نـورين : العَميلة السرية وسط أكاديمية الذكور

البارت الخامس

> لَستُ وَحيدًا و أيضاً لا أَحَد حَولِي الأَمرُ مُعَقدٌ جِدًا <

~ البارت الخامس ~

..............................................

- بيت أبو نوح -

نزلوا الشباب من السيارة ، نوح بحماس : تفضلوا تفضلوا البيت بيتكم!

فيصل بضحك : أنور تراه نوح اول مره يضيفنا بطريقه سنعه لا يغريك الادب!!

نوح بعصبيه : فصول اسكت اسكت من يومي سنع و أضيف ضيوفي و بعدين أنور ضيف مميز!!

ابتسمت نورين بهدوء و سحبها نوح معاه للداخل : تفضل تفضل!
نوح وسع عيونه بصدمه لما شاف لتين طالعه من المطبخ و هي كاشفه و لابسه فستان قصير شوي!!

لف بسرعه و هو يلف نورين من كتوفها

لتين تجمدت مكانها بصدمه و شهقت و ركضت بسرعه للطابق الثاني!!

نوح يطالع نورين و موسع عينه : راحت؟؟
نورين و هي تبعده عنها بتوتر : و انا وش عرفني؟؟ بعدين هذي اختك؟؟

نوح بإحراج : لا بنت عمي اففف امي ما قالت لي عنهم!!
دخلوا الشباب بإستغراب : ليه واقفين هنا؟؟

> البنات يكشفون شعرهم بس ملابسهم تكون ساتره ، و لتين قبل شوي لابسه قصير و بدون اكمام <

نوح بتوتر : هاه لا و لا شئ يلا تفضلوا!!
نزلت أم نوح : هلا نوح هلا بوليدي الجميل!!
نوح بفرح : يمه!!

و راح يحتظنها و يبوس راسها : مشتاق لك حدي عساك بخير!!
أم نوح تبتسم : اكيد بخير مو شفت ولدي حبيبي الحين!!

نوح يبوس خدها : الله يخليك لي!!
الشباب جو يسلمون علئ عمتهم و يبوسون راسها....

أم نوح تبتسم : الله يحفظم ما شاء الله كبرتوا غبت شهر بس و صايرين عمالقه!!

انتبهت للي واقف ورا و مستحي : هذا صديقكم إلي عازمينه!!
الشباب تذكروا أنور : ايه هذا أنور!!

قربت نورين و هي تتحمحم : كيف حالك خالتي؟؟
سلمت عليها و باست راسها....

أم نوح تضحك برقه : مصادقين لكن من المتوسطه و لا ايش!!
ناظرتها نورين بتعجب و فشله!!

أم نوح تناظر عيونها و هي تضحك : اقصد انك صغير نتفه و هم عمالقه!!

ابتسمت نورين بخجل و أم نوح تناظر عيونها " هذي العيون ما شاء الله شايفتها مكان ايه كيف انسئ مثل عيون اخوي احمد "