منطقة محظورة ⚠️

بارت ٣٣

يعقوب: يابخت ممن ماخذ قلبك
" جاذب انتباهها "

ناظرت فيه عيونها تلمع ببرائة شفايفها تهتز لكتمانها للبكيه
غمازاتها بانت بعد عضها لشفايفها بوحشيه تعاقب نفسها لانها ماقدرت تمسك دموعها

شي الوحيد كانت تفكر فيه انها تحس بألم بصدرها الجهه اليسرى من صدرها تضرب ضربات سريعه مسببه ارتباكها

قبض على يده ويلعن نفسه على حالتها ووين وصلها جنونه
يدري بالعاصفه داخلها حافظها صم

قامت من مكانها ببرود ماسحهه دموعها
قفت بظهرها ما امداها تخطي خطوة لانه مسك ذراعها مرجعها تجلس بمكانها
تكلم بهدوء : ماينفع الهروب واجهيني

: بعد عني يعقوب ما ابغى اتمادى عليك
" بتحذير وعيونها تطلق شرار "

: هدي خلينا نتفاهم
" شاد على ذراعها "

: وخر عني ياكلب
" بصراخ حاد سمعو صوتها كل الحضور توقفت الموسيقى والهدوء عم على المكان "

ملامحه هاديه واقف بجمود ويدينه داخل بدلته سودا مثل سواد قلبه ينتظر وش بتقدم له بكل رحابه وسعت خاطر

انقهرت من ثقته بنفسه ليش ماتنهز شخصيته ليش مايحط راسه بالارض او على لاقل يعبر بملامحه اي شي غير البرود المستفز

رفعت يدها وضربته كف قوي على قصرها قدرت تمكن على المكان
: هذا الكف على سنين حياتي عشتها بظيم معك

وعطته كف ثاني : وهذا على أمومتي حرمتني منها

وكف اقوى وتكلمت بصراخ : وهذا لاني احبك وماصنت حبي لك

ماتزحزح ولا تكلم عيونه مثبته عليها  ماهمه ناس وكلامهم يعقوب ينضرب من زوجته اكبر مجرم والكل يهابه
اهتم بعيونها وملامحها القوية وراها موجات من تعب ودموع

انعصر قلبه على كلامها وحبها له هي صادقه مايستاهل قلبها
قرب منها مايفصل منهم شي : انا اسف

ضحكت مثل مجانين تطبعت بطبوعه
: اسف ؟؟!! كلمة صغيرة وثلاث حروف تمحي كل معاناتي بسببك  ؟

تنهد مناظر لناس متكلم بصوت عالي بأمر
: الكل يطلع من القصر

ثواني والقصر فاضي ناظر فيها بهدوء
: انا ظلمتك اعترف ومستعد اكفر عن غلطي انتي أمريني وانا حاظر

: غصب عنك يعقوب تقولي حاظر لانك هدمت الماضي والحاضر حتى الممستقبل هدمته
" بحقد "