اسيره الملك

البارت الثالث والعشرون

كانت لين فى غرفتها تستعد لتنفيذ خطه هبه
لين بخوف/انتى واثقه يا هبه ان مش هنلبس فى حيط كلنا
هبه بغرور/عيب عليكى يا ليو
لين بتحرك نحو باب الغرفه /انا خارجه ادعيلولى يعيال
بعد خروج لين بدقائق خرجت خلفها هبه اما انجى فنتظرت قليلا
هبه تقدمت اللى هشام الذى كان يجلس منتظرا يوسف ومحمد
هبه بخوف/الحقينى يا هشام
استقصدت ان ترفع صوتها حتى يلاحظ مشرف الرحلة
هشام بقلق/فى اى يا هبه
هبه بخبث وخوف مصطنع/يوسف بيخانق مع لين ومش عارفين نهديه
هشام بقلق من صديقه فهو يعرفه عندما يغضب لا يرى امامه/انا جاى معاكى يلا
ما ان سمع مشرف الرحله هذا الحديث وانطلق ورائهم

اما لين فما ان خرجت واتجهت اللى غرفه يوسف خبطت لين على باب الغرفه وفتح لها يوسف
لين بدلع مصطنع/جو عامل اي
يوسف باستغراب من مجيئها/لين انتى بتعملى اى هنا
لين ببراءه/كنت جايه اسلم عليك اى عندك مانع
يوسف بمكر ونظرات وقحه فهو قد ظن انها اتت اللى هنا لكى تصلح الامور معه وتترجاه ان يمسح الصور/لا يقمر معنديش خشى
دلفت لين الى الداخل وهى تجوب الغرفه بعيانها الى ان وقع عينها على مرادها
اقتربت منه ويوسف خلفها
بصت لين ليوسف بزعل/كده يجو اهون عليك تخدعنى كده
يوسف باستغراب من دلعها/انتى واثقه انك لين
لين وسمعت صوت هبه يتجه اللى الغرفه ثوانى
وصرخت لين بدموع/حرام عليك يا يوسف اعتبرنى اختك
كانت الصدمه حليفه يوسف فلماذا صرخت فجاه هكذا
ثوانى واقتحمت هبه وهشام الغرفه
هبه بقلق مصطنع/خلاص بقا يا يوسف
لين ببكاء ونحيب/عشان خاطرى يا يوسف ادينى موبايلى وامسح الصور اللى انت اخدتها منه وهديلك اللى انت عاوزاه
اقتحم مشرف الرحله الغرفه
المشرف بغضب/اى اللى بيحصل هنا
يوسف ويحاول الدفاع عن نفسه/ انا معملتش حاجه
المشرف بعضب/انت تخرس خالص
لين ببكاء/ سرق فونى واخد صورى وبيهددنى بيها
المشرف بعصبيه/الكلام ده حصل يا يوسف
يوسف كان لسه هيتكلم قطعته لين التى كانت تجرى فى الغرفه
لين ببكاء/اهو فونى اهو
مشرف الرحلةوهو بينظر له بغضب/اتغضلوا معايا كلكم ولو طلع كلامهم صح اعتبر نفسك مطرود من المدرسه يا يوسف
لين بضحكه خفيه ويوسف يقف لم يستطيع النطق من هول ماحدث فكيف هذا يحدث وكيف اتى هاتفها هنا
هاتفى
هذه الكلمه التى رنت فى عقل يوسف اين هاتفى
اخذ ينظر حوله فلم يجده علم انه وقع نفسه فى ورطه كبيره
اخذهم المشرف ومع بكاء لين المستمر صدقاءها المشرف وارسل ماحدث لمدير المدرسه الذى ابلغه على الفور بفصل يوسف من المدرسه وارجاعه الى الاسكندريه فورا
كان يوسف فى صدمه من امره لم يستطيع الفتكير
امره المشرف ان يصعد اللى اعلى وان يجلب ملابسه واغراضه
صعد يوسف وشياطين الدنيا والاخره تتراقص امامه
كان يبحث عن فونه فوجده على السرير فتحه سريعا فوجد رساله مكتوبه على هاتفه
(هاى يقمر انا ليو شوفت اخره اللى يلعب معايا وحشه ازاى المهم بقا متدورش فى الفون كتير مش هتلاقى حاجه اصل احنا مسحنا كل حاجه تخصنى عليه باى باى يقمر)
فتح يوسف معرض الصور سريعا فلم يجد صور لين
القى يوسف هاتفه بشده فتحتطم لمئه قطعه
محمد وهشام وهما بيحاولوا يهادهوه/اهدا يا يوسف اهدا
يوسف بعصبيه اعمته /والله لوريكى يا لين ان مخليتك تيبكى بدل الدموع دم مبقاش يوسف البحيرى
حمل يوسف اغراضه واتجه اللى خارج الغرفه
استقل يوسف اوبر للعوده اللى الاسكندريه وهو ينوى بداخله الكثير والكثير اللى لين
صبرا يا لين
كان هذا صوت الشيطان بداخله

