راقصه الشيخ فؤاد

البارت التاسع

ڪاتبكم يڪول

‎خشن عضمي واحس ياناس .....بتريف
‎شجاها العين عكب جفاك....... بترف
‎احس روحي عزيزه ادكول ....بت ريف
‎واهله شيوخ ماحبو رديه....‎
انستڪرام: h_nooara21

مياسين: كعد ب 8 بليل يخزر صفح بدل وكابلني يعدل بعكاله

فؤاد:  انه ماشي لديرتي حسج اسمع صوتج هاي مسواك يمج  وتلفوني عايفه هنا ادك عليج واذا متفتحين بسرعه يومين وراجع اشوفج النبي عربي يلا سلام

مياسين:  عافني وطلع قفل باب الشقه عبالك حابس حيوان كعدت ابجي والله الموت اشرف من هاي العيشه

فوك اليتم والهضيمه والضيم يطلعلي واحد استغفر الله من اسمه
شعده متزوجني اذا اني بت ليل وما اليق بي 

وشعده ب البصره معقوله متزوج  اي طبعاً متزوج

لا يجوز ممعرس لعد شيخ وهله هله يفتر ب ملاهي السعدون وعافها كلها اجه على اغله وحده ب سعرها

ولا ياريت يريد مثل الزلم اول شغله وداني للأمام وزورني ورفضني

بعدين يحاول يتقرب وكوه لازم نفسه  شعده والله خبلني

فؤاد: بوجهي لعصام ڪوم اكعدلنا

عصام: يهلا يهلا

فؤاد: بل مهلي عصام اكلك

عصام: شني شيخ

فؤاد: انه رايح للبيت اشوف الاهل اريدك تسبكني لديوان  تستقبل الوادم الجايه حته نفصل ونحول على عشريه البو*** لان أنه انطيت الأمان لجماعه بغداد وان شاءلله يومين ونحول لبغداد هم نشوف شلون تخلص بوديه لو فصل والله كريم

عصام: اكلك شيخ

فؤاد: شكوو

عصام: والفصل يوكع على الروس موو

فؤاد: لا انه اشيل النص والباقي على الروس

عصام: عمي كفو منك..

فؤاد: كفو من اصلنا يلا امششنا

اميمه: هلا والله نورت شيخ

فؤاد: بل مهلي بت العم بوست راسها شخبارج

اميمه: بخير الحمدلله انته شلونك

فؤاد: زوين على الله بدلت طلعت العقد ضحكت بعدين تذكرت مياسين يربي شلون بيها وشلون تخلص وشلون اجيبها لهلها وناسها وشكول وشحجي هسه هم يسألون وين جانت بلعباس اخوتها يذبحوها اذا درو بيها راقصه بملاهي السعدون

وتعال فؤاد سين جيم

اميمه: شنو هذا البيدك شيخ شو صافن شييخخ  هم ساكت فؤااادد

فؤاد: بسم الله الرحمن الرحيم خيرجج

اميمه: لابس شنو هذا البيدك الدوهن افكارك