رواية في صمتي لك كلام
الكاتبــه " / انجـــالـ /
الساعه 6 ونص
صحت انجود من النوم وصلت ..وجلست تتفطر بروحها.. وهي جالسه تشرب كوب الحليب طاحت عيونها
على الصوره اللي داخل البرواز ..وهي تقول بداخلها .. ااه ليتك ماجبتيني على هالدنيا ... دامك انتي
رحلتي عنها .. وش لي بهدنيا بدوونك .. نفسي اظمك ونفسي ابكي بحظنـــك ..اااه يا يمه بداخلي
كلام عجزت اقوله لاي انســان .. ليتــك هنا معي عشاان تسمعينه .. وتريحي هالقلب من صمت الجوف ..
الكـــل عنده ام الا انـــــا .. ااااه رحلتي وانا عمري 5 اسنين وما ذقت الا الاسى والم بغيابــك .. اتذكر ذاك
اليوم اللي رحلتي عني .. كانه امس .. ماغاب عن بالي .. ابـــــــــد ما غــــــــاب .. وهي تدمع عينهــا ..
وتمسحها باكمام ثوبها ... وتكمل حوارها مع الصوره .. تدرين يايمه اني اكره ابوي قد ما تتصورين ..
الانه هو السبب في موتك ..وحرمني منك .. ااه يا يمه .. في احد ينكـــر ظنااه .. في احد ينكر بنتـــه اللي
كـــــــل التحاليل تثبـــــت اني بنته وهو نااكرني يا يمه .. قوليلي وش اسوي انا يتيمه من غيــرك وما عندي
احــــد اشكيله .. انتي تحت التـــراب .. وهو فوق الثـــرى متعالي .. مرتاح في دنيته وعايش في نعيم الغنى ..
وانا بنته مادرى عني ولا اهتم فيني من مووتكـ .. معك حق تنقهري وتموتي يا يمه .. داام هذا ابوي الله
يرحمك ..
تدخل عليها جدتها العجوز ام امها (اسمها نوره- ام راشد) بس انجود تسميها يمه .. وعايشه معها في البيت ..
مع خالها سعـــد وزوجته ..
نوره ام راشد ...انجوود انتي صحيتي يا بنتي ..
انجود وهي تمسح دموعها .. اي يا يمه صحيت الحين بروح للكليه تبغين مني حااجه ؟؟
نوره .. لا يا بنتي سلامتك بس حبيت اشوفك صحيتي او لا .. كنت خايفه تروح عليك النومه وانتي مارحتي ..
انجود .. مشكوره يا يمه ..
ام راشد .. والله يانجود انك تشبهين امك حتى وانتي صااحيه من النوم .. عيونك متورمه ..
انجود بضحكه .. ههههههه عادي يا يمه مو انا بنتهاااا لازم اطلع زيها هههههههه ..
ام راشد .. زين طلعتي زي امك ولا طلعتي زي ابوك ..
انجود بصراخ.. يؤؤؤه يا يمه يعني لازم تفتحين هالموال كل يوم !!..خلاص انسي انه ابوي حي.. انا ما عندي ابو
..ابووووي ماااات بنسبه لي عرفتي يا يمه ..
نوره .. الله يهديك يا بنتي ..
انجود بدموع.. وهي تقرب من جدتها .. يمه انا اسفه الاني صرخت عليك .. بس لا تلوميني .. اللي اشوفه
يقهرني يا يمه .. اشووف الكل عندهم ام وابو و اهل واخوان الا انا ليـــــه ..؟؟ ليه ما عندي مثلهم ؟؟
ليه ابوي ما يبغاني اكوون بنته جداام الكل ..؟؟ ليه ينكرني جدام الكل.. وعندي اخوان وعندي خواات بس للاسف
عمري ما شفتهم او سمعت عنهم .. وعمري ما شفت ابوي يجي لو دقيقه او ثانيه على لاقل يشوفني فيها
... تدرين يا يمه لو يوقف اقبالي ابوي اني ما اعرفه .. كيف شكله او كيف طوله ..؟او هو يشبهني
او غير عني ؟ الكل بالعيـــد يقول ابوي عطاني عديه امي عطتني عديه ... ابوي ظربني او امي هاوشتني
على شغله وحرمتني منهااا .. نفسي اكون نفسهم يا يمه ..وهي تبكي بحظن جدتها ..
