وردة الجنوب

بارت 31

#وردة_الجنوب
#بارت_31
الكاتبة الفاطمية الصغرى

نورنوني ع انستا يوزر fatimihsughraa
كنت انوي ان احفر اسمك ع قلبي
لكن خشيت ان تزعجك دقات قلبي

«««««««««««««««««««««

هي دخلت عمتي استلمتها
عمتي: حقيرات شتردن من ولدي شمالجن تهجمن بيوتجن ماتستحن هاي تربيتجن
رواء: عمه ماكو شي هسه يتصالحون
عمتي: تطلب الطلاك ليش شبي ابني سالم ناقصه شي اختج حقيرة ماحامدة ربها
رواء: عمه زعل حبايب ايام ويتراضون

عفتهم ورحلت للمطبخ مصطفى يوم يريد سمج، فتحت سمجه اجت يمي رواء
رواء: ياسمين
ياسمين: ها
رواء: صحيح صارت مشكلة جبيرة بس اني اشكرج لان خليتي مصطفى يدخل ويحله قبل فوات الاوان
ياسمين: اني كتله لان عرف راح توكع براسي هسه اختج وين
رواء: ذيج بيت اهلي خواني شابعيها كتل
ياسمين: ليش عرفوا تشرد
رواء: لا موهيج بس مصطفى كايلهم تراسل بواحد مكايللهم تريد تنهزم وياا، جان ذابحيها هسه، بس تلفون عند مصطفى
ياسمين: اي عنده
رواء: لان مصطفى بليل رايحلها فاتح تليفون قاري كل رسايل البي وحته جواز اخذه منها كل هذا تكول الا اروح
ياسمين: الله يثبت عقلها

مصطفى مو طايق احد ابد حت جهال خانسين من شافوا ابوهم وجه مايكصه سيف، حت ماكالو ع نجاحهم

العصر فاطمة فارشه صاله ملازم ،وعمتي اليوم داكه رجل الا تروح للنجف للأمها مرايحة وتنعة، دك جرس 🔔البيت

رحت فتحتها مراة مبوشة، سلمت رفعت البوشية، مراة تجي نهاية الاربعين حلوة كلش، تشبه فاطمة
ام علي: ام احمد موجودة
ياسمين: اي تفضلي
( دخلت وصحت )
ياسمين: عمة خطاااار
( عمتي سكتت من نعاوي ظلت صافنة ع مراة)
ام علي: السلام عليكم شونج عمة
ام احمد: لا هلا ولا مرحبا يا حقيرة شجابج رجعي مين ماجيتي
ام علي: مجايه عليج جايه ع ابني وبنتي اشوفهم
ام احمد: ولي لج فضايل زلم ماتستحين ماعندج جهال يمنا يله ولي منا
( عمتي تحجي بثقة فاطمة ترجف من عرفت امها)
فاطمة: شعندج هنا هااااا انتي العار لحكني وكل يعيريني بيج هاااا انتي لج ابشرج صرت مثلج
( اجت تحضن فاطمة دفعتها ونهارت، عمتي تعيط و فاطمة تغلط، وهي كعدت بكل ثقة ولا يمها حجي عبالك)
عمتي: لج خابري مصطفى خلي يجي يشوف مصيبة وكعت ع روسنا جهالي تكول متفطنة بيهم
( رحت تصلت )
مصطفى: ها حبيبي صاير شي
ياسمين: عمتي تريدك ضروري
مصطفى: شكو
ياسمين: مادري تريدك
مصطفى: هسه اجي

فعلاً شوي ودخل مصطفى بس شافهم عيونه صارت تجدح باوع عليها وعاط
مصطفى: شعندج بيتي ولج
ام علي: مماكلة بيتك أجيت اشوف جهالي
مصطفى: شنو متذكرة عندج جهال
ام علي: ميخصك
مصطفى: معندج جهال يمنا بيتي يتعذرج
ام علي: مو بكيفك
مصطفى: شوف ماكدر احجي وياج اكثر وتجاوز عليج لانج مراة
فاطمة: طلعي متذكرة بيننا طلعي