မောင်ဟာ ကမ္ဘာပေါ်က ဗီလိင်တွေလိုက်မမှီအောင်အထိ သိပ်ဆိုးလွန်းတယ်။
လူကို တွန်းလိုက်ဆွဲလိုက်၊ ဒဏ်ရာတွေပေးပြီး ဆေးပြန်ပေးလိုက်၊ မချစ်ဘူး ဆိုတဲ့စကားကို တဖွဖွပြောရင်း ချစ်တယ် ဆိုတဲ့စကားကို တသသထုတ်ပြောပြီး အပြီးတိုင် ထွက်သွားဖို့ ကြံနေခဲ့တာ။
ယုံသင့်ရဲ့လား မေးတဲ့အချိန် မောင့်နှုတ်က ယုံကြည်လိုက်ပါ လို့ပြောလိုက်ရင် ငါနောင်တမရမယ့် လမ်းကိုရွေးမိမယ်ထင်တယ်။
ငါလိုချင်တာက မောင့်ရဲ့ ချစ်တယ်ဆိုတဲ့စကားထက် အဲ့ဒီစကားတစ်ခွန်းထဲပဲလေ။ဒါပေမယ့် နောက်ဆုံးအချိန်ထိ ငါလိုချင်တဲ့စကားကို မောင်မပြောသွားခဲ့ဘူးပဲ။
— ABIDING LOVE — FINAL —
"နောက်နှစ်တွေရဲ့ Christmas တိုင်းမှာ ငါနဲ့အတူ မောင်,မရှိနိုင်တော့ဘူးလို့ မင်းပြောခဲ့တယ်မလား ဟီဆွန်း"
တဖြုတ်ဖြုတ်ကြွေနေတဲ့ အိုဟောင်းနေသော သစ်ရွက်ခြောက်များမြေပေါ်သို့မကျမီ လက်နဲ့စီးတားကာ အသာအယာဆုပ်ကိုင်လိုက်သည်။ ကောင်းကင်ယံကား ပုဇွန်ဆီရောင်သမ်းလျက်...နေဝန်းသည်ကား အနောက်အရပ်သို့ ဝင်စပြုနေချေပြီ။
"မင်းပြောသလို ငါ့ရဲ့ Christmas တိုင်းမှာ မင်းမပါနိုင်တော့ပေမယ့်...မင်းရဲ့ Christmas တိုင်းတော့ ငါရှိနေပေးပါ့မယ်။"
ရာသီစက်ဝန်းတို့ကျော်လွန်၍ အတိတ်ကိုတမ်းတရင်း ထိုစကားတို့ကို ညှင်သာစွာပြောမိသည်။
နို့နှစ်ရောင်လက်ရှည်အပါးလေးနဲ့ နေဝန်းနီကိုမျက်နှာမူလျက် ငြိမ်သက်စွာရပ်နေသော ကျောပြင်ငယ်အား အနောက်ပါးဆီက လှမ်းမျှော်ကြည့်နေသော မျက်ဝန်းမှအကြည့်တို့ကား မည်သည့်အဓိပ္ပာယ်ကိုဆောင်နေပါအံ့....။
••••••
ဆေးရုံဝင်းထဲခြေချချခြင်း ဆောင်းဟွန်းတစ်ဖန်ပြန်လည်မွေးဖွားလာသလိုခံစားလိုက်ရသည်။အခုမှ တကယ်လွှတ်လပ်သွားတာလား...ဒီခံစားချက်က (၂)နှစ်ကျော်တုန်းကခံစားချက်နဲ့မတူဘဲ သိသိသာသာကွဲပြားနေခဲ့သည်။
YOU ARE READING
ABIDING LOVE : 밀당즈 ✓
Fanfiction"Santa won't give a present to a bad boy" (MilkCarrot's beautiful story which was written in Burmese.) Start : 12/25/2021 End : 1/12/2022
