💖خطـيبــة💍 الدون 💖

✪Part 4✪

______________ ♡ Føfä ♡ _____________

" بــسـمـ آلله آلرحـمـن آلرحـيمـ ‟

\\ كــروٌنــيــكــ \\

_____ خـ❤ـطـ❤ـيـ❤ـبـ❤ـةّ آلَدوٌنـ❤ _____

✧ٱلـ'ـحـ'ـلـ'ـُ قـ'ـة 4 ✧

المعلومات الي قدمتهالهم ليان كانت بمثابة المنفذ الوحيد ليهم.. الي بفضلو رح يقدرو يسيطرو على باقي العصابات.. حتى يصير الأقوى من بين الكل.. كلمتو مسموعة و حد مايناقشوا.. حايكونوا السلاح الفتاك الموجود بين يديه الي رح يستغلو وقت تجيه الفرصة المناسبة و ينتهزها حتى يدمر الكل و يستولي على السيادة..
بعد ماسمع الشي الي كان يحوس يسمعو و تحصل على واش حاب خرج من الزنزانة حتا بلا مايتلفت وراه.. ردخ الباب و راح متوجه لمكتبو الي كان في الفيلا تاعو الي جاية وسط الغابة في بلاصة منعزلة قليل الي يعرفها و حد مايجيلها شابة مي مهجورة و مافيهاش حركة.. دخل للبيرو تاعو و غلق الباب قلع الفاست تاعو حطها على الكرسي و راه تكا فوق الفوتاي غمض عينيه حط يديه ورا راسو يسيي يرتاح بلا مايخمم في المشاكل الي حاوطتو من كل جيهة.. بعد شي ربع ساعة دخل عليه لوكاس و لا نقولو داهمو احسن لانو دخولو مكانش عادي.. الزعاف باين من طريقة مشيو و تصرفاتو.. فتح عينيه شاف فيه بنص عين و رجع غلقهم و تكلم..

جون: خير يا طير هاد علينا كي العسكر؟..

لوكاس: ياهي ماشفتش الحالة الي وصلتلها الطفلة بسبتنا.. باين بلي حنا ظلمناها و هيا معندها حتى علاقة..

جون: ايا و منبعد؟..

لوكاس: كيفاه و منبعد؟.. ياخي للدرجة هاذي وليت إنسان بلا إحساس مترحمش.. ماتحنش؟ راهي مظلومة حياتها فخطر و أحنا زدنا كملنا عليها.. مش انت الي كنت تدافع على المظلومين.. ياخي قلبك حجرة انت ماتحسش؟ .. شبيك وليت هكا؟..

جون: ههههههه شبيني وليت كيمن هاك؟... ماتعرفش انت علاه انا راني هاك؟.. قتلك الف مرة و رح نعاودهالك للمرة الأخيرة جون الي كان قبل مات يوم دمرولو حياتو و ردوه وحش بلا قلب.. جون الموجود حاليا ماتهمو حتى حاجة في الدنيا هاذي من غير الإنتقام و الثأر.. هدفي في الحياة اني نندمهم على كلشي خسرتو بسبتهم.. نندمهم على للنهار الي خممو يلعبو فيه معايا.. رح نخليهم يتمناو الموت و ماياخدوه كان برضايتي انا.. رح يبوسو رجليا و يترجاوني حتى نراف بحالهم و نرحمهم.. اما وقتها رح يكون فات الفوت.. رح يكونو عبرة لغيرهم و لكل واحد خمم يقيسني و لا يحطني في قائمة الأعداء..

لوكاس: اما هيا ماعندها حتى ذنب حتى تكون ضحية مشاكلك مع أورلوف و عصابتو..

جون: مايهمنيش.. و الحاجة الي نعرفها انو هيا رح تكون سلاحنا الي رح نحاربو بيه اورلوف و نخلوه يكون تحت إمرتنا و يصير تابع لينا و كلش يديرو بعلمنا.. يحسبلنا حساب و مايتحرك الا بعدما يستأذن مننا..