راقصه الشيخ فؤاد

البارت الاول

بعدني بـ ديرة العشرين
و براسي أحتفل شيبي
هلي ما رحموّ بـ حالي
هَلي تاجروْ بـ ڪليبي

يوزر انستا القصص: h_nooara21

مياسين: كاعده على البار جكاره بحلكي وكلاصي بيمنتي قرفت من هل عيشه هاي بس شسوي اريد اعيش حياتي اتذكرت حقيقتي المؤلمه لو ما اليتم جا
مصرت هيج خلف الله عليج باجي احتويتيني

اناهيد: وينها بنتي وجه الحض على هل ملهه

مياسين: ها باجيتي

اناهيد: اليوم جاين شلون كيك من اليحبهم كلبج الطبقه المخمليه ضباط وألويه اريدج هيج تسكرينهم تسكر بخصرج جيوبهم ثكيله وهستوهم قابضين الرواتب فرغي جيوبهم حلبيهم حلب

مياسين: غاليه والطلب رخيص باجيتي بس بشرط

اناهيد: امري

مياسين: قبل وعدتيني تاخذيني لقبر امي وابوي ازورهم ولهسه ما اخذتيني حبابه هل اسبوع اخذيني والله العظيم محتاجه ازورهم

اناهيد: ها اني شسمه إن شاءلله إن شاءلله هسه خليج بشغلج

مياسين: تددلين باجيتي كمت طكيت الفستان الاحمر حليت الشعر قصير بس مشكله فوكاه للكاع الطول

تمكيجت ولبست عدساتي الساحره والحمره الحمرا
وعطري المثير وطلعت للستيج

عصام: وينك شيخ

فؤاد: شويه و اوصل اكلهم ب الحجي أنه اموت وفلس ما ادفع لو مو ابنه ساحك المره

عصام: ماشي بس استعجل

فؤاد: سلام

عصام: الله وياك خشيت للديوان الكل وكف ماعده واحد صلف الضاهر ماعاجبيك

إيهاب: اني ما اوكف لواحد مايحل ولا يربط

عصام: الزم احدودك انته بمضيف الشيخ سامر وهاذا الشيخ فؤاد ابن الشيخ سامر تعرف شتحجي

ايهاب.. زلمكم الزينه تسحك مره وتشرد هاذا العرفنا

فؤاد.. استهدو بل الرحمان كلشي واله حل والمايعرفني اعرفه بنفسي أنه غلام ابوي سامر الشيخ فؤاد شيخ عشيرتي وراعي صندوگ العشيره أنه الماتصعب عليه الصعبه وانه الي بل شدد ماينحني ضهره بعمرهم الاجاويد مادكو الناقصه ولاهسه تندك الي الكم الكم والعلينا علينا الدم ميصير مي تبقون عمامنا وعشيرتكم

الها صيتها مثل ما انه الي عشيره وانته الك عشيره مانريد تهجم والوادم تتدامه بيناتهم البت علاجها عليه بس فصل انه ماعندي افصل بتكم لو علاجها ب الهند هم اخذها احنا الدعمنا واحنه النعالج بس مال 100مليون

علمود سحكه ماتسوه هم لو كاتلين موهيج مو شيخ هههه

شيخ علي: حجيك درر ياشيخ بس احنه نريد تعويض البت المعيله الوحيده لهلها وانتو سحكتوها