4🥀

45 5 14

بواسطة Zat_Alneqap

بقلم Zat_Alneqap

Part: 4🥀
بقلم: هدير سيد🌼♥
__________________
وٌلَوٌ هّحًبً تٌآنِيَ هّحًبًکْ آنِتٌ بًردٍوٌ♥

ورجعوا ع البيت وبعد ما كانت نور حزينة ومش بتتكلم مع حد ولا بتضحك مع أهلها بقت مبسوطة من الا يوسف قالوا وبقت حابة الحياة ورجع عندها امل تاني علشان الأمل اتقطع عندها تماما.
هي رجعت بيتها وهو كذالك وجالها بالليل قعدوا اتكلموا وكان فيه طبعا حد معاهم ف الأوضة علشان هما لسه مخطوبين فا هو لسه اجنبي عنها معرفوش يتكلمو ف الموضوع بتاع نور فا لما رجع بيتو كلمها ......
يوسف / عامله إي.
نور / الحمد لله ،،دا علي اساس اننا مشوفناش بعض بقالنا كتير احنا مش كنا لسه مع بعض ههههه.
يوسف / عارف بس اقصد صحتك عامله إي.
نور / يعني الحمد لله.
يوسف / يعني اي الوجع زي ماهوا.
نور / شوية بس الحمد لله اول ما شفتك مبقتش تعبانه زي الأول وبقي عندي امل ف الحياة تاني .
يوسف / لي هو انا العلاج ولا أي.
نور / اه طبعا انت علاجي ياريتك كنت نزلت من بدري.
يوسف / لو كنتي قلتيلي كنت نزلت.
نور/ الا حصل بقي مكنتش عايزة ادايقك ولا اقلقك وكمان علشان معطلكش.
يوسف / لا مكنتيش هتعطليني أنتي اهم حاجه ف حياتي يا نور عارفه يعني ايه يعني من غيرك حياتي ملهاش اي معني،، من غير وجودك ف حياتي ومن غير كلامك وهزارك وضحكتك انا مش عايش،، من غير خوفك وقلقك عليا انا مليش لازمة فهمتي!
نور/ كانت بتبكي وظهر ف صوتها.
يوسف/ قولتلك قبل كده مش عاوز اشوف دموعك دي تاني صح.
نور/ صح.
يوسف / يبقي مش عاوز اشوفهم تاني.
نور/ حاضر.
يوسف / ربنا ميحرمنى منك ابدا ويديمك ف حياتى.
نور / ولا يحرمني منك أبداً.
يوسف / بكرة عندك محاضرة.
نور/لا المحاضرة يوم ويوم.
يوسف / طب لازم نخرج بكرة علشان نروح نشوف دكتور.
نور/ طب اقول لبابا وماما أي.
يوسف / مش عارف قوليلهم هتاخدي كورس أوطلع عندك محاضرة النهاردة.
نور/ خلاص ماشي تمام.
يوسف / ع الساعه 9:00 ان شاء الله تكوني جاهزة.
نور / حاضر.

♡_________________♡
في اليوم التالي صحت نور وعندها نشاط واتقابلت هي ويوسف وراحوا عند الدكتور واتفق معاهم هيمشوا علي علاج معين وقالهم ان المرض لسه ف بدايتوا .....
نور/ امال ليه يا دكتور كان بييجي عليا وقت مكنتش ببقي قادرة احرك جسمي.
دكتور مراد/ دا نتيجة الاكتئاب إلا كان عندك مع المرض كانو بيأثروا علي الحركة بس نحاول نتجنب أي زعل علشان المرض ميأثرش علي صحتك بالسلب.
يوسف/ قولها دي مش بتبطل نكد.
دكتور مراد/ ههههههه كل الستات كده .
نور/ هههههه لا يا دكتور مش كلهم.
يوسف/ ايوة طبعا حبيبتي مش منهم.
دكتور مراد/ ربنا يخليكم لبعض بس أرجو الإلتزام بالعلاج.
نور / حاضر.
استأذنو وخرجوا من عند الدكتور وكان مبتسم ان لسه فيه ناس اوفياء زيهم ناس خايفين علي بعض .
وهما ف طريقهم للبيت طلب منها يقعدوا شوية ف كافية ................
يوسف/ إي رأيك نقعد نتكلم شوية ف الكافية.
نور/ اشطا.
يوسف/ بالمهلبية ههههه.
نور/ أوبااا بقي دانت اتعلمت.
يوسف/ مينفعش اكون معاكي وما اتعلمش حاجه .
نور/ برافووو وهي تصفق علي يديها.
يوسف/ ميرسي هههه.
قعدوا وطلبوا إلا هيشربوه والوقت عدي بسرعة محسوش بيه وكل واحد رجع بيته واليوم عدي.