&..........................................................&

كانت علاقه احمد وسلمى تتقدم يوما عن يوم
فكان احمد يحاول بشتى الطرق ان يعوضها عن اصدقائها وان يكون لها جارها وصديقها وحبيها
اما سلمى فكانت تحاول معرفه الشعور الذى يراوضها فهى تشعر ان احمد هو الشخص الذى ظلت تحلم به
كان احمد يهاتف سلمى
احمد بضحك/خلى بالك لحسن انا بغير
سلمى بمرح/اسكت اسكت ده انت اسمك احمد
احمد بعدم فهم/ايوه ماله اسمى
سلمى بمكر انثوى/اصل يعنى سمعتكم فى السوق مش ولا بد
احمد باستغراب/احنا مين يا بنتى
سلمى بضحك/برفتكور مطلعتش فاهم وطلعت نرم
احمد بصراخ/لاعععع مسمحلتكيش انا ميم لورد قد الدنيا
سلمى بسخريه/واضح واضح ده حتى الميمز بتجرى فى دمك
احمد بغيظ/ماشى اصتبرى عليا يا سلمى
دخلت عليه بوسى لتستمع حديثه
بوسى بصوت عالى/ الله الله يا استاذ بتكلم بمين
احمد بفزع /مش تقولى احم ولا دستور حتى يشيخه قطعتيلى الخلف
بوسى بمكر/لا متقولش كده يميدو اومال مين هينزل بوستس ويقلح عليا ويكبتلى عمتو الحربايه
احمد بصدمه من هذه الطفله التى تعلم اكبر من هو شخصيا/انتى يت بنتى نوايه تجبيلى حاجه عمتو الحربايه اى انتى من نحيه الحربايه فانتى الحربايه تقولك ياا ستى
بوسى وهى تحرك كتفياها بعدم مبالاه/متخودنيش فى الكلام يخوياا مييين سلمىىىى دى
كل هذا وسلمى تضحك من قلبها على هذان الاخوه فهم يشبهون القط والفار
احمد برجاء /ابوس ركبك يا بوسى اخرسى وهجبلك شوكلاته وحاجه حلوه قد كده
بوسى باستغلال/وهتسيبنى اكلم فروستى
احمد بغيظ/نعم يا روح امك
بوسى بصوت عالى/سلمى يسلامههههه
احمد وهو يسرع اليها/ تحبى اجيبلكم حاجه تشربوها وانتى بتكلمى فروستك
بوسى وهى تتمشى خارج الغرفه بدلع/لا يااه يااه يواد يا تقيل يااه يااه يمدوبنى
احمد وهو ينظر الى اثرها بصدمه فهذه الطفلةسوف تصيبه بالشلل ولكنه فاق على صوت ضحكه سلمى
سلمى بضحك /انتو رهاب انا هموت على روحى من الضحك
كان تركيز احمد منصب على صوت ضحكتها ولكن هى لحظت صمته
احمااااد
كان هذا صوت سلمى اتى قطع تفكيره فى ضحكتها
احمد بابتسامه/نعم يقلب احمد
سلمى بخجل/احم كنت ساكت لى
احمد بتوهان/فى ضحكتك
سلمى وهى تكاد تختفى من الخجل اغلقت الخط فورا
نظر احمد الى الهاتف بابتسامه عاشق

&....................................................&

دوس نجمةيا قمر♕♡