راقصه الشيخ فؤاد

البارت الرابع عشر

ابد ما طاعن ابظهرك ولا نام
علي رب العرش يشهد ولانام
صرت لا ليل اهجع بي ولا نام
ولا أكدر اكول اشصار بية

انستكرام: h_nooara21

اميمه: يا هلا بشيخنا ماشاءالله تبارك الرحمن شهل جمال شصاير اي يارب خلي يأس من مياسين

فؤاد: هلا بيج بت العم ااخ بوياي رجلي

اميمه: وين جنت منين اجيت

فؤاد: اجيت من بغداد وجنت ب ديوان عمي داغر شفت الوليدات واجيت

اميمه: وعمي داغر شوكت يرد من ايران

فؤاد: والله يبت العم عمج مطول عمليته صعبه

اميمه: الله يكومه ب سلامه باوعتله جان يصفن اكلك شيخ وين صفنت

فؤاد: لامياسين هيج

اميمه: مياسين شيخخ درت وجهي انقهرت

فؤاد: عذريني عذريني اميمه والله موبقصدي بس افكر بيها وكلت اسمها بوست راسها حقج عليه اعذريني

اميمه: معذور شيخ مسحت عيوني وابتسمت والنار شابه
بكلبي حتة لو مياسين ماترجع طابعه بكلبه طبع اااخ يرربي شسويتلكك وهيج جاي تختبرني خلصت عمري صوم وصلاه ومن البيت ماطالعه حتى المدرسه بطلت منها من وكت وكعدت

وضاله عاشكه وهايمه ب فؤاد ب العزايم لو يجينا لو نجيهم
وكاتمه هل حب بداخلي لحد اليوم الي فؤاد استلم المشيخه وشالني ابوي الله يرحمه هديه لـ فؤاد

والهديه عيب تنرد وفؤاد من باب العيب خطبني
بوقتها كالي اذا تردين افصخي الخطوبه لان انه ما هاويج وانتي بكيفج

تردين تعيشين وي شخص ما راح يحبج ولا راح يطيج حقج ك زوجه اقبلي واذا ماتردين ارفضي

واني ماكدرت ارفض من حبي اله واكوللكم الصدك ماردت غيري تاخذه لان اموت

وياريت ميته ولا هل زواج الي دمرني دمار وره زواجنا بشهرين كامت رجليه ماتشيلني

وكعدت على هل كرسي

الله لا يوجع عبد من عباده بكدي لان والله ما اتمنى لشخص هل وجع

قاطعت تفكيري ميساء ياهلاا

ميساء: هيلووووووو مومه

اميمه: كل الهلا حبيبتي بوستني وكعدت

ميساء: شخبارج يروحي

اميمه: على الله بخير

ميساء: تدرين اجيت مخصوص بس اشوفج لان كلش كلش مشتاقتلج

اميمه: يروحي انتي حضنتني فدوه شكد حنينه

ميساء: تعالي اسويلج وجهج جنج ارمله والله عاد الارمله ارحم

اميمه: ههههه جا على هاذا وضعي شعدي محفحفه

ميساء: يمه اسم الله شبيج ميتلج ميت