Pizza order || [Complete]

Chapter 13

"ඒත් දරුවෝ ඔයා ඔය කියන අපාට්මන්ට් එකේ අවුරුදු  දහයක වගේ කාලෙක ඉදන් කවුරුත් ජීවත් වුනේ නැහැ..මීට අවුරුදු දහකට කලින් ඔය අපාට්මන්ට් එකේ ජීවත් වුන ළමයා සුසයිඩ් කරගෙන තමයි නැතිවුනේ...සමහරවිට ඔයාට වැරැද්දක් වෙලා වෙන්න ඇති. "

සිකියුරිටි එකේ මනුස්සයා ජිමින්ට එහෙම කියද්දි ජිමින්ගේ  කණට ලන් කරන් හිටිය ෆෝන් එක තිබුන අත පහලට කඩන් වැටුනා.

ජිමින්ගේ හිතට බයක් මෝදුවේගන එද්දි නිකන්ම එයාගේ ඇහැ ගියේ තවමත් රින්ග්ස් යන ෆෝන් එක දිහාවට.. ජිමින් තවත් පරක්කු නොකරම ෆෝන් එක කට් කරලා දැම්මේ තවමත් පහව නොගිය කම්පනයෙන්. .

අපාට්මන්ට් එකේ අවුරුදු දහයක ඉදන් කවුරුත් පදිංචි වෙලා නැහැ කියන්නේ..එතකොට එයා දවල් වරුවම ගත කලේ කාත් එක්කද?.අපාට්මන්ට් එකේ සිද්ධිය වැරදීමකින් වුන දෙයක් කියලා අමතක කලත් එයා ජන්කුක්ව අදුරගෙනත් අවුරුද්දකටත් ලන් වෙලානේ..එතකොට එයා මෙච්චර කාලයක් කතාබහ කරලා තියෙන්නේ මැරුණ කෙනෙක් එක්කද?
නැහැ ඒක සිද්ධ වෙන්න පුළුවන් දෙයක් නෙවෙයි , සමහරවිට මේ මනුස්සයාට වැරදීමක් වෙන්න ඇති..

ජිමින්ගේ හිතට එක එක විදිහේ දේවල් හිතුනත්, ජන්කුක් කියන්නේ මැරුණ කෙනෙක් කියලා පිලිගන්න එයාගේ කැමැත්තක් තිබුනේ නැහැ.

"ඔයා කැමති නම් අපි එතනට ගිහින්  බලමු..ඒ ළමයාගේ දෙමව්පියෝත් ඒ සිද්ධියෙන් පස්සේ ඒ අපාට්මන්ට් එක අතහැර දාලායි තිබුනේ.."

මුණත් හොඳටම සුදුමැලි කරගෙන බයෙන් බලන් ඉන්න ජිමින් එතන තියලා සිකියුරිටි එකේ මනුස්සයා ඇතුලට ගියේ එයාගේ භාරයේ  තියෙන අපාට්මන්ට් එකේ යතුර අරන් එන්න..

"එන්න අපි යමු.."

සිකියුරිටි එකේ මනුස්සයා වැඩි වෙලාවක් ගන්නේ නැතුව  "41119" අපාට්මන්ට් එකේ යතුර අරගෙන ඇවිත් ජිමින් එක්කම එකොළොස්වෙනි තට්ටුවට යන්න පිටත් වුනා.
විදුලි සෝපානය ටිකෙන් ටික එකොළොස් වෙනි තට්ටුවට ලන්වෙද්දි එයාට අහන්න ලැබුන හැමදෙයක්ම වැරදිමක් වෙන්න කියලා ජිමින් හිතින් මුමුණන්න පටන් ගත්තා.

එකොළොස් වෙනි තට්ටුවට ඇවිත් ජන්කුක්ගේ "41119" කියලා ගහලා තියෙන නාමපුවරුව අයිති අපාට්මන්ට් එක ලගට ආවම ජිමින්ට දැනුනේ අමුත්තක්.
සිකියුරිටි එකේ මනුස්සයා විනාඩියක් විතර යතුර කැරකැව්වට පස්සේ ඇඟ හිරිවැටෙන මුසල සද්දයක් එක්ක  දොර ඇරුනම , ජිමින් අතින් නහය වහගත්තේ ඇතුලෙන් දැනෙන පුස්ගද දරාගන්න බැරිතැනයි.
කොදුනාරටිය දිගේ හීනියට වෙව්ලිමක් පැතිර යද්දි , ජිමින් සිකියුරිටි එකේ මනුස්සයත් එක්කම ඇතුලට අඩියක් තිබ්බා.

මුළු අපාට්මන්ට් එකම දුවිලි වලින් සහ මකුළු දැල්වලින් වැහිලා ගිහින්..

මීට විනාඩි විස්සකට විතර කලින් එයා ඉදලා ආව අපාට්මන්ට් එකමද කියලා හිතාගන්න බැරිතරමට ජරාවාස වෙලා තියෙන ඇතුල හරියට දැක්කම ජිමින්ගේ මුළු ඇඟම බයෙන් වෙව්ලන්න පටන් ගත්තා.

ජිමින් මුළු දවල් වරුවම ගතකරලා තියෙන්නේ මායාවකට හිරවෙලා..

***********************************

කතාව ඉවර නැහැ..
තව කොටස් දෙකක් තියෙනවා.
අන්තිම වෙනතෙක් රැදි සිටින්න..😁