ام راشد .. بس ياانجود بس قطعتي قلبي خلاص يابنتي تعوذي من ابليس انا امك وخالك ابوك من وعيتي
على هالدنيا وحنا عندك وش تبغين من ابوك؟؟ غير القهر اللي ماتت امك منه .. 5 اسنين وهي تبكي قهر والم ..
امك تزوجة ابوك وهي عمرها 23 سنه بعد ماخلصت دراستها وابوك يومها كان عمره 36 سنه كبير وعنده
شركات وعقارات وفلوس كثيره .. ما خبرنا انه متزوج كذب علينا وحنا صدقنااه وقال انه مقطوع من شجره..
وما عنده احد ولا اقارب .. ويبغى بنتي "عنود"(ام انجود) على سنة الله ورسوله وتبقين الحقيقه يانجود
انا ماكنت متطمنه منه ولا راضيه عليه وحتى امك كانت معارضه هالزواج بس خالك راشد الله يهديه هو
اللي اصر علي وعلى امك انها توافق .. ولمى وافقة امك وتزوجة ابوك خلال بس شهرين احملت امك فيج..
وعرفت انه متزوج وانه زوجته الاولى ما تدري عنه لو تدري راح تمنعه من الحلال اللي هو الحين عايش منه ..
ويوم عرف ابوك انه امك حامل قال لها سقطي اللي في بطنك .. طبعا امك عارضة الانه حرام الواحد يسقط
طفل بريئه ماله ذنب .. وطبعا ابوك هنا طلق امك عشان زوجتة الاولى ما تدري عنه وكذبة امك بانها سقطت اللي
في بطنها .. وهو ارتاح يومها ويوم جيتي على هالدنيا بشرنا ابوك وكان يومها منصدم من الخبر ومن يومها
وهو ناكر انك بنته من لحمه ودمه ...وعاشت امك 5 اسنين تعاني من نكران ابوك وتعذيبه لها ..
انجود بتنهد وبدموع.. بس الشي اللي اشيله منه هو اسمي (انجود غـــانم مـحســـن الهاري).. يعني محد ينكر هالاسم
يا يمه دامه هو نكرني القانون ما ينكرني .. (( للامانه ترى اسم من خيالي: الهاري ))
ام راشد .. خليك من هالكلام يا انجود يا بنتي وروحي لكليتك واهتمي بدراستك ولا تشغلين بالك بحكاية امك وابوك..
ولا تتضايقين يا بنتي خليك قويه وارفعي راسك فووق .. وقولي لهم انك قويه ولا تنكسرين جدامهم يا انجود ..
انجود .. مشكوووووووره ياغلى ام في الوجوود . وتحب راسها .. وهي تلبس عبايتها ..
ام راشد.. انجود يا بنتي احرصي على نفسك بطريق لا تسرعين يا ينتي ..
انجود .. افااا عليج يا يمه توصيني على نفسي ..وهي تقرب منها "" بنتك رجاال ما ينخااف عليها""
ام راشد .. هههههههه الله يخليج لي يا انجود ..
انجود قبل لا تطلع .. ويخليج لي يا شمعة هالبيـــــــت ..
وتطلع من البيـــــــــت وتركب سيارتهـــــا .. وفي السياره تتصل على صديقتها الغاليه عليها " هـــنـــد "
هند بيتهم بنفس حارة انجود يعني قريبه حيل منهم ..
انجود .. الســــــــلام عليكم ..
هنـــد .. وعليكم السلام والرحمه ..
انجود .. ..صح النوم ياحلو .. الصبح صبحى يا حلو ..
هند .. وربي صااحيه من بدري ...
انجود .. ههه كويس يالله ثواني وانا عند بابكمـ .. لا تاخريني خليك متفطره يالدبه ..
هند .. يالله بس البس عبايتي وطلع لك ..
انجود.. دبه جيبي معك حب " فصفص" ..
هند .. وش حقه الفصفص ..
انجود .. كيفي مشتهيه اكله على هالصبح ..
هند .. جد هذي الي تبغى بطنها يعورها على هالصبح .. هي انتي اصحي الناس تتفطر توس حليب مو فصفص
على هالصبح ؟؟
انجود .. هههههه انا فطرت وخلصت يالله ثواني وانا عند بابكم يالله اطلعي يالدبه وجيبي الفصفص لا تنسين وتغفل
الخط بسرعه..
