حب جعل مني رماد

البارت الثاني

نهاركم سعيد اعتذر على التاخير بس النت جان فاصل

"كل شيء عبارة عن استنزاف،
وأنا مُتعبَة من توسل الأشياء الجيدة لكي تحدُث."

الكاتبه بغداد
اي سؤال اجاوبه أو أي شي حابين اتعرفو اتفلعلو لأن البارت الي وراء حماسي وشخص جديد

نور... صحيت صوت ماما وناس ومي منكعه ملابسي اني فقدت لمده نص ساعه الخوف إلى بوجه ماما واخواني خلاني اضحك وأبين مابيه شي بس اني جانت الدوخه إلى براسي فضيعه عبالك شخص مضروب برأسه..
ام نور.. ها ماما بيج شي شلون صرتي شو كومي اوياي
نور... كمت ويا ماما ورجعنه للبيت كلها سألت شبيها ماما جاوبت اتخربطت مدري ليش..
وبقيت طول اليوم دايخه لحد ما أجا اليل ونمت كالعاده علئ القنفه إلى بغرفتنه أو هب بالاحرئ نكعد نأكل نشرب بيها..
نمت وصفنت لشوكت انام اهنا كبرنا واحنا انام سوه والمطبخ هو مخزن انطو النه بيت جدو....
واهنا عبرت الطفوله وخطيت اول ايامي للكبر... 2015 اتخرجت
نور.... كعدت من الصبح علئ هوسه البيت وعركه عمتي إلى زعلانه يمنه صارلها فتره... تتتعارك ويا امي وصايره هوسه ما اهتميت شلت شعري..
لأن متعوده مو اول مره يعاركن امي من الصغر كبرنا بحقدهن بس ولا مره كرهناهم...
حسين.. نور جوعان اريد بيض وماما ماتسويلي
نور... مو هي ماما بحالك واسويلك اكل صموونه لبين ماتخلص العركه..
علي... كبر ماتعرف تطبخ
(طبعا علي أصغر مني بسنتين وعبدالله أصغر من علي بأربع سنين)
عبودي.. نو نو اعلب(العب)
نور... شتلعب حبيبي همه احنا ملعوب بينه طوبه
والله تعبنا من المشاكل خلصت المشكله وكالعاده وحده اتعد واتصف وامي ساكته اتنظف..
نور... بليل أجا بابا
ابو نور.. نور بابا وإلى فراشج ونامي يم عمتج (عمتي مامزوجه عمرها عشرينات غرفتها وحده)
نور.. اتفاجئت وفرحت بس امي ماقبلت مدري ليش وياريت سمعت كلامها
ام نور.. عوفها اهنا نايمه لاتنزلها مامضوجتنه شو هي متكسره شعليك بيها
ابو نور... خليها اتنام جوه احسن كبرت مو صغيره
نور.. اني فقط استمع للنقاش بطبعي ما ادخل بأي نقاش حتئ لو كان يخصني
ابو نور... نزلي فراشج جوه ونامي لاتحجينولاتسوين والصبح صعدي.
نور...طبعا احنا كلنا بيت واحد بس عمي الجبير كاعد بمشتمل واحنا عازلين فوك وبيت عمي الوسطاني هم اويانه زوجته موظفه نزلت نمتي جوهاني وبنات عمي الجبير مدري ليش احن رغم همه عدهم بيت
مرت ايام واني انام يم عمتي بس ابدا مامرتاحه احلم كوابيس واضايق بس ما حجيت لاحد
هواي اتامر عليه وبعز نومي اتكعدني واتكلي اترسي المبرده... لو تعاي روحي اوياي للتواليت(تكرمون) ما اتخليني وحدي بالغرفه لازم تاخذني اوياها أو اطلعني بره ما عرفت ليش
ام نور... كومي نور جيبي خواشيك
نور... ما منتبه امي تحجي اوياي لأن كلش جنت أمر بتفره صعبه بنزولي يم عمتي..

