وردة الجنوب

بارت التاسع

#وردة_الجنوب
#بارت_التاسع
الكاتبة الفاطمية الصغرى

لم يعد هناك شيء في حياة يواسيني، احتاج مراسيم عزاء، تليق بروحي المتعذبة،انا لا أشعر بشيء، كل ماتمناة العودة للطفولة 

بقلمي 🖋️
««««««««««««««««««««««  

شفت مصطفى واكف بلباب لفيت شالي طلعت فتحته لكيته صاير نار
مصطفى: شعندج هنا
ياسمين: احمد كال ساعدي زوجتي
مصطفى: شنو خدامة انتي
(أذاني بهل حجاية، دنكت)
ياسمين: ليش
مصطفى: طلعين ماتكولين الي
ياسمين: ماعرف متقبل احم
(بعدني ممكملة)
مصطفى: شعليه بقندره اني، منو زوجج ظاهر تماديتي زايد، اني اعرف اصرف وياج،امشي جيبي جهال و لحكيني للبيت
( متت خوف دخلت باوعت عليه فوزية)
فوزية: شبي مصطفى
(أستحيت شنو اكول بعدين لطشتها)
ياسمين: يريدني اني رايحة
( اسولف وامها واختها دخلن التهت وياهن، اخذت جهالي طلعت شجابه اليوم من صبح شدراه اني هنا معقولة اجه للبيت ما لكاني بس شعنده وصلت للبيت واني قلبي يريد يطلع من مكانه استاهل اني جبتها لنفسي هاي الي تزوج حت لو ع ورق يتحكم بيها)

دخلت للصالة علوش ركض
علوش: بابا
( حضنه ظل يبوس بس هو نار زيوني مجلب برجله دنك شالهم وبعدين نزلهم باوعلي خزرني اني متت من الخوف)
مصطفى: شلون طلعين ما تكولين الي
ياسمين: ماادري متقبل واني رايحة بيت اخوك
(عاااط)
مصطفى: اذا بيت نعالي تقررين من راسج اني شنو كلت من كعدتج هناا ممنوع اهلي خواني دكعدين وسكتين،هناا  تحتاجي يجيج، كلت لو ما كلت
ياسمين: كلت بس
مصطفى: بس شنو ظاهر انتي متحبين تعيشين معززة مكرمة حنيتي للاهانة يوم الكاج بيت اهلي يوم بصالون تشتغلين شنو محتاجة، يوم طالعة بيت أخوي والله اجاني  كال تعاي ساعدي مرتي انتي شكوو تخدمين ماطول ع ذمتي تحترمين وجودي ولاصيرين خوافة ومطيعة، شيكلولج دكولين اي اني موجود ترجعيلي مفهوم
( هزيت راسي طلع ركع الباب نهزت هز، كعدت بالكاع ارجف صدك حنيت للاهانة حجايته دك بقلبي💔💔)

ع هاي كعدتي اندكت باب توقعت هو فتحت باب طلعت منار
منار: شسويتي يمعودة شلون ترحين للبيت احمد مادكولين جان خابرتيني واني ابلغه
ياسمين: شمدريني ميقبل هو منو كال اله اني هناك
منار: اجاج ع مود جهال ياخذهم يبصمون ع مود جناسي
ياسمين: صدك شو ما اخذهم
منار: اكيد اجلها غير يوم مصطفى عصبي ميتحمل واحد يمشي بكيفه او يسوي شي ميستشيره. بعدين شنو ترحين ساعدين مرت احمد عدها اختها وامها  يومية يجنها وبساعدنها والاكل احمد يجيلها جاهز واذا ع فاطمة و علي يمنا صار اسبوع محد ذاكرهم ذوله من طلكت أمهم تبهذلو عايشين برحمة زوجه أبوهم هم عاشوا مظلموين لا ام ولا اب امهم زوجت وبغداد ولا سئلت عليهم
ياسمين: خطيه هل جهال شنو ذنبهم
منار: عوفينا منهم هاي اول واخر مرة
طلعين بيها بدون ماتبلغين مصطفى، بعدين المبايل المن مشتريته بس الي خلي رقمه وخابري
ياسمين: لا عفية لا تنطين رقمي ولا اخذ رقمه مابيه حيل كل شوي مخابرني ع شغله عوفيني هيج
منار: ها اخاف تحنون للبعض تصير حب وكذا
ياسمين: لا عفية اخوج ع شفته اليوم مخبلة اذا رتبط بي بلكي اشوفلة وحدة تتحملة حت ارتاح بيني وبينج ممرتاحة ابد ماطول زوجته شرعاً وقانوناً يجي يوم يطالبن بحقوقة
( حجيت هيج منار تباوع مصدومة)
منار: شرعاً وقانوناً
ياسمين: اي
منار:ههههه
ياسمين: دوم بس شكو
منار: ها هي بعد اخوية راسم للبعيد بعد شكم يوم يطالب بحقوقه هو صار سنتين صايم ههه يله باي