هند .. يؤ انجود غفلة الخط .. الا تسمع صوت سيارة انجود توصوص على بابهم ..
يو مسرعه .. وتستعجل تلبس عباايتها ..وتطلع لانجود..
******************
الساعه :9 ونص
توه يصحى من النوم ..غسل وجهه ونزل تحت وهو نفسه بخشمه ... يالله يتكلم.. ولحد يقرب منه لمى يصحى ..
الخداامه ميري ... مستر حمد .. فطور خلاص ..
حمد(23) .. روحي عن وجهي.. يالوجه المعفن ..
ميري .. اوكيه يا سير ..
حمد .. لحظه يا ميري .. وين مداام ؟؟
ميري .. اي مدام فايزه.. او مدام سلمى ..
حمد وهو يقرب منها وياشر بيده .. ما عندك الا مداام وحده بس.. هي مدام سلمى .. فهمتي ..
ميري .. مدام سلمى she went
حمد بعصبيه .. where__?
ميري .. I don’t No .. ??
حمد .. ok , go
حمد وهو يفكر فين راحت امه سلمى ؟؟ الانه مو من طبعها تطلع في هالوقت ..
يدخل عليه اخوه صقر(25)س ..
صقر .. واخيرا صحيت يا حمد ..
حمد .. فين امي يا صقر ؟؟
صقر .. امي راحت عند اختي مناالــ ..
حمد بخوف .. وش فيها مناال ؟؟
صقر .. مافيها شي بس تعباانه شوي واخذتها لدكتور ..
حمد .. اشوه طمنتني .. الا وين عمتك العووبه اليوم غريبه ما صحيت على صوتها اللي يلوع الكبد على
هالصبح ..
صقر.. وش تبي فيها دامك اليوم ما سمعت صوتها يعني حنيت له ..هههههه
حمد .. ههههه لا ماحنيت ولا عمري راح احن لها ولاشكالها .. بس مستغرب هي الثانيه وينها ..
صقر .. راحت مع ابوي ..
حمد .. وين راحت الخنفساانه السوده ..
صقر بضحكه .. ههههههههه صه لا تسمعك وتذبحك ..
حمد .. اااااه لو تطيح بيدي بس والله لاذبحها هالعيــــــاره ..
صقر ..انت لحد الحين ما نسيت اللي سوته لك ..
حمد .. ماراح انسى يا صقر اللي سوته فيني مو قليل .. وانا اخوك ..
صقر .. وش تسوي هي زوجة ابوك وعليك تطيعها ..
حمد .. لالا خلها علي وصدقني لرد الدين لها .. يا صقر ..
صقر .. ياخوفي ياحمد تنطرد من البيت والسبه هي .. ترى ابوك يسويها ..
حمد .. واذا يعني سوااها .. بمووت !! صدقني راح يكون عيدي عشان ارد عليه وعلى خنفسانته السوده ..
صقر بضحكه هستريه ....هههههه الله يرحم والديك لا تقول خنفساانه تراني ارفس من الضحك ..
حمد .. وانا جااد في كلامي اجل ابوي متزوجها حلا فيها .. بس عشاان افلوسها هي واختها .. ابوي
تزوجها.. واعمي اخذ اختها ههههههه والله نكتة هالموسم تضحك الوحد ضحك ..
صقر .. هههههههه لا تضحك كثير راح تاخذ من بناات اختها يا حمد اللي هم بنات عمك غانم ..
حمد بعياره .. من يقوول اني راح اخذ وحده من ذولا ... لو امووت ما اخد وحده منهم ..
حتى لو .. انه عمي جبرني وذبحني اني اخذ وحده منهم انتحر قبل لا اتزوجها .. ..
صقر .. ههههههه وان قلت لك خبر راح تنصرع منه وش تسوي لي ؟؟
حمد .. اصبحنا واصبح الملك لله ياولد خلنا نفطر ونسمي قبل لا تقوول الخبر الشين ..
صقر .. الخبر الشين لي ولك .. والخبر الحلو لطارق ولد عمي غانم ..
حمد من غير نفس.. وشهو قول خلصني ..من شااف وجهك على هالصبح عرف مابه اخبار تسر الوحد ..
