تتمة قصة بعدما خانني وكرهته 🔥مكتملة 🔥

البارت 204

Part 204
بقلم:سلمى سوسو
جات وقيتة لعشا كلشي مجموع على الطابلة و كيدويو و يضحكو الا مروى غير مصدومة و خايفة
اياز:بنت عمي مروى كولي مالك بحالة مصدومة
مروى:اه نن نن انا كناكل
صونيا:لبنات غدا غيجي المصمم باش تقيسو تكاشط لي غتلبسو غدا
سلمى:علاش اماما شنو كين غدا ياك الحنة حتا البعد غدا
صونيا:من العادات ديالنا اننا قبل من الحنة تجمع العائلة كلها و نبداو نطبلو و نغنيو
حسنى:واو غنشطحو
صفوان:غنضرب مك
يلمز:اه مزيانة باش نشطح و نبرد غدايدي حيت فالعرس مغنقدرش نشطح
اياز:عارفاها بعدا
كريم:انا حسبوني معاكم تا انا غنجي نشطح معاكم
يوسف:كريم غدا غتزيد قدامي لشريكة عندنا اجتماع
كريم:انا مغاديش خليت شريكتي لهيهة باش نجي نتبلا هنا ولا شنو نتا ديما الخدمة الخدمة شي نهار تموت و نتا تحلم بيها عيش حياتك اصاحبي و ضحك و شطح و هادشي لي غندير انا غدا
يوسف:و الله و متزيد قدامي غدا يا تا نجمع لك لقديم و جديد
كريم:مغاديش
اياز: احم على خاطرك اه كريم را باقين عندي سيديات ديال المراهقة ديالك كلهم
كريم:اه نمشيو دابا لشريكة ولا تالغدا
الكل:هههههه
فاطمة:(الجدة)هههه خايف لا تكحلها مع عروستنا المستقبلية
صونيا:هههه صافي عقنا بك
غريبة:اوا الالا ليلى(مامات فرح)معندي منخبي علك بابات كريم غدا جاي انشاءالله
كريم:با غير انا بحاله نتي مراجلكش
غريبة:هههه الله امسخك
سمير:المهم اختي را كريم عاجباه بنتك
كريم:شنو عاجباني را كنبغيها
سلمى:اويلي على المفروح و نتا شد الارض شوف فرح كيف حشمانة
صونيا:ههه كمل اسمير
سمير:و مغنلقاوش حسن منكم والله و مكرهناش نشوفو شنو جوابكم باش نديرو كلشي برسمية
ليلى:انا منزيدكم غير الخير كلشي على جواب بنتي
فاطمة:بنتي فرح اش قلتي
فرح:حشمات
كريم:صافي سكوت علامة الرضا
سلمى:يووووويووووي
يوسف:صعر مال مك صمكتي ليا ودني