلع حور في اوضه وحنان معاها
جبل : خليكي جنبها يا امي .
حنان حضنتها : حاضر يا بني . ربنا يصبر قلبها
خرج جبل من الأوضه و انتبه باللي واقفه وحاطه أيدها في وسطها وبتبصله
جبل : قالبه وشك ليه يا سمر
سمر : كانت اتشلت عشان شايلها كده
جبل نفخ : البنت مش قادره تتحرك . ايه مش شايفه اللي فيها . دي خسرت كل اهلها في يوم واحد
سمر : برضو بتشلها ليه
جبل : عشان مش قادره تمشي . فهمتي وله اقول لثالث مره
سمر قربت منه وهي بتلعب في زراير قميصه : بغير عليك يا جبل . مش خطيبتك وهبق مراتك
جبل : تغيري من طفله يا سمر.
