تتمة قصة بعدما خانني وكرهته 🔥مكتملة 🔥

البارت 232

Part 232
بقلم:سلمى سوسو
سلات نقاشة و مشات و سلمى مشا لحريق من يديها قالت نكافة ل يوسف احيد شبكة على وجه سلمى ديكشي لي دار غير هزو و هي تخرج ليه سلمى لسانها و هو بدا اضحك و كيحرك راسو زعما حمقا
يوسف:ههه مغديريش عقلك
سلمى:هههه را عرسي هدا خليني فرحانة
يوسف:ههه واقلة هاد زواج مبزز عليا انا ماشي نتي
سلمى:ههه لا هاد زواج ماشي بزز مني بلعكس صافي تقبلتو حيت هدا كان تحدي
ناضو لبنات كيشطحو و محيحين و تا دراري جاو هادوك لي غيهزو سلمى فلعمارية كانو غيهزو تا يوسف مي مبغاش عياو فيه و والو
سلمى:يوسف انا خايفة
يوسف:اوا جلسي للارض
سلمى:لا صافي لي ليها ليها
طلعو سلمى فالعمارية و كيدورو بيها و هي كدير باي باي
من بعد نزلوها و رجعات لبلاصتها و بداو كيجيو يباركو ليهم و صحافة كتصور من بعد جا كلشي كيتصور معاهم شوية جا سفيان سلم على يوسف و يوسف مزير على يد ديك سفيان
سفيان:مراتك طلعات كتبغيك صبرات بزاف على قبلك
يوسف:شكتخربق نتا
سفيان:ههه الحنة كانت فيها واحد المادة كتحرق بزاف و هي صبرات لدرجة مغوتات مبكات
يوسف:غدفع تمن ديال هادشي لي درتي كنواعدك و دابا شوية غنتلقاو
مشا سفيان و يوسف شد فسلمى و طلعها لبيت
يوسف:سلمى اري نشوف يديك
سلمى:علاش
شد يوسف يد سلمى قشر الحنا و هو ابان ليه لحمها حمر بزاف حيت هي بيضة
يوسف:علاش مدويتيش و حبستيها
سلمى:صافي موقع والو انا كنت متاكدة شي حد باغي اخسر العرس على ديكشي سكت
يوسف:(عنقها)اخر مرا ديري بحال هاكدا
خرج يوسف من البيت و لقا كلشي مشا جاو لبنات عند سلمى بدلو تكاشطهم و دوشو و خرجو انعسو بحال كلشي الا يوسف و اياز مشاو اتفاهمو مع سفيان