وردة الجنوب

البارت الثاني

#وردة_الجنوب
#البارت_الثاني
الكاتبة الفاطمية الصغرى

اختلطت مشاعري يا صديقي ..
اغمض عيناك بماذا تشعر اخبرني ؟

هم ، حزن ، وجع ، غضب ، صراخ ،
بكاء ، دمعه ضحكة ، طفل ،عجوز ،
عكازه، اطار محروق، رأحه بانزين ،
صوت قطار ،شاحنه مسرعة ،دبابه تقصف ، جزع ، قيامة ...
اختلط كل شيء

ادم اللامي

«««««««««««««««««««««««««

اسيل خنست تخاف تحجي وتنضاف للقائمة او بالذات عرفت هي خارج القوس يعني الموضوع مو يمها اصلأ، أمي بس تبجي وحابسة نفسها بالغرفة و لاتطلع حت اسيل من تروح يمها تصير عصبية و تطردها،مااعرف شكو او شبيها، بس اني مااقترب منها اخاف اترزل منها

جدي بطبعه مايضم شي ع زوجته صغيرة،كلشي يسولف الها،بكلشي يحب تعرف هي ، اجتتنا العصر فتحت باب الها تبجي

.

سلمى: شلونج حياتي يسومه (دموعها تنزل)
ياسمين: هلا خالة حياتي ( طبعاً اصيح الها خالة لان هي مو بعمر بيبي احسها بكد ماما لذلك اكول خالة)
سلمى: امج وين
ياسمين: تفضلي خالة جوه بالغرفة

دخلت للأمي تبجي وهي امي تحاضنن حسيت عدنا ميت بس مااعرف منو ظليت بس صافنه عليهن شكو صاير مااعرف، كعدن يبجي اني هم اباوع كلت خلي اروح اصب جاي الهن احسن

طلعت رحت للمطبخ شفت اختي اسيل طلعت من حمام،أشرت الها بمعنى تعاي، هي أشرت بمعنى شكو شتردين

ياسمين: شكو
اسيل: شمدريني
ياسمين: لعد ليش بس يبجن منو مات
اسيل: ادري شايفتني المحقق كونان ولا تدخلين انتي ابتعدي عنهم نصحية لا تصيرين حشرية
صفنت عليها هي عافتني وراحت ماادري شبيها هاي

انطاني قوري جاي انذار بأن صار جاي، صبيت جاي الهن و وديتهن هن بس يبجن ، خليت جاي وطلعت غير اعرف منو مات، يمكن عمي شارد قتلوا ماادري شكوو

ابوية اصلاً مايباوع بوجهي، صار المغرب مرت جدو رجعت، وراها بشوي جدو دز عليه, لبست عباتي وطلعت اتمشه بيت جدو

دخلت جدو صاحني
خضير: تعاي بويه ياسه
ياسمين: شلونك جدو ان شاء الله بخير
( اقتربت منه عيونه حمر جدو بست راسه)
خضير: الله يرضى عليج يابنيتي اريدج تكعدين تدلكين رجل جدج
ياسمين: ادلل جدو

كعدت ادلل رجل جدو وانتبه عيونه تبجي من حيث دموعه نزلت ع دشداشه رفعت راسي باوع عليه
خضير: كافي جدو طلعي من الغرفة
هزيت راسي عفت جدو مشيت يم بيبي

اباوع بيبي هم حزينة حضنتني وتبجي شكو مااعرف، كل بس يبجي حت امي، دخل جدو يم بيبي