صقر .. وشهو الحين وجهي هو اللي ما يسير يا حمد ..
حمد .. صقر خلصني وشهو الخبر ..
صقر .. اول شي ابكسر هالخشم المغرور ..وابااك تتاسف لي ..
حمد .. وشهو اتاسف انا (حمد عايد محسن الهاري) اعتذر ..
صقر .. اي تعتذر ولي انا( صقر عايد محسن الهاري ) ..
حمد .. وها انت يا مغرور رفعة خشمك ..
صقر .. لي حق ارفعه دامني اكبر منك يالخبل ..
حمد .. خلصني يا صقر وقل لي وش الخبر الشين ؟؟
صقر بتنهد .. ابوي راح يزوجنا انا وانت على بنات عمي غانم (غاليه _عاليه) .. وطارق ولد عمي راح
ياخذ منال اختنا وراح نتزوج كلنا بليله وحـــده.. وش رايك بالخبــــــر اللي يسر القلــــب .هههههههههههه
حمد بدهشه ... متى هالخبـــر صار..؟؟ ماجتني النشره الاخبار الا اليوم ؟؟
صقر .. امس في المعرض سمعت عمي يقول لابووي عن هذا الكلام .. وابوي ما عنده مناع ..
حمد .. ولو تنطبق السماء على الارض ما اخذت عاليه .. منو بنت فوزيه اخت فايزه مرت ابوي تخسي اخذ
من بناتها ..
صقر .. يعني على بالك اني مبسوط من هالخبر انا مثلك ما ابغااه بس وش نسوي يقول ابوي ما نبغى الحلال يروح
منا ومنا ..
حمد .. يعني ابوي وعمي اهتموا بالحلال اكثر من الشكل اللي راح نعيش معه .. ياخي انا ما اطيق اشوفها كيف
اتزوجها ...!! قلي يا صقر كيف ؟؟
صقر .. ههههه ضحكتني انا مثلك يالهبل .. يالله قم خلنا نروح للمعرض السجاد قبل لا يعصب ابوي وعمك ..
حمد .. يووه تعبت من الشغل ..
صقر .. هذا حلالك ولازم تديره ..
حمد .. وذا حلالي .. هو حلالك بعد ..!!
تدخل عليهم امهم (سلــمى ) واختهم منـــال ..
ام صقر (سلمى ) .. هلا والله بعيالي وش حالكمـ ..؟؟
صقر .. انا بخير يالغاليه انتي اشلوونك وشلوون اختنا الحلوه منوووله ؟؟
ام صقر .. انا بخير بشوفتكمـ ..
منال .. مشكور يالغالي انا بخير دامك سالت عني ..وتلتفت لحمد ..تشووفه ساكت ..
ام صقر ... حمد وش فيك يا يمه سااكت ؟؟
منال .. غريبه مو من طبعه السكوت معودني على صووته اللي يبط طبلة الاذن ..
حمد بهدوء .. مافيني شي انا طاالع .. ويطلع ..
ام صقر .. صقر يمه وشفيه اخوك هو مريض او فيه شي ؟؟ غريبه ماهو بطبعه ..؟؟
صقر .. لا تطمني مافيه الا العافيه بس يتعير ..
منال .. بس شكله غريب وطبعه اغرب..؟؟وكلامه هادي غريبه ؟؟
صقر .. لا تحاتين حمد مافيه شي بس يدتلع علينا شوي ..
ام صقر .. انت صااج يا صقر ؟؟؟
صقر .. اي يا يمه صدقيني مابه شي ..يالله انا طالع للمعرض تبغين مني حااجه .
ام صقر .. سلامتك يا صقر ..
صقر .. الله يسلمج مع السلامه .. ويطلع من البيت ..
**********************
في بيت (غانم محسن الهاري.. ابو طارق (26)<< اخو عايد .. وابو انجود ..
في بيت كبير يسكنه الهدوء ...في غرفه يملئها عالم من الغموض والحــزن المكبود ..
قليل ما ترى الضوء فيها .. وتسيطر فيها المشاعر والرسومات الحزينه على حائطه .. وبعض
الصور الماضــي ..
يصحــى طاارق من نومه ويفتح الستااره بغرفته .. ويسقط اول شعاع من الشمس على عينه ..
