تتمة قصة بعدما خانني وكرهته 🔥مكتملة 🔥

البارت 206

Part 206
بقلم:سلمى سوسو
غير سلاو كلشي بدا كيصفق و كريم لهبيل كيصفر
صفوان:تباركالله عليكم
يسرى:شحال هدي مغنيتو لينا
سلمى:هههه انا بعدا ديما كايغنيو ليا
حسنى:هههه شكون بحالك
يوسف:نوض فحالكم تنعسو كريم مع 7 تكون واجد
كريم:اويلي 7 انا عاد كنعس ناري لا عفاك مالي غادي نحارب
اياز:6 قد قد تكون هنا
ياله غيدوي و هما امشيو و خلاوه ههه
جود:(كيرتب ليه على كتفو)بقيتي فيا و الله
يلمز:مديرش فبالك ههه
سلمى:غزا فيك باش تعلم تسكت
حسنى:هههه حرام علك
كل واحد طلع لبيتو كين لي نعس و كين لي لاعب ههه اكيد فهمتوني عليمن داويا و كين لي سهران معذب و كين لي كيخطط باش ادمر
اكرام:سفيان ايمتا غنبدا المهمة بالضبط
سفيان:من ورى شهر العسل ديالهم غتمشي لعندهم و تماك بداي
اكرام:و مريم
سفيان:مريم خاصها دابا غير الوقت باش تقدم كلشي موجود
اكرام:اممم اوك
قطعو مع بعضهم و هما كلهم شر
اما واحد مروى ملي عرفات شكون هما اياز و يوسف و هي كتقفقف غير بوحدها و قرات غير تفيق فصباح ترجع منين جات (ههه لهلا اخطي علينا سي اياز و يوسف لي منوضين ليا الىعب فبنادم) اما سعاد فكتحلف على يوسف باش تنتاقم منو(اودي غير سكتي و نتي غير كيشوف فك كتبغي تبولي فحوايجك و هادشي غير معارفاهش كون هو) فرح نعسات حدا يلمز و حسنى لي كانو كيتعاودو و يضحكو و كل وحدة عودات للخرى على شعورها تجاه حبيبها و خصوصا فرح تا نعسو اياز غير دخل لبيتو حيد حوايجو دخل دوش و خرج تلاح باش انعس واخا حلف هو لاجاه تا داز بزاف ديال الوقت سلمى مخلاهاش يوسف تنعس مع لبنات حيت اكيد توحشها بزاف و بغا انعس حداها كيف كان كيدير شحال هدي و يشم ريحتها دخل لبيت لقاها معنقة دبدوب ديالها و كتبكي بصمت هو شافها و فضل اسكت حيت الا دوى حتا هي غدوي و اكيد بما انا سبب بكاها هو لي كتبغي اسامة فالا نجاوبت مع يوسف غيفوت فيها شي دقة هزها بين يديه و هي مدارت تا حركة غير كتبكي داها لبيتو و حطها دخل دوش و خرج لبس شورت و تخشا من وراها و عنقها بقوة كبيرة
يوسف:(فودنها)ششششش
غير سمعات صوتو و هي تحاول تسكت حيت صوتو كان كيخلع و باين فيه بلي معصب و الا كملات غيجندخ مها و عاد زيد عليها طريقة لي مزير بيها على كرشها بقات هاكداك حتى نعسات و يوسف باقي مقدر انعس و كيفكر فهادشي لي غيدير معاها و الطريقة لي غتخليها تكون ديالو مبغاش ايدير نفس طريقة اياز مي بغا اخدم معاها غير الحيلة