رواية في صمتي لك كلام
الفصل 13
في بيت غانم ... الكل موجود ..ماعدا انجود .. اللي كانت فوق مازالت تلبس ..
غانم .. غاليه قومي نادي اختك انجود قولي لها بيت عمك عايد جااء وهي لسه ما خلصت ..
غاليه .. انشالله يايبه ...
عايد .. خل البنت يمكن لسه ما خلصت تعرف بناات يغثون على ما يلبسون ..
سلمى .. اي والله يغثوون في اللبس وفي المكياج وفي الشكل يعني وحده ما تطلع الا وهي غااثتك في اللبس ...
فايزه .. هذي منال وحده عندك وغاثتك وشلون انا واختي ثنتين وكل وحده تبغى لها شكل مهو يشبه الثانيه ولا يغارون من بعض..
فوزيه من غير نفس .. اسم الله على بناتي ما يغثووني الانه جمالهم طبيعي ..
سلمى ومنال ميتين ضحك ..
اما صقر وحمد وطارق في المجلس الثاني من الصاله .. الصاله كبيره حيل لدرجه فيها اربع جلساات ..
طارق .. اي هين نشووف اخرتها وين معك يا حمد ..
حمد .. وليه تقول لي كذا ..
صقر .. انا تعبت معك وانا عالمك انك خبل بس ما ينفع معك النصيحه وش اسوي ..؟؟
طارق .. وانت ما مت من النت ياخي ترى بياخذ شووفك يكفي الحين لابس نظرات ..!!
حمد .. والله انا اللي راح اعمى مو انتوا .. خلوني برووحي ..
صقر وهو يشوف طارق .. قلت لك الف مره ما ينفع معه الكلام ..
حمد .. مشكووورين ما ابغى نصيحه منكم ياخي كل واحد يشوووف نفسه ...
صقر .. وهذا غير البنت الي في النت ..
حمد .. اووووووووف اخلص من النت تفتح لي صفحه ثانيه ياخي وش فيكم علي ..؟!!
طارق .. ما نشووفك الا مره بالاسبووع خلنا نقضي عليك ..هههههههههههههه
صقر .. وانا اخوه ما اشوفه بالمره كانه الحرمه يجلس في غرفته ..
طارق .. الا وش سالفة البنت اللي تقول عنها ..
صقر وهو يشوف حمد .. اوووووف هذي سالفتها سالفه ..
حمد بعصبيه .. صقــــــــــــــــــــــــــــــر ..
صقر .. ما تكلمت ..!!!
طاررق بالقافه .. وش السالفه يا حمد وش فيها البنت اللي في النت ..؟
حمد .. مالك خص ..
طارق وهو يقرب منه ... انا ولد عمك عاد خبرنا ..؟
حمد .. اووف الصراحه تكرهوني اجلس معكم ..
طارق وهو يسحبه .. اقووووووووول اجلس يالزعووول اجلس خلاص ما ابغى اسمع منك شي بس اجلس ..
حمد .. انا ماني زعول (وهو يشوف صقر ) بس واحد يبط كبدي لمى اقوله شي سيده ينشره كانه الحرمه ..
صقر .. تقصدني انا ..!!
حمد ... اللي فيه ريح ما يستريح ..
طارق .. هههههههههههههههه نكته اخوان يتهاوشوون الحمدالله ابوي ما جاب لي اخووو هههههههههههههه ..
اما في غرفة انجود كانت جالسه ولابس وخالصه بس كانت تشوف الدريشه وهي سرحاانه
تدخل عليها اختها غاليه وهي مستقربه من منظر انجود كيف هاديه وكانت ايه بالجمال مع انها مو حاطه ميك اب ولا حتى
مسويه بوجها شي ..انجود وهي تشوف الدريشه سرحانه ولا هي منتبه لغاليه ..
غاليه .. انجود ..
انجود تفز وهي تلتفت .. هلا ..
غاليه .. وش فيك تاخرتي ..؟
انجود وهي تلتفت ناحيتها ... اسفه تاخرت ..
غاليه وهي تقرب منها .. انجود وش فيك ..؟
انجود والدموع واضحه .. لا ولا شي ..
غاليه .. لحظه يا انجود قبل لا تنزلين ..
انجود .. هلا ..
غاليه .. ابغى اعرف ليه تبكين ..؟
انجود .. ................... وهي تشوفها ..
غاليه .. وش فيك سااكته .. ؟
انجود وهي تشوفها .. من قال لك انا سااكته ..؟
غاليه .. بس انتي ما تكلمتي .؟
انجود .. في صمتي كلام ما يعرفه الا قلبي ياغاليه ..
غاليه .. يعني ما يصير احد يعرفه ..؟؟
انجود .. للاسف ما قدرت اطلعه لاحد .. حتى انا ما اسمعه بس قلبي وعقلي ..
غاليه .. يعني ما سمعتي العقل وش فيه ..؟
انجود وهي تشوف الدريشه مره ثانيه .. غاليه الكلام صعب اترجمه لك الانه كله جروح واحس انه هالجروح تعاتبني ليه ما ادري ...؟ يمكن الاني فتحت لنفسي فرحه اللي كنت انطرها ..