وهو يناظر هذا الشعاع بتفائل وامل جديد في حيااته .. ويدعو عسى ان يكون هذا اليوم غير عن
باقي الاياام الحزينه له ...وهو واقف يشوف التقويم .. شاف التاريخ 11-3.....
طاارق ..اليوم يا يمه صار عمري 26 سنه .. ما اعرف افرح ولاا احزن .. هو يوم مولدي ويوم
وفاتكـ .. ااه يا يمه ليتك شفتي ولدك اليوم وين صار وكيف صار ؟؟ كنت اتمنى انك معي لكن .. الحمدالله
.. وهو يقرب من صورت امه اللي على الحائط وكانت صورت امه وهي حامل به ..
طارق .. يمه كل يوم اسولف معك وكانك معي .. بس تطمني يا يمه ولدك رجال ما ينخاف عليه ..
ادري راح تقولي لي انك زعلانه على ابوي .... بس لا تلومينه يا يمه بعد وفاتك ما لقى من يربيني ..
هو رفض يتزوج غيرك في البدايه لكن بعد ما اشتغل عند ابو فوزيه .. طرح عليه انه يزوجه بنته وبوي
وافق لانه كان وحيد وبعد ما تزوجها يا يمه صاار مايعرف حتى نفسه بعد ما ذاق طعم الغنى صار خلاص ما يبغى
الفقر .. وكل ما اقول له شي قال .. انا اسوي كل هذا عشانك ابيك تعيش مثل العالم والناس .. وما بيك تعيش
مثل ماضي ابوك .. صدقيني يايمه حالي مو عجبتني .. مرت ابوي يا يمه صارت قاسيه علي الاني الولد الوحيد ..
عند ابوي .. وخواتي يا يمه ما احس انهم خواتي الانهم غير عني في طبعهم وحتى تعاملهم معي .. !!
وبهذي الحظه يدق جوال طارق ..
طارق .. الو ..
المتحدث .. السلام عليكم ..
طارق .. وعليكم السلام .. منَ معي ..؟
المتحدث .. ما عرفتني .؟؟
طارق .. لا والله ما حصلي الشرف اني اعرفك ؟؟
المتحدث .. انت لسه نايم اكيد ؟
طارق بضحكه .. لا توني صاحي هع ..قل من معي ؟؟
المتحدث .. هههه اجل اخليك نايم وبعدها لمى تصحى كلمني ..
طارق .. انا صاحي بس انا ما عرفت صوتك وما اظن اني سمعته من قبل ؟؟
المتحدث .. ااااااااا .انا . ااااااااا.. انا ااااااااا ..
طارق يقلده.. ااااا وااا وانا وااا من خلصني تراني مشغول .. ؟؟
المتحدث .. هههههههههههههه جد مشغول ولا فاضي هع هع ..
طارق .. جد انك خفيف دم .. يالله مع السلامه ..
المتحدث .. ما همك من انا ..؟
طارق .. بصراحــــــــه ..
المتحدث .. ايوه ..
طاارق .. ما همنــــــي ..
المتحــدث .. هههه جد عجبتني ياولـــد يا طارق ..
طارق يتطنز.. هه كويس عجبتــك جد والله ..
المتحدث .. من جدك ما عرفتنـــي ..؟؟
طارق .. اي اجل العب معك ؟؟؟ جد ما عرفتك انت من ؟؟
المتحــدث .. انــــا سلمـــــان .. يا صــقيقـــي..
طارق .. يـــــــــوه صقيقي سلمــــــــــان .. وينك يالدب وش اخبــــــــارك كح كح مغبر من امك ..
سلمـــان .. والله كنت مشغـــول بهدنيـــا .. تعرف الدراسه والشغـــل والاهــل ماكان عندي وقت افضى حتى لنفسي ..
طارق .. وش اخبارك الحين..؟؟ وشلون الدراسه ها عسى جبت الدكتورا والماجستير ؟
سلمان .. ابشـــرك رسبنـــا فيها ههههههههههه
طارق .. والله كنت عارف انه وجهك مو وجه دكتور كخ كخ ..
سلمــان ..الا وش اخبارك انت وش مسوي بهدنيا ..؟؟
طارق وهو يشوف الدريشه .. والله ياسلمان على حالنا ما تغيرنا ..
