حب جعل مني رماد

البارت الثالث عشر

مسائكم محبه وجمال🥀

يڪَول احمد عاشور :
اعذرني وداعتك مابيه شي يسوه
شتسوي ببشر ينشاف بـ الڪَوة
شتسوي ببشر من حِچوا عنه وغاب
محد ظل ورا بالليل يتچوة
مرات اليحب من ينلچم يرتاح
چا هيه الجروح الفاهيه شتسوه ؟
چا هيه العيون الماتفز باليل
وتبچي اعله النسوه عيون موحلوه
وانه مشتاگلك بس لازم اتناساك
عرفتلها وبعد ماروحلك فدوة
مشكلتي من احب تصغر بعيني الناس
ومشكلتك ثنين ثنين من تهوة ..

__________
نور.💬 اتفضل احجي
حسين.💬 باعي نور اريدج اتخليني اكتب براحتي ماشي ولاتردين عوفيني اكتب لحد ما اخلص جاوبي ماشي

نور.💬ماشي وترتني احجي
نور... التوتر بشكل وصخنت والأفكار اتناطحت براسي
حسين. 💬من يوم الي وديتج انتي وعمتي للمعهد شفت شخصيتج
وجمالج مو قصدي اباع بس والله
انتي ملفته للنظر بشكل مشيتج طريقه كلامج
ضحكتج بساطتج عفويتج هواي بيج شغلات ما اكدر اوصفهن اخلاقج الحلوه كلششش انعجبت بيج ودائما اراقبج من ترحين للمدرسه من الشباك انتظر من ترحين لحد ماتجين
يعجبني ثكلج بالشارع وقوه شخصيتج
وكلها تحمد بيج وباخلاقج نور بالمختصررر
أني احبج ومن سنين هواي علمودج ما اراسل بنات ولا احجي ويا بنات
والله احبج ودورت ومليت يلا لكيت حسابج ماتعرفين شكد تعبت واني ادوره احبج فكري براحتج كل كلمه اتكوليها اني اوياج واسمعها

نور... انصدمت من الي حجيه صدمه عمري بس بنفس الوقت ابتسمت يعني اني حلوه ومجذبه للنظر ومن زمان احلم واتمنا واكول هم اكو معجب بيه شخص طلع موجود خيه كاظميه بس هو اني وين منتبه عليك اصلا استغفرالله رجعت للواقع وغميت نفسي وكتها الولد يحجيلج مشاعر مشاعر يا حماره الحمير والمحمير هسه بله هذا شكله اني وين اعرف ارد اني لعد مو رديت علئ عمر اي عمر احبه هذا الولد هسه يلا انتبهت عليه اصلا أخذت نفس احم احم
نور.💬باع على اني اول شي ما اعرفك وهسه يلا شفتك صح اعرف اهلك واسمك بس انت ماشافيتك ولا محاجيتك
وثانيا اني ابدا ما افكر بحب وحتئ لو حبيتك فرضا
نور💬يبووو ياطلابه حب نفسك احسلك
حسين💬امشي روحي نامي الله كريم نصبر شورانه
نور💬هو هيج يلا اترخص تصبح علئ خير
حسين💬أصبح وأمسى بعيونج الحلوه اني

نور... انطيته لايك لأن ما اعرف شجاوب ضلت الأفكار تتناطح براسي بوقتها شلون حبني زين شوكت هو ماخذني للمعهد استغفرالله عايزه اني صح هو مايعيبه شي وهو حلو ملامحه كلششش حلوه عيونه ونظرته حاده وضخم عبالك أكبر من عمره ولا عبالك هو بعمري ماكو فرق بينه أشهر بس يبين أكبر واضخم بهاي اللحظه أجت عيون عمر بعيوني حسيته يعاتبني أو يكلي شلون اتخونيني حسيت بتأنيب الضمير فضيع نزلت دمعه علئ خدي حسيتها جمره مو دمعه ضحكته لهسه بأذني صوتها الحلو لو عصبيته عليه ورزايله كلهن ينعاد عليه مثل شريط حبيته هواي قرر ت من بين ألف فكره وفكره قرررت ما اجاوب حسين ابدا من كل النواحي مستحيل عفت كلشي والنوم مجافيني