ام نور... شبيج احجي شكو شو من نزلتي يم عمتج لهسه بس أصفنين شكو احجي
نور... ها لا ماكو شي بس شويه خايفه من المدرسه
ام نور.. مابيها شي حالها حال الابتدائيه بس الفرق كبرتي
نور.. صدك اول مره اسمع هل معلومه كبرتي خوش نصيحه
ام نور... هههههه ادبسززز كومي مني جيبي الخواشيك وانجبي
نور... خلص اليوم عادي بين عرك ويا ولد عمي وبين صفناتي بكوابيسس وذلت عمتي اليه
واجا اليل إلى صار نقمه عليه َما اعرف ليش..
خلص ليلي وبداء نهاري الممل وتنظيف وطبعا اني اغسل اماعين لأن احنا ماعدنه سنك بالحمام نغسل اماعين وشلعان كلب ولازم انضفه الف مره باليوم لأن أمي ماتستنظف بس مغصوبه تغسل فا اني مكانها اغسل
(هاي احنا امي وابويه واحنا اتلاثه اني نور الهدئ وعلي وعبدالله كاعدين يم بيت جدو فوك بالطابق الثاني النه بس مخزن وغرفه ابدا مانتعداها وماننزل لأن جدويضوج وعندي خمس عمام ما الهم دور جبير بالقصه وخال من نفس الأب والأم الامي
وخمس خوال من نفس الأب بس غير ام وخالتين هم
وخاله من غير اب بعمري)
نور... نامو اهلي بس اني وحسون كاعدين علئ الدرج نلعب بالايباد ماما جابته لحسون حتئ لا يطلع ولا ينزل جوه
ابن عمي الجبير... وينك علي
علي...ها ها اهنا علئ الدرج
نور... يبوووو هذا شجابه علي إذا تنزل جوه اكعد ماما
على.... هاج الايباد واني اروح انزل
نور... لا ما أريده ابقئ
بهل أثناء ابن عمي واكف جان كله يلا على انروح راحو واني كلبي نار اعرف ما راح اتعدي علئ خير لأن ابن عمي كلششش يكرهنه علئ كره أمه ألنه همه اربع ولد واثنين بنات بس دائما مشاكل بينه
شويه وسمعت صوت اصياح جدو امي كبل فزت وتنزلت واني وراها
اتلكاها جدو عاط بيها ويفشر علئ الأساس علي ضارب ابن جيرانه وابن عمي شارد وعايفه برأس علي وكعت السالفه وحسون يحلف مو
ام نور... نور جيبي العبايه بسرعه ابوج مايبطل طلعاته وعايفني بالظيم
بيبيتي... ابنج مايكعد راحه شودا اهناك
نور... مو هو راح أخذه حمزء
ام نور ..... ولي جيبي العبايه مو وكت حجي فضيني وضربت علي من حركتها
وعبدالله يبجي فحط
مرت عمي ام حمزا.... ذبتها برأس ابني هو ابوكم ماينحمل وانتم شنزلكم
ام نور...اي مو هو الجوه كله الكم مخلين مكان انتم ماماخذي حتئ الشارع الكم الله ياخذني ويخلصني
راحت امي واني نزلت ادموعي أخذت عبدالله وعلي وصعدت فوك انقهر من أشوف امي مقهوره هيج وتدعي علئ نفسها بس شبيدي باوعت علئ علي الئ منو يجي يضربه وياذي وجدي كلششش يكره رغم هو مايذي وأربع وعشرين ساعه محبوس بالغرفه
علي ... والله مو اني ماضربته هو ضربه
نور... ادري بس اني كتلك لاتروح اويا انت تعرفه جلب(اجلكم الله) ومايكعد راحه بس انت عنودي هسه من وراك احترك دمها وجدك ماراح يسكت

