"ယွန်း...ဘာလုပ်နေတာလည်း။ခဏနေသွားရတော့မှာကို"
အိပ်ခန်းထဲတစ်ခုခုရှာနေပုံရတဲ့ Jake ကိုတံခါးဝကိုမှီရင်းမေးတော့ သူ့ကိုလှည့်ကြည့်ပြီးမှ
"မူရာ ငါ့လက်စွပ်တွေ့မိသေးလား။ရေချိုးခန်းဝင်တုန်းကချွတ်ပြီးဘယ်နားထားခဲ့မိလည်းမသိဘူး"
"ကိုယ်တို့စေ့စပ်လက်စွပ်လား ယွန်း"
"အင်း..."
ရှာမတွေ့လို့မျက်နှာပျက်စပြုလာတဲ့ Jake ကိုသူမကြည့်ရက်တော့ပဲ အနားလျှောက်သွားကာ
"မတွေ့ရင်မရှာနဲ့တော့။နောက်မှကိုယ်အသစ်တစ်ခုလုပ်ပေးမယ်"
"မတူဘူးလေ မူရာ...ဒါကရိုးရိုးလက်စွပ်မဟုတ်တာ မင်းသိရက်နဲ့"
မူရာ့မေမေကိုယ်တိုင်ပေးထားတဲ့လက်စွပ်မလို့ ထိုသူလေးကပိုစိတ်မကောင်းဖြစ်နေသည်ထင်။ပြိုတော့မယ့်မိုးလိုမျက်နှာလေးကြောင့် နီခီအနောက်ကပွေ့ဖက်တော့ ရင်ခွင်ထဲအံဝင်ခွင်ကျဖြစ်သွားတဲ့ Jake ကိုယ်လေး။
"အရေးမကြီးဘူး ဟန်နီရယ်...လက်စွပ်ကအခုမဟုတ်ရင်တောင် တစ်ချိန်ချိန်ကျရင်ပျက်စီးသွားမှာပဲ...အဓိကကကိုယ့်အချစ်တွေက မင်းအပေါ်မပျက်စီးဘူးဆိုတာရော၊မင်းဆီမှာ ကိုယ်ရှိတယ်ဆိုတာရောသိထားရင်ရပြီလေ"
"မူရာ...."
"ရှူး...တော်တော့...ပြန်လာမှကိုယ်ဆက်ရှာပေးမယ်။မတွေ့လည်းဘာဖြစ်လည်း ကမ္ဘာပေါ်ကဟန်နီကြိုက်တဲ့လက်စွပ်လက်ညိုးသာထိုးလိုက်...ကိုယ်အကုန်ဝယ်ပေးမှာပေါ့"
"ဒါပေမယ့် မင်းရဲ့လက်စွပ်ကိုရော..."
"ဟန်နီ့အတွက်ဆို ပျောက်သွားတဲ့တစ်ခုနဲ့ကိုယ့်ဆီမှာရှိတဲ့တစ်ခုကို လွှင့်ပစ်လိုက်လည်းရတယ်။မင်းနဲ့ဆင်တူကိုယ်ဝတ်မှာပေါ့..."
ထိုသို့ထိုသို့ စကားတတ်လွန်းတဲ့ နီခီ့ရွှေရောင်ဆံစတို့ကိုအနောက်လှည့်ကာသေချာသပ်တင်ပေးရင်း
"သိပ်အပြောကောင်းတဲ့ မူရာရယ်..မေမေဆူရင်တော့ မင်းခံလိုက်နော်"
"ဟက်...အလကားတော့မရဘူး ဟန်နီ"
လူကြီးလေးက အလိုက်သိစွာဖတ်ခနဲနမ်းသွားတော့ သူရင်ဖိုရပြန်သည်။ ရှင်းမ်ဂျယ်ယွန်းရဲ့ နှုတ်ခမ်းသားတို့ကသူသဘောကျရဆုံးအစိတ်အပိုင်းတစ်ခု....။မျက်စောင်းလှလှလေးတစ်ချက်နဲ့ ရင်ခွင်ထဲတိုးဝင်သွားတဲ့သူလေးက ကျွန်တော့်ရဲ့galaxy လေးတစ်ခုပေါ့...
YOU ARE READING
ABIDING LOVE : 밀당즈 ✓
Fanfiction"Santa won't give a present to a bad boy" (MilkCarrot's beautiful story which was written in Burmese.) Start : 12/25/2021 End : 1/12/2022
