Edit _
အိမ်တံခါးပိတ်ပြီးမှ ရိပေါ်က ရှောင်းကျန့်ကို ကောက်ပွေ့လိုက်ပြီး ရေချိုးခန်းထဲ ဝင်ရသည်။ဘေစင်ပေါ်ထိုင်ခိုင်းထားပြီးမှ ဘောင်းဘီကို လိပ်တင်ကာ ဒူးခေါင်းက ဒဏ်ရာကို ရေဆေးရသည်။ စပ်ဖျင်းဖျင်း ဖြစ်သွားတာမို့ ရှောင်းကျန့်က ခြေထောက်လေး အနောက် တွန့်တွန့်သွားသည်။
" ငြိမ်ငြိမ်နေလေကွာ ... ရေတွေ ကိုယ့်ပါ စိုကုန်ပြီ။ "
အငြိမ်မနေပဲ ရေပိုက်ကိုတွန်းနေတဲ့ ရှောင်းကျန့်ကြောင့် ရိပေါ် အကျီတွေပါ ရေပိုက်က ရေတွေ စိုကုန်သည်။
" လာ ... ဆေးထည့်ပေးမယ်။ တော်တော်အတက်ဆန်းတယ်။ "
ရိပေါ်က တွဲထူဖို့ပေမယ့် ရှောင်းကျန့်က သူ့ကိုပွေ့ပေးဖို့ လက်နှစ်ဖက်ကမ်းပေးနေတာမို့ ကောက်ချီရပြန်သည်။ ရှောင်းကျန့်ကိုအိပ်ယာ အောက်ပိုင်းနား ချပေးပြီး ဆေးထည့်ပေးဖို့ အတွက် ရိပေါ်က ဗီရိုထဲရှာရသည်။
" ရပြီ ... ဒဏ်ရာကိုအရင်သန့်စင်ပြီးမှ ဆေးထည့်ပေးမယ်။ "
ရိပေါ်ကဆေးဗူးကို သုံးလေးချက်လောက်ခေါက်လိုက်ပြီး ဆေးထည့်ဖို့ ပြင်ဆင်ရသည်။ရေစိုထားတဲ့ အကျီလက်က ရေတွေ တပေါက်ပေါက်ကျနေတာမို့ အနာထဲ ရေပြန်ဝင်သွားမှာ ဆိုးလို့ ရိပေါ်က အကျီကိုချွတ်ပြီး အဝတ်အပေတွေ ထည့်တဲ့ ခြင်းထဲ လှမ်းပစ်လိုက်သည်။ အခု ရိပေါ်က အပေါ်ပိုင်း ဗလာနဲ့ ရှောင်းကျန့် အရှေ့မှာ ငုတ်တုတ်ထိုင်ပြီး ဆေးထည့်ပေးနေတယ်။
" ရိပေါ် မနာစေနဲ့နော်။ "
" အင်း ... ကိုယ်ဂရုစိုက်နေတယ်။ "
" မနာအောင် ထည့်လို့။ "
"အတက်နိုင်ဆုံး မနာစေရဘူး။ "
ရှောင်းကျန့်က ဆေးမထည့်ခင်ကို ခြေထောက်က အငြိမ်မနေပေ။ ဒဏ်ရာကို သန့်စင်ပြီး သေချာ ကြည့်လိုက်မှ အပြင်က ညိုမဲသွားပြီး အတွင်းက အသားနီတောင် လန်နေသည်။
" အရမ်းနာနေမှာပဲ။ လာ ... ဒီကို ... "
ရိပေါ်က သူပါ ကုတင်ပေါ် တက်ထိုင်လိုက်ပြီး ရှောင်းကျန့် ခြေထောက်ကို သူ့ပေါင်ပေါ် ဆန့်တင်ခိုင်းလိုက်တယ်။