سلمان .. والله اني كنت متاكد انك راح تقول كذا .. الا وش رايك اليوم انت معزوم عندي ..
طارق .. متــى ؟؟
سلمان .. اليوم بعد صلاة العشا .. بالبـــــــر.. وش رايك الجو رووعه بالبر برد .. وخلنا نشوي
حماام بر الا انت معي او لا ..
طارق .. الا معك..الله شوي حمام الله بطني يوصوص من الحين .. خلاص اشوفك بليل يا سلمان .. وزين انك
جيت انا ضاايق خلقي وودي افتك من جو الشغل والبيت ..
سلمان .. حلو خلاص اشوفك الليليه .. مع السلامه ..
طارق .. اوكيه مع السلامه ..
*************************
الساعه .. 10 ..
بعد ما خلصت محاظرتها في الكليه قاعد بالكفتيريا تشوف جوالها .. وتلعب به..
وتشوف الصور وتفتح ملفات المتلقاء من
البلوتوث .. وتشوف الاغاني .. وتحذف الرسايل ..
انجود .. يؤؤؤه الذاكره ممتلئه .. حشى مافي ذاكره تستوعب هالكميه من الملفاات .. المشكله
ما ودي اخذف بس متحسفه على اللي راح اخذفه .. بس الذاكره فل ولازم اسوي لها رجيم ..
تدخل عليها صديقاتها طــيــف ورهــف ..
طيف .. وش فيك تهذرين يا انجود ؟؟
رهف .. اكيد تهذري مع اجنونها ..
انجود بضحكه... اجنوني هههههههه.. لا بس كنت اهذري مع جوالي وكمية الملفات فيه قاعده احذف الاغاني
ناويه اسوي له رجيم قاسي من كثر ما يقول الذاكره ممتلئه تكفين يا انـــجـــــود ارحميني هع هع ..
طيف .. ههههه ما قصرتي فيه كل المقاطع والاغاني به والصور ما خليتي به شي ..
رهف .. ليه ما تبعينه وتشترين واحد جديد احسن لج ..
انجود .. لا هذا هديه غاليه علي.. وما ابغى ابيعه الانه من الغالـــي ..
طيف .. هههههههه اكيد من جدتك صح ..
انجود .. لالا نونو ..
رهف .. اكيد من خالك راشد ..
انجود .. يؤه خالي راشد هو يعطي عشان يشتري لي .. ؟؟
طيف .. مافي الا خالك سعد ..
انجود .. صح من خالي سعوودي ..
رهف .. الله يدلع ..مو لايق ..
انجود .. حـــدك تراني ما ارضى عنه بكلمه ..
طيف .. وابوك يا انجود ؟؟
انجود .. تكفين يا طيف لا تجبين طاري ابوي انا ما احب اسمع طاريه .. وابوي ميت تسمعين ميت ..
رهف .. ليه ما تروحين له وتقولين انك بنته صدقيني يمكن يغير نظرته ..
انجود بعصبيه.. اقول اذا انتي رحتي لولد عمك وقلتي له اخطبني مره ثانيه انا اروح لبيت ابوي ..
رهف .. وش جاب هذي لهذي ..؟؟
انجود بنظره.. كلها زي بعض .. انا اكره ابوي الانه بس ما يبغاني اشيل اسمه او ما يبغاني اعيش معه .. وانتي
ولد عمك يحبك وانتي تحبينه ويوم جاء يخطبك انتي رفضتي بس عشان اخته قالت لك كلمه قاسيه بحكك ..
وانتي رفضتي هالحب بس من كلمه ..والحين انتي ندماانه عشان رفضك له ...والولد راح مجروح بحال سبيله..
رهف بصراخ.. كفــــايا يا انجود لا تجرحيني ..
انجود .. انا ما جرحتك هذي الحقيقه .. وحقيقتي ما ابغى افتحها ..مثل ما تبغيني افتح سيرة حبك لولد عمك ..
طيف بهدوء.. كل شخص عنده حقيقه وقصه مؤلمه بحياته..مثلا انتي يا انجود قصه ابوك الي رفض يتسقبلك بحياته ..
وانتي يا رهف ولد عمك حبيتيه ورفضتيه بسبب ناس .. وانا قصتي زوجوني وانا عمري 17 والحين عمري 18
ونص ومطلقه وعندي ولد اااااااااه كل شخص يا انجود عنده قصه وحقيقه صعب يقتنع بها . او يستقبلها في حياته ..
