عشقتها رغم قسوتها

4

داليا (بصوت هامس) :نور يا نور
نور (بصوت ناعس) :نعم ياماما
داليا :قومى يلا علشان نمشى من هنا
نور (وهى تنهض من سريرها) :لا ياماما بابا هيزعق
داليا :متخافيش إحنا مش هنرجع لبابا تانى
نور (بفرح) :بجد يا ماما
داليا (وهى تقبل رأس ابنتها) :بجد يا حبيبتى
نور(بعبوس) :بس بابا مش هيخلينا نمشى
داليا :متقلقيش انتى بس..... ده دلوقتى هتلاقيه بيحلم

نور فهمت ماتقصده الأم لأنهم اكثر من مره وضعوا له حبوب منوم فى طعامه ولكنه لم يعلم

نور :بس هنروح فين ياماما
داليا :هنروح فين يعنى اكيد عند جدك هحاول اخليه يقبل يخلينا معاه

هربت داليا وابنتها نور من هذا الشخص الذى تجردت منه كل المشاعر

نور (فى عقلها) :يارب متخيبش ظن ماما المرادى بس علشان خاطرى

داليا وهى تمسك يدي ابنتها وهى ترتجف من الداخل خائفه من ما هى سوف تقدم عليه وسعيده لان ابنتها نور واخيرا ستكون فى أمان اذا سامحها ابيها صالح لا تعرف ماذا سيحدث معها ولكن ستظل تحاول من أجل صغيرتها المسكينه

نور (بفرحه) :يلا ياماما احنا هنفضل وقفين هنا كتير يلا ندخل

نور (بتذكر) :بس تفتكرى ياماما جدو هيعمل زى كل مره

داليا (وهى تحتضن ابنتها) :متقلقيش وجدك بيحبنى اوى على فكره كان بيحبنى اكتر وحده فى اخواتى واكيد هيخلينا معاه المرادى

وتذهب داليا مع ابنتها لهذا البيت الكبير لا ليس بيت وإنما هو مكان يشبه القصور ولكن على الطرز القديم قليلا

الخادمه :حضرتك عاوزه حد........ اندهلك حد
داليا :.......

عفاف الداده هى إمرأه كبيره كانت تحب داليا لا بل كانت تعتبرها ابنتها كثيرا وعندما اختفت داليا ظلت حزينه على فراقها كثيرا

عفاف(وهى تمر من جانب الباب) :بتكلمى مين يسعاد
سعاد :معرفش هى مين انا بسألها وهى مش بترد

داليا (وعينيها امتلات بالدموع لحظه سماعه صوت عفاف) :ماما عفاف

عفاف (مستغربه من الصوت تحاول أن تكذب نفسها وعندما نظرت إليها ) :داليا بنتى

داليا (وهى تحتضن عفاف وتبكى ) :انا جيت كذا مره ومكنتش بشوفك سامحينى ياماما وخلى بابا يسمحنى علشان خاطري

........ :انتى بتعملى ايه هنا
داليا :بابا

صالح :انتى بتعملى ايه هنا انا مش قولتلك متجيش تانى

داليا (وهى تبكى بشده) :علشان خاطرى يا بابا سامحنى........ انا اسف...... انا عارفه انى غلط وانا والله بتعاقب علشان مسمعتش كلامك بس سامحنى ونبى

صالح :اطلعى برا بيتى انا مش قولتلك متجيش هنا تانى

داليا :سامحني يابابا ونبى انا لو رجعت المرادى هموت....... طب انا همشى بس سيب بنتى عندك......... (وهى تمسح دموعها) :بص هى كبرت ازاى بقا عندها 16 سنه