"أرجو أن يمنحني الله بيتًا دافئًا
وأحلامًا أراها حقيقة أمامي، والكثير من السعادة
تضمد جروحًا قد أحدثتها الحياة."
مسائكم محبه وهدوء الليل وجمال النجوم.. أقدم لكم تحياتي معطره بحب واحترامي لكم..
اني الكاتبه بغداد كاتبه مبتداء اتمنا دعمكم للقصه والقصه حقيقيه لهسه مامحدده النشر وبنهايه القصه انشالله راح اعرفكم علئ البطله وشلون اتعرفنه وشلون كتبت القصه...
كعدت من الصبح علئ صوت صياح بيبيتي اصيح علئ امي وابويه واتكلهم طلعت نتائج نور بوقتها جنت بحلم بس فزيت علئ صوت
جيرانه اجت وكالتلنه..
فزيت وكمت بسرعه
بابا،.. اسم الله ماكو شي بسرعه بدلي وامشي انروح
ماما..لاتخافين عادي شتطلع النتيجه عادي
نور... جان الخوف والتوتر يقراء الف عندي بحيث حسيت راح يغمئ عليه
خليت وطلعت للمدرسه إلى جانت تفرق علينه خمس بيوت لأول مره الطريق مايخلص وهيج طويل وصلت
وكعدنه ننتظر يسووهن هواي انتظرنه بساعتين انتظر وجماعتي وصديقاتي هم منتظرات وامي اتروح وترجع وابويه راح للشغل بعد ما أجا شافني وراح لحد ما اجت جيرانه ام المحل وكالت للأستاذ كريم أجمل استاذ قمه الأخلاق جان كلش انحبه هو معاون كلتله ماتنطيها نتيجتها امها راح يوكف كلبها كلها من عيوني..
اني اهنا الخوف قرب حسيت نفسي متتت ياريت لو ماكايلتله دخلت أويا وجانن معلماتي هم كاعدات جان يكلي اسمج كتله نور الهدئ عمار محمد
استاذ كريم.. باوع عليه كلي طاح حظج راسبه
نور... بسرعه نزلت دموعي عشره عشره
استاذ كريم.. ضحك كلي ام دميعه جذب اشاقه اوياج ناجحه
ست شيماء.. الف مبروك حبيبتي ناجحه معدل ٨٦
نور... زادت ادموعي وبجيت من كل كلبي صدك هواي تعبت ماعدا الخوف والقلق وهذا الي حصدته مساعده ماما إلى تعبت أضعاف تعبي اوياي جان أجمل يوم بحياتي..
كبرت وصرت متوسطه كبرت أحلامي وكبر عمري
فرحه امي إلى بجت من الفرحه أو اخواني إلى عبالك مطلعه دكتورا يركصون ويهوسون...
بيبيتي ام أبويه.. عليمن هل بجي شني طالعه دكتوره وماندري
مرت عمي الجبير... بالخير عيني عمي خوش نجحتي
"غلست عليهم وعلئ كل كلامهم لأن متعوده لهسه كلامهم براسي بس فرحتي جانت أكبر من كل كلامهم"
امي وكالت بدلي وتعاي انروح نسوك اني جنت اموت علئ ام حسن ام المسواك بس مايخلوني اروح فرحتي طرت من الفرح عبالك رايحه مدري وين
لبست وامي سوتلي ضفيره صفح
وطلعنه اني واخواني...
علي اخويه الوسطاني... ماما لا تأخذيها اويانه اتولي
نور... أنجب ولك غصبن عليك اروح اني وعبودي
عبودي اخويه الصغير.... فرحان ومجلب بيه خاف انتركه((عبودي اخويه الصغير واكو بعد اثنين تتعرفون عليهم بالقصه
كلش يحبني واني اموت عليه حنيته عليه أو حبه اني أويا روح وحده))
نور... جنت امشي وماما اسولف بس بالي مو يمها جانت فرحتي جبيره كلش ومنتظره بابا علئ نار يجي واكله اني نجحت ونتعارك اني وحسون خاف يكله قبلي
.. عرفت معناها انو اتحققق حلمك وتعبك اهنا جنت احلم اكون صيدلانيه من جنت اباع للصيدلانيه إلى بالشارع..
افرح واتمنا اكون مكانها.. جان هذا حلمي
مشينه وصلت لام حسن وكفت ماما تسوك والنسوان اتسولف
علي... أريد اشلي (بمعنئ اشتري بس هو لسانه ثكيل)
نور... ماكو شرايه لحد مانوصل للبيت نشتري من ام سيف الصم
ما اعرف حسيت الكاع تفتر بيه بس قاومت شويه وماشفت غير السواد حاوطني....
أنت تقرأ
حب جعل مني رماد
Romanceحب... لأول مره يدق قلبي الحب لأول مره أشعر بأني كالطير.. حره حلقت بحبك بعيدا... مضت حياتي باره الئ أن أتيت انت.. مضئ الكثير من الوقت علئ حبنا.. اعطيتك الكثير والكثير.. اعطيتك مالم اعطيه لنفسي.. أحببتك أكثر مما ينبغى وانت ما ذا أعطيتني غير جراح... "ل...