او بمعنى ثاني مااضي ما يبغى يفتحه ..
انجود .. انا عارفه يا طيف .. بس احس بعصبيه لمى احد يذكر ابوي .. وانا اساسا ما عمري شفته عشان
احبــه .. او اداافع عنه .. ولا عمره صرف من ماله لي .. ولا مره اخذني بيدي وقال انا ابوك .. عاارفه يا
طيف اللي تقصدينه ..بس..! صدقيني اتوتر وما اقدر املك اعصاابي لمى احد يجيب طاريه ..
رهف .. وانا مثلك يا انجود .. صدقيني اني احبه .. بس رفضي له كان من ناس تقسي علي بكلام ما اقدر استحمله
ورفضي له هو الدفاع الوحيد لي اني اتحاشا هالكلام .. وصدقيني ياليت اليوم يجي قبل باكره ويقول بتزوجك ..
بس وش تنفع كلمة ياليت الحين يا بنااات .. كل شي خلاص ,, هو بطريق وانا بطريق وكل واحد حاير بطريقه ...
رفضي له كان دفاع عن نفسي من كلام اخته .. وهو المسكين ضاع بين حبي وكرهه لي ..
طيف .. اااه وش تقولون عني انا .. اهلي زوجوني غصب عني وانا صغيره 17 سنه من واحد يشرب خمر
وسكير ما يدري ارضه وينها ..ما غير الظرب والنوم هذا اللي يعرفه .. الله يسامح اهلي زوجوني واحد يعتقدون
ان المنصب هو اللي راح يعيشني براحه ودلال ما دروا ان اهل المناصب دااهيه كبيره وها انا الحين
مطلقه وعندي ولد وعمري ما جاء حتى 19 بضبط ..وما اخذت ورقة طلاقي الا بمحكمه وخلع مني وهو ما قصر
اخذ فوق المهر اللي عطاني بالاف وقطني بحر .. وعمر تركي الحين ثلاث اشهر ومن جبته ماعمره شاافه ..
انجود .. تركي اولدك مثل حالتي يا طيف .. كلبونــا ضحية الطلاق .. وهي تنزل راسها وهي تدمع عيونها ..
ااااه لو امي اذبحتني وانا صغيره احسن مية مره ان اعيش وحيده ومذلوله بهدنيا ..يمكن انتي احسن مني يا طيف
انتي ولد .. يقد ياخذ راحته بهدنيا الانه مستقل ومحد يخااف عليه لو كبر .. اما انا بنت وخوفهم علي كبير حتى
بالكليه اتصالاتهم .. وحتى في طلعاتي وروحاتي .. يالله بالحسره نطلع .. وحتى بالسوق ما اقدر اخذ راحتي..
رهف وهي تقرب منها .. خلاص يا نجووده هذي الدنيا وهذا المكتوب في حياتك انتي وطيف وانا ..
وكلبوونا صديقاات ولا واكثر من خواات (وهي تلتفت لطيف ) صح يا طيف ..
طيف وهي تمسح دموعها .. صح .. الله لا يفرقنا عن بعض .. ومهما المشااكل تدور حولنا خلنا نكون اقوى منها ..
انجود ببتسامه.. هع انا اسفه يا رهف .ويا طيف ..
طيف .. وشهو اسفه اقولك اطسي وراج تراك عورتي راسي من ابكااك ..
رهف بضحكه .. ههههههه انا مو متقبله اعتذارك وش راح تسوين .. هههههه
انجود .. وهي تقرب منهم وتحضن كل وحده منهم .. انتم بس اللي تفهمووني ..
تدخل عليهم ام اللسانين << (هند ) ..
هند .. احم احم نحن هنــــــــــــا ..
الكـــــــل .. هلا والله ام اللسانين ..
هند .. وش تسوون ؟؟ فلم عربي ؟؟
طيف .. وجع وشهو فلم عربي انتي الثانيه ..
رهف ..لا وانتي الصااجه فلم هندي على غفله هع هع ..
هند .. ليه كل هالدموع والبوس والظم ؟؟
انجود .. كنا نطبق حالات الرفع في الفعل المضارع ههههههههههههههه
الكــــــل .. هههههههههههههههه
--------------------------------------
