မသိဘူး...ချစ်တယ်
Final
Unicode
"ချာတိတ် "
ရင်းနှီးနေသည့် ခေါ်သံ ကို ချယ် ကြားလိုက်ပေမဲ့ ဟုတ်လောက်မည်ဟုတော့ မထင်ထားမိခဲ့ ။ ထို့ကြောင့် လှည့်မကြည့့်ဖြစ်ဘဲ ကားပါကင်သို့ဆက်လျှောက်လာခဲ့သည် ။
"လမ်းလျောက်တာကလည်း မြန်လိုက်တာကွာ ။ "
ညာဘက်လက်အား နောက်မှလှမ်းဆွဲလာသည်မို့ လှမ်းနေသည့် ခြေလှမ်း တို့ရပ်ကာ နောက်လှည့်ကြည့်လိုက်မိသည် ။"ဘာလဲ..ဘာလာလုပ်တာလဲ ။ "
"ကိုယ် နဲ့ ခဏလိုက်ခဲ့ပါလား..သိပ်မကြာပါဘူး ။ "
"မလိုက်နိုင်ပါဘူး ။ ဖေဖေ နဲ့ မေမေ လာကြိုတယ် ။ အကြာကြီး စောင့်နေရလိမ့်မယ် ။ ""ဟဲဟဲ..ရတယ် ချယ် ။ ငါပဲ အရင် အန်တီတို့ဆီ သွားလိုက်မယ် ။ နင်လိုက်သွားလိုက်တော့ ။ ဒေါက်တာအံ့ ခေါ်သာသွားလိုက် ။ "
ချယ် ငြင်းနေသည်ကို အလိုက်မသိသော အေမီ က အတင်းထည့်နေသည် ။ ဟိုလူကြီး ကလည်း အသက်ကြီးလာလေ အားများပိုကောင်းလာလေလားမှတ်ရတယ် ။ ချယ့်လက် ကိုမလွှတ်တမ်းပင် ဆုပ်ကိုင်ထားသည် ။
"ဘယ်ကိုမောင်းနေတာလဲ ။ "
"ရောက်ရင်သိမှာပေါ့ ။ "
"ကျစ်! ပြောတော့ သိပ်မကြာပါဘူးဆို ။ ဒါ ဘာသဘောလဲ ။ "
ဘေးနားတွင် အလိုမကျစွာ မျက်နှာလေးက စူပုပ်ပုပ် ဖြစ်နေသော်လည်း အံ့ အတွက်တော့ ထိုမျက်နှာလေးကအချစ်ပိုစေပါသည် ။
ချယ် မေးနေသည်ကိုလည်း လူကြီး ကတော့ ပြန်မဖြေဘဲ ခပ်ပြုံးပြုံး မျက်နှာထားဖြင့်သာ ကားကိုမောင်းနေခဲ့သည် ။ တဖြည်းဖြည်း ရောက်လာခဲ့သည်က သူမတို့ ပထမဆုံး နှင့် နောက်ဆံုံး အကြိမ် အနမ်းပေးခဲ့ဖူးသော နေရာ..။
"ကိုယ့်ကိုအခွင့်အရေးနောက်တစ်ကြိမ်ပြန်ပေးနိုင်မလား ။ "
"ကျွန်မမှာသားလေးတုန်တုန် ရှိတယ်ဆိုတာမသိဘူးလား ။ "
သူပြန်ပြီးခွင့်တောင်းတာနှင့် ချယ် က လွယ်လွယ်ကူကူ လက်ခံစရာလား ။ ထားခဲ့တုန်းကတောင် စာတစ်စောင်ပဲထားခဲ့သည့် လူကြီးလေ ။
STAI LEGGENDO
မသိဘူး...ချစ်တယ်[ GL Short Story Completed ]
Storie breviUnicode GL Short Story လေးပါ ။ ဖတ်ကြည့်ပြီးဝေဖန်ပေးနိုင်ပါတယ်နော် ။ ❣️❣️❣️ ဆယ်တန်းဖြေပြီးကာစ နှင်းချယ်ရီ နှင့် Transman ဒေါက်ဒေါက် သုအံ့စိုင် တို့ကြားကအချစ်ရေးလေးပါ.. ပေါ့ပေါ့ပါးပါးလေးပါပဲ ။ သုအံ့စိုင် နှင်းချယ်ရီ Zawgyi GL Short Story ေလးပါ ။ ဖတ္ၾက...