__________________________________________________---٭ғoғa ٭---______________
'بـ,ـسـ,ـمـ,ـ آلـ,ـلـ,ـهــ آلـ,ـرحـ,ـمـ,ـنـ,ـ آلـ,ـرحـ,ـيـ,ـمـ,ـ'
"•ألحلقة 5•"
ليان: لا انا سور هبلت يا ماما و راح تخلاص عليا فسبيطار لمهابل..
جون: لالا ماكيش تتخيلي و جاوبيني بلا الدراما تاعك تقبلي تكوني خطيبتي؟..
ليان: اصبر تشو دقيقة..
جون: هاه ني صابر خفي روحك..
قربت منو غي بالشوية طلعت يدو الي كان شاد بيها يدي لعند فمي و عضيتو و بقيت مزيرة عليها حتى خليت لاطراس تاع العضة تم.. جبد يدو بالخف مسكين غاضني خرجت صح راه هنا ااعع و زدت عضيتو اليوم يتزوج بيا...
جون: وشبيه ربك نتي ياخي مكلوبة..
ليان: ديزولي كان خصني ندير هكا باش نعرف اذا راني نتخايل و لا تاع الصح راك هنا🥺🥺 بصح علاه راك تهدر معايا هكا يعني كون مازقيتش عليا نقول هذا التوأم تاعك مي نسخة حنينة فالشباب 😔
جون: كليتيلي راسي بالخرطي تاعك.. معليش هاذي المرة رح نفوتها و مرة اخرى شهدي على روحك.. و دوك تبلعي تخليني نكمل هدرتي..
هزيت راسي زعما موافقة ماجا ينطق مسكين رفعت صبعي.. شاف فيا و النار تخرج من عينيه..
جون: وشبيك تاني..
ليان: ماتعرفش تهدر بلهجتنا بب غي اهدر باللغة تاعك باسكو مانحبوش البراني معانا..
جون: واش دخل ربك نتي نهدر حتى بالشينوية انا و مزاجي و دوك تزيدي تهدري ن###..
ليان: صحا اخر مرة نهدر معليش..
جون: اهدري يامصيبة..
ليان: راك حاسبني غادي نبيع روحي؟.. كي شغل انا هاذي شهرين و انا هاربة باش مانتخطبش لواحد مكسيكي ولا مخلا دار باباه تجي نتا تقولي تولي خطيبتي اك سيريو شريكي؟..
قعد ساكت مربع يديه و يستنا فيا نسكت و انا واالو غي نسقسي و نعاود..
جون:اذا قبلتي رح نعوضك..
ليان: صحا اذا قبلت تعطيني حريتي؟.. رح تخليني نخرج من هنا؟
حاليا ماتهمني حتى حاجة من غير حريتي بعدما كنت مفششة روحي عشت حرة لمدة شهرين بالرغم الي كنت هاربة مي كنت مرتاحة اما دروك فنحوس نعيش اخر نهار في حياتي و انا حرة معلباليش اذا رح نخرج من هنا حية بعد مايكملو شغلهم معايا.. افتقدت شعور اني نكون حرة بلا مانخاف من حد بلا ما نكون هاربة من بلاد لبلاد نعيش حياتي و نتمتع بيها و بكل لحظة فيها ندير واش نحب و مايهمني حد.. حابة نجرب شعور تكون عندي عايلة.. نجرب شعور الحب.. متمنية اني نعيش و نحس ميما العباد لخرين و لو انها مشاعر بسيطة لكن عندها دور كبير...
ليان: علاش غير انا؟.. واش درتلكم حتى كلكم تكرهوني؟ ..
من بعد ماسمع اخر سؤال ظهرت عليه ملامح الصدمة.. بان و كأنو متفاجئ من هدرتي.. رمش عينيه مي فلمح البصر اكتسب برود الثلج و عينيه اكتست السواد مرة اخرى.. الان صعب عليا مهمة قراءة افكارو من خلال نظراتو او حتى لغة جسدو..
جون: ليان رح نسقسيك و انتي تجاوبيني بلا ماتلفي و تدوري لانو هذا الشي مراحش يكون فمصلحتك.. فهمتي؟..
هزيت راسي بالموافقة و مبعد شفت فيه..
جون: فهمتي!!.
ليان: فه فهمت..
جون: علاه زعيم عايلة اورلوف يحبك عروسة للوريث؟..
ليان: منعرفش و الله مانعرف مام انا تفاجأت كي قالي دانيال بلي هو رح يزوجني بالوريث.. مي من بعد حتى فهمت بلي انا كنت صفقة تمت بيناتهم.. دانيال باعني لعصابة روسية زعيمها اورلوف.. مالقيت حتى حل من غير اني نهرب من جحيمي.. ياما تعاملت معاملة الحيوانات.. كنت نحس روحي عبدة تحت امرتو.. على الرغم من انو علمني في احسن المدارس.. و علمني بزااف صوالح رح يفيدوني في حياتي.. مي كذلك حرمنا من بزاف صوالح من حق اي انسان يعيشهم.. حاجات بسيطة لحد الان ماجربتش اني نعيشها.. حرمني حنان عايلتي.. عذبني و قهرني و ختمها كي باعني..
جون: شفتي يا ليان.. انك تعيشي وسط مجرمين مش ساهل.. و مش اي وحدة تقدر تصمد كيفك و تقاوم.. الزواج هذا اكيد مش رح يتم عن حب و لا لرغبة الوريث فيك.. لالا.. الزواج هذا رح يكون صفقة انتي مفتاحها.. رح تتعذبي و تنهاني.. رح تعاني و اكيد نهايتك رح تكون كيما الي قبلك.. الي راحو كبش فداء لتحقيق مصلحة عايلات الجريمة.. و على هذا عندك خيارين.. يا إما تكوني معايا.. يا إما تكوني ضدي.. اذا ساعدتيني رح نساعدك باش تتخلصي منهم و منها انا نقضي عليهم لانو انتي حاليا تمتلي نقطة ضعفهم..
ليان: اانااا؟؟..
جون: واه نتي.. كون ماعندكش حاجة تهمهم مايحوسوش عليك..
بقا مبلق عينيها فيا يطلع و يهبط حسيت نظراتو جردوني من ملابسي..
VOUS LISEZ
💖خطـيبــة💍 الدون 💖
Historia Cortaكرونيك جزائرية.. بقلمي.. 🖤 بطلتنا هربت قبل خمس سنوات من باباها بالتبني الي باعها للمافيا الروسية.. لجأت ليان للسفر الى الولايات المتحدة تحديدا لمدينة نيويورك الي ظنت انو بعد ماتسافر ليها رح تكون الملجأ الامن و المكان المناسب ليها.. و أنها رح تكو...
