____________________________________________________________••Ⓕⓞⓕⓐ ••
~ بــسـمـ آلله آلرحـمـن آلرحـيمـ ~
❤️🔥كرونيك خـطـيبــة آلدون ❤️🔥
✨آلحـلقة 3✨
بعد ماعاود سؤالو دار لعند شاف فيا مليح و تبسم معايا تبسيمة شر ماحسيت بيه غير و هو يقطع في ثوبي الاسود الي صار مقسوم شقين.. صرخت صرخة تتسمع من لبعيد اما مانضنش انو حد قادر ينقذني من يدين الوحش هذا.. كان يشوف فجسمي الي شبه عاري بنظرة تقزز وجهو فيه تجاعيد الغضب اما ملامحو باردة.. حسيت بالبرد اخترق جسمي و انا مرمية على الارضية الباردة تقريبا من غير لبس..
............: امم وينو الوشم؟
تمتم بالشوية اما قدرت نسمعو باسكو كان قريب ليا بزااف فجأة زأر و كانو وحش يخوض معركة داخلية قبل مايشوف ديراكت في عينيا..
ليزا: جامي درت وشم و جامي ندير..
جاوبتو باش نحاول نزيل الشكوك على امل انو يتوقف عن توجيه الاتهامات الباطلة فحقي.. بعد عليا شاف فيا دقيقة و قرب مني اكثر و هو شادني من رقبتي بيد.. راسي يضرب في الحيط .. اما يدو الاخرى كان شاد بيها خنجر و موجهو على عينيا..
............: حبسي هذا اللعب ليان راكي كبيرة
حطيت يدي على يدو الي على رقبتي حاولت نبعدها و نرد النفس باش نجاوبو..
ليزا: اسمي ليزا مش لياان ليييزااا..
...........: ااه شوف اسيدي قال اسمها ليزا..
رما الخنجر من يدو زير على قبضة يدو الملتفة على رقبتي حتى وجهي ولا احمر النفس انقطع قريب ندوخ معادش حاملة.. خبط يدو على الحيط على بعد شبر واحد من وجهي.. تبدلت ملامحو من البرود للغضب و هو يخبط يدو مع الحيط حتى سال الدم.. ماقدتش نشوف لبعيد و لا نحرر روحي منو ماكنتش قادرة نتحرك كان اقوى مني بكثير خاصة و الغضب مسيطر عليه معادش عارف واش راه يدير.. فجاة طلق رقبتي دفع جسمي للحيط عطاني بظهرو و قعد يسب و يشتم فيا و في بوه و في النهار الي دخل فيه للعالم هذا.. بقى مدة على هذاك الحال حتى من غير مايقول حتى حاجة و لا يتلفت رفد الفاست تاعو و خرج من الزنزانة هاذيك.. تنفست براحة بعد ماشفتو خرج و سمعت الي الزنزانة تقفلت..
ليزا: شكون هذا يا ليان وواش يحوس مني لازم نعرف..
هذا السؤال الوحيد الي كان يدور في عقلي وقتها و محتل تفكيري من يومين.. قمت بالشوية بالرغم الي يديا مقييدين اما قدرت ندلح شوية قعدت في الارض و ضميت رجليا لصدري حضنتهم بيديا و حطيت راسي بينهم .. البرد يقتل و مش قادرة حتى ندفي روحي بروحي يديا حمرين و يوجعو فيا .. خوفي كان هالكني و الي زاد على مابيا وحدتي.. الحياة الباردة الي عايشتها و انا نرتشف من روحي المكسورة.. كلشي يجي يكسرني من جديد.. لا ام تحن عليا و لا اب يحوس عليا و لا خاوة يدافعو عليا من طول عمري كنت وحيدة و رح نبقا هكا حتى نموت.. علاش انا.. ياربي اش عملت باش يكرهوني؟ غلقت عينيا و انا متأملة اني كاش نهار رح نلقا الجواب الي سببلي عقدة فحياتي.. حاولت نتناسى همومي و نغرق في عالم آمن.. عالم النوم لكن عالمي هذا بدون احلام لانو احلامي كلها كوابيس.. مانرتاح لا و انا نايمة و لا و انا فايقة لكن نحاول نتعايش مع الشي هذا و نرضى بقدري..
VOUS LISEZ
💖خطـيبــة💍 الدون 💖
Short Storyكرونيك جزائرية.. بقلمي.. 🖤 بطلتنا هربت قبل خمس سنوات من باباها بالتبني الي باعها للمافيا الروسية.. لجأت ليان للسفر الى الولايات المتحدة تحديدا لمدينة نيويورك الي ظنت انو بعد ماتسافر ليها رح تكون الملجأ الامن و المكان المناسب ليها.. و أنها رح تكو...
