කවියෙකුට පුළුවන්ලු
මැරි මැරී ඉපදෙන්න...
සංතාප කදුළු මැද.
කළු ගලක් සේ ඉන්න...
අකුරු එක දෙකක් ගෙන..
හැඟීමක පටලන්න...
කවියෙකුට පුළුවන්
මැරි මැරී ඉපදෙන්න..
කවියෙකුට පුළුවන්ලු..
ක්ශිතිජයක සැඟවෙන්න...
ඉර ගිළෙන මහ සයුරේ..
රැළි අතර කිමිදෙන්න...
රළු සයුර සේ දැනෙන
දුකින් හිත මුදවගෙන..
කවියෙකුට පුළුවන් ලු
ක්ෂිතිජයක සැඟවෙන්න...
කවියෙකුට පුළුවන්ලු..
වැස්ස හා සැනසෙන්න...
අළුපාට අහස් දෙස
නෙත් විදා හිනැහෙන්න..
ගලන ඒ කදුළු කැට...
වැහි දියේ පා කරන...
කවියෙකුට පුළුවන්ලු...
වැස්ස හා සැනසෙන්න..
කවියෙකුට පුළුවන්ලු...
කවි අතර මියයන්න...
රිදුම් දෙන හිත එක්ක..
ලීව කවි කියවන්න...
සිත විඳින හැගීමට..
අකුරකින් පන දෙන්න..
කවියෙකුට පුළුවන්ලු..
කවි අතර මියයන්න...
.
.
.
.
.
.
.
𝒊𝒍𝒚 𝑲𝒊𝒎 🌺
Oops! This image does not follow our content guidelines. To continue publishing, please remove it or upload a different image.
