Unicode
" ဝေဝေ၊ ဘယ်လို အဓိပ္ပါယ်မရှိတာတွေပြောနေတာလဲ၊ အရှင်မင်းကြီးက နဂါးတစ်ကောင်လို ကျန်းမာပြီး သန်မာနေတယ်လေ"
ဧကရာဇ်က ဝေဝေပြောလိုက်တဲ့ကိစ္စနဲ့ပတ်သက်ပြီး ဘာမှမပြောခင်မှာပဲ လုထင်ချန်က အလျင်အမြန် ပြောလိုက်တယ်။" အစ်ကိုကြီး" လုလျန့်ဝေက သူပြောနေတာကို ဖြတ်ပြောလိုက်လေသည်။
" ညီမလေးက အဓိပ္ပါယ်မရှိတာတွေပြောနေတာမဟုတ်ပါဘူး၊ ကျမက အမှန်တရားကိုသာပြောတာပါ၊ အရှင်မင်းကြီး သတိလစ်သွားတဲ့အချိန်မှာ ကျမက အရှင့်ရဲ့ သွေးခုန်နှုန်းကို တိုင်းခဲ့ပြီး ရောဂါအခြေအနေပြင်းထန်မှန်းသိခဲ့ရပါတယ်၊ အချိန်မှီကုသမှုမခံနိုင်ရင် ပိုဆိုးရွားသွားပါလိမ့်မယ်"ဒီစကားလုံးတွေထွက်လာတာနဲ့ လုထင်ချန်ရဲ့ မျက်နှာအမူအရာဟာလည်း အမျိုးမျိုး ပြောင်းလဲသွားရပါတော့သည်။ ဒီကလေးမကိုတော့ တကယ်ပဲ လည်ပင်းညှစ်သတ်ချင်လာပြီ။
ဒီမိုက်မဲတဲ့ကလေးမ နောက်ထပ်အသက်မရှင်ချင်တော့ဘူးလား၊ ဒါမှမဟုတ် ဧကရာဇ်က သူမကို သံသယမဝင်ဘူးများထင်နေတာလား။" အရှင်မင်းကြီး ကျန်တော်မျိုးညီမရဲ့ ကို့ရိုကားရားစကားတွေကို နားထောင်တော်မမူပါနဲ့၊သူမမှာ ဆေးပညာအရည်အချင်းမရှိပါဘူး၊ သူမပြောတာဟာ အမှန်လို့ မယူဆလိုက်ပါနဲ့"
လုထင်ချန်ကတော့ လုံယန်ဘက်ကိုလှည့်ကာ ဧကရာဇ်ရဲ့ ဝေဝေပေါ်ထားတဲ့ သံသယကို ဖျောက်ဖျက်ဖို့ ကြံမိကြံရာစကားတွေသာပြောနိုင်ပါတော့တယ်။ဒါပေမယ့် လုံယန်က လွယ်လွယ်အရူးလုပ်နိုင်မယ့် သူမျိုးလား။
သူ့ရဲ့ ခန့်ညားတဲ့ မျက်နှာပေါ်မှာ အပြုံးဖျော့ဖျော့လေးပေါ်လာသည်။ သို့သော်ညား စူးရှတဲ့ မျက်လုံးတွေထဲမှာတော့ သတ်ဖြတ်လိုတဲ့ ဆန္ဒတွေရှိနေဆဲပင်။
" မျှော်လင့်ထားသလိုပဲ၊ ဒုတိယသခင်မလေးလုက ဆက်ခံသူအပေါ် လေးနက်တဲ့ အချစ်ရှိနေတာပဲ"
သူ့ရဲ့စကားတွေက လုလျန့်ဝေတစ်ယောက် အိမ်ရှေ့စံအတွက်နဲ့ သေလမ်းကိုသာ ရွေးချယ်မယ်ဆိုတာကို စောင်းပါးရိပ်ခြည်ညွှန်းဆိုနေတယ်။
လုထင်ချန်ရဲ့ ခန့်ညားတဲ့ မျက်နှာက ရေနွေးဖြောလိုက်သလို ဖြူဖျေားသွားလို့သွားသည်။ သူက တစ်ခုခုကို ပြောဖို့ လုပ်လိုက်ပေမယ့် လုလျန့်ဝေရဲ့ စကားတွေနဲ့ ရပ်တန့်ခံလိုက်ရတယ်။
" အစ်ကိုကြီး ညီမအတွက်နဲ့ အသနားခံစရာမလိုပါဘူး၊ ကျမ ဧကရာဇ်ရဲ့ ဖျားနာမှုကို မသိခဲ့ရင်တောင် အရှင်က ဒီနေ့ ကျမကို အလွတ်ပေးမှာ မဟုတ်ပါဘူး၊ နောက် ကျမ ပြောခဲ့တာ အမှန်တရားတွေပါ"
YOU ARE READING
ဇာတ်လိုက်ရဲ့ ဦးရီးတော်၏ အသည်းအသက်လေးအဖြစ်ဝိဥာဏ်ကူးပြောင်းလာခြင်း
Romance^^This is not my own story^^ **only myanmar translation** **Credit to original author and english translator** Genre:normal, romance, historical, fantasy, age-gap Both unicode and zawgyi