♡_________________♡
مرت الأيام والشهور ومي بتتعالج وكل يوم بتخف عن الا قبلو وامتحاناتها قربت باقي عليها أيام مامتها لاحظت خروجها كتير فسألتها..........
أمل/ أنتي بقيتي بتخرجي كتير لي ي نور.
نور حاولت تهرب من أسئلتها كورسات ي حبيبتي علشان الامتحانات.
امل/ انتي فيه حاجه مخبياها عني ي نور وأنا مش هسيبك غير لما اعرفها.
نور/ احتضنت وجه امل بيديها هخبي إي بس ي روح قلبي.
امل / معرفش قولي لنفسك.
نور طب استني هسألك نفسي ،،يا نفسي انتي مخبيه حاجه عن ماما .....بتقولك لأ اهي.
أمل/ نور انا مش مغفلة إلا يشوفك دلوقت ميشوفكيش من شهرين تلاته.
نور/ إزاي!
امل/ يعني الاول كان بيبقي ظاهر عليكي الحزن والاكتئاب وانك تعبانه من حاجه دلوقت في حاجات اتغيرت احكيلي اي الا كان عامل فيكي كده ومتقوليش ضغوطات كلية علشان مش هصدق.
نور/ أخذت نفس عميق وتنهدت عايزة تعرفي مالي.
أمل/ ايوة ريحيني .
نور/ ماشي هقولك بس متزعليش ومتتعصبيش.
أمل / قولي.
نور بعد ان قصت عليها ما حدث لها في الفترة الأخيرة من مرض ومازال يحدث ........
نور/ ها ارتحتي كده لما عرفتي.
امل/ مازالت تحت تأثير الصدمة من كلام نور مش عارفه تقول إي ولا تعمل اى.
نور/ يعني سكتي .
أمل/ الكلام ده صح ولا بتهزري.
نور/ ههزر في حاجه زي دي لي.
أمل/ ولي مقولتيلناش.
نور/ مكنتش عاوزة اقلقكم ولا اخوفكم.
أمل/ انتي مجنونه يعني لو مش احنا الا خوفنا عليكي مين هيخاف عليكي.
نور/ عادي انا تمام أهو وبتعالج .
أمل/ بتتعالجي من امتي.
نور/ من فترة قريبة.
أمل/ يعني مكنتيش بتتعالجي من لما عرفتي.
نور/ لأ انا كنت مستسلمة تماما ومكنش عندي أمل ومكنتش قايلة لأي حد ولما قولت ليوسف نبعد عن بعض لما التعب كان بيزيد عليا كان عايز يعرف اى السبب بس مقولتلوش فا خلا مي تيجي وتعرف مني اي السبب ولما قولتلها اني تعبانه قالتلو وهو ده السبب إلا خلاه ينزل.
أمل وقد تجمعت في عيناها الدموع واحتضنت نور ومشاعرها مختلطة ما بين مبسوطه لانها دعائها استجاب بأن الله يرزق ابنتها زوج صالح يتقي الله فيها وحزينة علي ما صاب قارورتها الصغيرة وتحملت كل هذه الآلآم وحدها.
نور/ بتبكي لي بقي دلوقت المفروض تحمدي ربنا علي كل حاجه .
أمل/ الحمد لله ي حبيبتى بس مش عاوزاكي تخبي عني حاجه تانى.
نور/ حاضر يا أجمل وأعظم أم ف الدنيا.
وأمل قالت ل محمد والد نور علي كل حاجه زعل منها شوية انها خبت عليهم بس نور صالحتوا.

♡_________________♡
عدت الأيام ونور كانت بدأت امتحانات ويوسف جنبها ومش بيسيبها وخلصت امتحانات والنتيجة طلعت وجابت إمتياز وكانت فرحتهم فرحتين والفرح اتعمل ف ميعادو ونور كانت طايرة من الفرحة ويوسف بردو ان اخيراً حلمهم اتحقق بعد عذاب وعاشوا حياة سعيدة وربنا رزقهم ب *حور وأنس*

♡_________________♡

وبكده الرواية خلصت يارب تكون عجبتكم هى صغننه بش مش مشكله المرة الجايه تكون طويله ونلتقي ان شاء الله ف رواية أخري بس حابة أقول حاجه صغنونه قد كداهوووون.

مفيش أحلي من ان الانسان ربنا يزرقو ب شخص يحبو ويخاف عليه من النسمة وده بردو رزق زي الصحاب زي التعليم زي كل حاجه رزق ف حياتنا.
لازم نكون اوفياء للي بنحبهم واهم حاجه نختار الناس إلاهتدخل حياتنا صح علشان منندمش بعدين نختار الناس إلا هتفضل معانا مهما غيرتنا الظروف،،الناس إلا يقفوا معانا ف الحزن قبل الفرح،،الناس إلا مهما حصل معانا مش هتيغيرو ،، الناس إلا هيخلونا رقم واحد ف حياتهم،،، الناس الا هياخدو بايدينا لو ف يوم وقعنا.