علي... هي كلها تلعب بس اني من العب هيج يصير اريد اطلع مليت من الايباد ومن الكعده فوك
نور.... استر علينه لحد ما الله يفرجها
صفنت وعبدالله بحضني
لشوكت راح يبقئ على هيج محبوس مو مثل الجهال يلعب ولا يطلع اوووف الله يعين كلبك يخوي من تكبر شلون شبيدي عليك
اجت امي ومحترك كلبها ماحجت ابدا ولا نزلنه
ابو نور.. ها خير شكو
ام نور... ماصاير كل خير
ابو نور... انت شوكت اتبطل عرك ولك تعبتنه
نور... أجا يضربه وماما ماخلته هو كالعاده بابا اي شي يصير برأس علي
على... اني شعليه هو حمزء ضربه
ابو نور... وانت شوداك يمه مو كلتلك لاتروح
من بين هل عركه كلها اني ساكته سوينه عشه وماما ما اتعشت وحسون عادي رجع يضحك ولاكانما شي صاير بس بداخله محد يعلم بي غير الله
ام نور..جيبي الفراش خلي ينامون وانتي حظري نفسج وراج مدرسه
نور... حظرت ملابسي وجنطتي ومحفظتي
ابو نور.. باجر اتلبسين حجاب ماكو طلعه بعد بلا حجاب وإذا ما اتلبسي ماكو روحه للمدرسه
نور... ضليت صافنه اني مو ضد الحجاب بس شمعنئ هسه كلي وهمه محد بيهم قبل كلي علئ حجاب أو صلاه
ام نور... اي نور اتحجبي حلو الحجاب وانتي كبرتي

نور.. كالعاده ساكته اني لا اناقش ولا احجي بس ضجت ونزلت اني وفراشي شكد اضوج من انزل فراشي وانا بعيد عن اهلي بمكان ابدا ما مرتاحه بي بس لأن ماكو مكان
ساره عمتي.. نور ذبي فراشج اترسي المبرده وجيبي مي لبيبيتج
نور.. حصرتني الدمعه هذا كله واني بعدني فراشي ما مخليته بالكاع
وهذا كله وتاميرات أبويه إلى طول النهار يأمر ولازم عبودي لاينضرب لايوكع
عفت فراشي ورحت اجيب إلى طلبته
واذكرت موقف من جنت كاعده بالشارع قبل سنتين واباع علئ البنات بعمري وأصغر يلعبن واني كاعده يم عبودي اخاف عليه يتعور اجت بت عمي كالت تعاي العبي توكي
طبعا اني ما اعرف العب بس كمت لأن كلششش اتحمست
واني دا العب واباع علئ عبدالله بس درت وجهي رجعت باوعت لكيته واكع بالكاع خليت وركضتله دا اشيله واجتني ضربه بسبحه بحيث من قوتها ماطلع صوتي ابدا باوعت علئ بابا وكتله مو اني
ابو نور... اني مو كتلج ديري بالج علئ اخوج كومي كومي ولي ادخلي جوه ما اريد اشوفج بالشارع
"هاي اللحظه وكدام كل البنات لهسه مطبوعه براسي ومن اذكرها ادموعي تنزل لا ارادي"

نور... بعد ست ساره تردين شي لو انام
ساره... لا انطمري عود كبرت وراح اتروح متوسطه
نور... اي طبعا وبعد يومين الصيدلانية نور الهدئ
بالخط العريض هم
عفتها ودرت وجهي كلششش مالي خلك وأخذت دموعي تنزل والثكل الفضيع إلى علئ صدري
ما اعرف شنو سببه وكعدت اسمي واصلي الء أن نمت ما اعرف شكد مر من الوقت...

نور... دخلت برجلي اليمنئ وبلشت أحلامي منا وبلشت معاناتي إلى محد بيوم حس بيها غير ربي واني
.
.
. انتظروني بارت أطول من هذا اتمنا اكون كنت خفيفيه ضل عليكم مع الف سلامه نلتقي بحب...