اسيره الملك

البارت الخامس

اما عند امير وفرح كانت الصدمه على ملامح فرح من اللى قدمها
فرح بصدمه/امير انت جايبنى فين
امير بضحك/هكون جايبك فين يا فروحه ده احسن عربيه تعمل  فول وطعميه فى اسكندريه شوفتى مظبطك ازاى
فرح ومازلت الصدمه على وشها/نعم مظبطنى امال لو عايز تخلص منى هتعمل فيا اييه
امير بمرح/يالا يالا بطلى دلع وانزلى
فرح وهى متبته فى الباب بتاع العربيه وامير بيشدها/لا لا انا مستحيل اكل على عربيه فى الشارع لاااااا انا عايزه مامااااا
امير بجديه وحده مصطنعه/فرح قدامى يالا
نزلت فرح من العربيه بخوف من القادم
امير وهو واقف قدام عربيه الفول والطعميه /ياعم متولى يا راجل يا طيب
عم متولى بترحيب/يا اهلا يا اهلا بيك يا امير يا بنى ثم تكمل بعتاب /كده تعد اسبوع متجيش
امير بمرحه المعتاد/متزعلش منى يا راجل يا طيب ادينى جيت اهووو
عم متولى وهو لسه واخد باله من فرح/امااال مين البت الحلوه دى يا واد يا امير
امير بغيره/دى بنت خالتى يا عم متولى
عم متولى بعبث وهو عارف ان امير بيحب فرح/امال يعنى عمرك مجبتلنا سيره لهطه القشطه دى
امير بغيره وهو ياخد عم متولى بعيد عن فرح /تعالا معايا يا راجل يا طيب عشان اقولك طلباتنا
طبعا امير كان اخد عم متولى عشان يقوله الطلبات وكده واقعد يهزر معاه وبعد كده راح لفرح لقلها واقفه وبتبص حواليها باستغراب
امير بمشاغبه/المكان تحفه صح
فرح باعجاب/تعرف تحس فعلا انك قاعد حوالين اهلك وناسك
امير بغرور مصطنع/طبعا يا بنتى هو انا هجيبك اى مكان
فرح بضيق/يا فصيييل فصلتنى من الجو الحلو اللى كنت فيه
امير بضحكه شريره/عارف يا قلبى انى فصيل بس تعرفى يا فروحه انك النهارده حل....قطع كلامه نداء عم متولى عشان الاكل جاهز
امير فى سره/يالهووووى كنت هقول للبونبونايه كلمه حلوه حرااام عليك يا عم متولى
فرح بصوت عالى وهى بتنديه/اميررر يا بنى
امير بانزعاج/اااه يا بنتى بتنادى عليا من شارع تانى
فرح بضيق/مانت اللى سرحان اعملك ايييه انا ويالا عشان ناكل
وقاعدوا عشان ياكلوا فى جو ملئ بالبهجه والفرحه والضحك وفرح اتعرفت على عم متولى وحبته اوووى وبعد ماخلصوا راحوا عشان يجيبوا رنا من الجامعه عشان يعدوا على خالتهم فوز

&...........................................&

اما فى جامعه علوم اسكندريه كان مازن واقف مع شلته بيعالجولوا جروحه من اثار ضرب امير ليه استوووب (شلته مازن مكونه من اربع افراد وهو القائد واسماء شلته هى على وانس واشرف)
مازن قاعد بيكلم بغل /ودينى لطلع عينه على اللى عموا فيا مش كفايه اللى عملوا فيا هو واصحابه الجرابيع دول فى رحله الساحل
اشرف بخبث /امال لو سمعت بقااا التسجيل ده
مازن باستغراب والم/تسجيل اييه
اشرف بخبث/اسمع يا معلم
التسجيل كان كلام امير وشلته لما كانوا واقفين فى الجامعه 
طبعا مازن سمع الكلام وكان هينفجر
مازن بزعيق/ودينى لكسر غروره اللى طالعى بيه السما ده
انس بغيظ/هتعمل اييه يا بوص فهيمنا
مازن بخبث ذئب/كل شر
على بسؤال/هتعمل اييه يا بوص
مازن بخبث وحقد /هقولكم .........................
على بزهول /ياااه يا بوص ده انت طلعت داهيه
انس بصدمه/داهيه اييه بس قول بلوه مصيبه
اشرف بخبث/واحنا معاك يا بوص
مازن بنظرات بتنطق بالشر/على خيره الله يا رجاله