سلام عليكم لبنات 👋.. ان شاء الله تكونو بخير ☺️.. اليوم جيتكم بكرونيك جديدة🙃 من كتابتي طبعا😁.. ان شاء الله تعجبكم😅.. اعطوني رايكم.. و ماتنساوش تتفاعلو ❤
____________________________________
__________________❥🇫ø🇫ä❥
🖤كرونيك خـطـيبــة آلدون 🖤
✿بہہسہہمہہ آلَلَهہہّ آلرحہہمہہنہہ آلرحہہيہہمہہ ✿
✨ آلحـلقة 1 ✨
.. نسمة هوا باردة اخترقت بشرتي مع هدوء الليل و عصفات رياح تأرجح خصلات شعري الي تدغدغ وجهي.. اليوم ليلة ثانية صاخبة من بعد مافاتت ليلة هادية كلها ذكريات و حزن و أسى.. اليوم قررت نخرج من هدوءي و نشوف حياتي كيما كامل لبنات الي كيفي قررت نخرج و نتفسح و ننسا همومي او على الاقل نحاول نتناسى. نتناسى العالم الي كنت عايشة فيه و نحاول نغلق أبواب الجحيم الي تحلت عليا و انا صغيرة نعاني من الخوف و التهديدات الي كانت تحيط بيا من كل جيهة و المخاطر القتل و العذاب و كلشي يدمر الانسان و يقتل ذرة الانسانية الي يمتلكها.. قبل شهر من اليوم قدرت نهرب و نتحرر من جحيمي او بالاحرى مستنقع الفساد الي كنت عايشة فيه قررت نبعد على كل حاجة تخصو حتى من هويتي و املاكي و انجازاتي و كلشي نملكو تخليت عليه و سافرت من الجزائر لنيويورك على امل اني نبدا حياة جديدة بلا مشاكل و لا وجع راس..وليت مغتربة بعيدة على بلادي مي هذا الشي ماطيحنيش زاد شجعني و قواني اكثر و اكثر لانو تم ماعندي حتى حاجة نبقا علاجالها من غير لوجع و القهر اما هنا فقدامي حياة طويلة رح نعيشها بإذن الله رح نحقق طموحاتي و احلامي رح نعيش حياتي بحلوها و بمرها رح نكون انا و من اليوم رح نعيش الحياة الي خيرتها لنفسي و مقتنعة بيها رح نحارب و نوصل ان شاء الله و نكون نفسي بذاتي و نولي اقوى من قبل و الكل يحسبلي حساب.. رح نتخلى على اسمي و هويتي و شخصيتي لكن هذا الشي مراحش يكون عقبة في طريقي و انما رح يكون حافز ليا باش نرجع و نرجع امجادي نخلف كلش البالي و الجديد و نكون شبح يدمر حياتهم من اليوم رح ننسى اني في يوم من الايام كنت ليان***و رح نبدا مشواري في حياتي الجديدة بشخصية ليزا ***
اليوم خرجت رحت لنادي و انا اول مرة نجي لبلايص كيما هاذو مي قررت نتأقلم مع طبيعة الحياة هنا و نتعود على كلش لكن في حدود المعقول مش اني نروح وين يروحو نعني اني رح نتخلا على شرفي و مبادئي مستحيل.. رح نحاول نبعد على حزني كيما قلت و نمشي على حساب القدر وين يديني و الوقت واش رح يغير فيا مع اني عصفت و رعدت و حاولت بكل الي نقدر اني نتبدل مي ماقدرتش الظروف كانت أقوى مني لكن الان انا حر و نقدر نرجع برائتي الي ضاعت مني..
كنت قاعدة فوق السور الي حدا النادي نخمم في حياتي الي جاية و نشوف في طابور طويل عريض الغاشي واقفين دايرين صف عند الباب باش يدخلو النادي و انا نستنى في صديق معنديش بزاف ملي تعرفت عليه مي ساعدني بزاف اول ماجيت لهنا نتكيف في سيڨار مارلبورو نستنشق في هواء نيويورك البارد لمخلط مع الدخان حتى طغات الريحة و عبات لباسي الأسود الباهث تخلطت مع ريحة عطر اللافندر.. عييت نستنا حتى كرهت فات وقت الموعد و هو لدروك مبانش قررت اني ننوض و نروح وين نسكن.. نضت نتمشا على خاطري البرد يقتل و الحالة مغيمة وقفت تاكسي في نص الطريق عطيتو عنوان السكن و سندت راسي على الطاقة غمضت عينيا نتفكر كل حاجة صراتلي في حياتي معاناتي وواش فوتت المليحة و القبيحة لكن رغم كلش الذكريات المشؤوومة كانت طاغية و الحزن مسيطر مافطنت من سهوتي غير كي سمعت الشوفور يهدر و يخبرني انو وصلنا للعنوان الي مديتهولو خلصتو و نزلت نجر في رجليا من التعب و كلش تخلط عليا.. بعد ماطلعت حليت الباب و دخلت لقيت لبنات الي معايا في السكن وحدة فالكوزينة و وحدة تتفرج في الصالون فتت عليهم القيت التحية و رحت شربت ماء و دخلت لبيتي من غير حس لانو لحد الان مزال مانعرف والو عليهم من غير أسماءهم و وين يخدمو و هذا عرفتو من المنشور الي حطوه في الفيس بأنو محتاجين وحدة ترافقهم فالسكن مش لأنو لكراء غالي لأنو مام انا استغربت بعد ماعرفت السوم و حسيت الي كاينة حاجة اخرى من ورا هذا الشي علابيها استفسرت و خبروني انو يخافو يبقاو وحدهم في بلاصة تخوف كيمن هاذي.. و انا درت روحي صدقتهم و مشيت معاهم فالخط.. مي بعد ماسكنت معاهم قبل 15 يوم عرفت الي هوما كل يوم بعد نص الليل يجيبو صحابهم لهنا و يديرو الي رشقتلهم عليها يعني بالمختصر المفيد دايرين السكن دار دعارة خاص بيهم.. مع الاول ماحبيتش مي كي ماقربونيش بعدت عليهم و على خماجهم جامي كترث الهدرة معاهم و بعد ماندخل من برا ندخل لبيتي و نغلق الباب على روحي.. دخلت لبيتي ريحت شوية فوق السداري تاعي قاعدة جتثي في البيت و تفكيري هايم في بلاصة بعيييدة فطنت من سهوتي طاحت دمعة سخوني من عيني دمعة قلب محروق.. روحي مجروحة و خاطري ملهود.. مسحتها فيسع استغفرت و نضت ديت قشي و خرجت من بيتي رايحة للدوش ندوش على الاقل ننحي تعب اليوم عليا.. شفت لبنات يشوفو فيا بنظرة غريبة كأنو حابين يطلبو مني شي حاجة.. تفاديتهم و رحت دخلت للدوش غلقت الباب رحت تكيت على لافابو و بقيت نميز في وجهي فلمراية.. مزالت باينة عليا علامات الطفلة الضعيفة المهمشة الي هانت على اقرب الناس ليها و استغلوها بسبب ضعفها و قلة حيلتها و انعدام ثيقتها في روحها.. اما هوما ماغلطوش.. انا الي خليتلهم الفرصة يستغلوني و يهمشوني و ديرو فيا الي حبو كنت نية وقتها و مافطنت حتى فات الوقت و كنت رح نخسر روحي اما مش من بعد الان.. رح تتمحا الشخصية الضعيفة و تحل مكانها البنت القوية الجبل الي مايهزها الريح البنت الي رح تتخفا ورا قناع البرود و الي ما يأثر فيها شيء و ماتخلي حد يشوف دمعنها و لو على حساب حياتها.. فطنت على روحي و انا نتحلف و نتوعد اني نولي اقوى بكثيير.. رفدت يديا و دعيت من قلبي.. يقولو الي دعاء المظلوم مستجاب.. يقولو انو كلمات المظلوم توصل بسرعة البرق و الي ربي يستجيبلو و يعوضو على كلش من اليوم و مام من بكري ماكان و لا رح يكون عندي سند من غير ربي سبحانو..قلعت قشي و دخلت تحت الرشاشة درت الماء حامي غالي يحرق في لحمي مي ماأثرش فيا و ماحسيتش بيه كيما حاسة بالحرقة الي في قلبي.. أطلقت العنان لدموعي الي مصباح حابستهم حفاظا على كبريائي.. معرفتش شحال د الوقت قعدت تحت الرشاشة مغمضة عينيا و نبكي بالشهقة مافطنت غير كي سمعت لبنات يدقدقو في الباب تاع الحمام.. طفيت الماء رحت درت منشفة لفيت بيها روحي و خرجت لقيتهم عند الباب يستناو فيا..
VOUS LISEZ
💖خطـيبــة💍 الدون 💖
Short Storyكرونيك جزائرية.. بقلمي.. 🖤 بطلتنا هربت قبل خمس سنوات من باباها بالتبني الي باعها للمافيا الروسية.. لجأت ليان للسفر الى الولايات المتحدة تحديدا لمدينة نيويورك الي ظنت انو بعد ماتسافر ليها رح تكون الملجأ الامن و المكان المناسب ليها.. و أنها رح تكو...
