( Unicode )
" သူဌေးကတော့ ငါ့ကိုခေါင်းလာစားနေပြီ "
အိမ်အရောက်မှာ ဘူးထဲကအထုတ်တွေအား လုံးကို စားပွဲပေါ်သွန်ချပြီး ဘတ်ခ်ဟျွန်းစစ် ဆေးကြည့်မိသည်။ သူဌေးပြောသလိုဆိုဒ်စုံပါရုံသာမက အရောင်အသွေးရော၊ အနံ့အ သက်ပါကွဲပြားခြားနားတဲ့ ခံစားမှုကိုရရှိ၏။
" ဒါက စတော်ဘယ်ရီနံ့၊ ဒါကလိမ္မော် "
အထုတ်လေးတွေကိုင်ပြီး အသေးစိတ်စူးစမ်းလေ့လာနေတုန်းမှာ အိမ်တံခါးဖွင့်ကာဝင်လာတဲ့သူကြောင့် ဘတ်ခ်ဟျွန်းအလန့်တကြားအ နောက်သို့လှည့်ကြည့်မိသည်။
" ချန်းယောလ် "
မှုန်ကုတ်ကုတ်ဖြင့်အိမ်ထဲသို့ ခြေသံဒုန်းဆိုင်းနင်းကာဝင်လာသော ချန်းယောလ်ကိုကြည့် ရင်းဘတ်ခ်ဟျွန်းအောက်နှုတ်ခမ်းကိုဖိကိုက်လိုက်သည်။ လျှို့ဝှက်နံပါတ်ပြောင်းဖို့မေ့နေခဲ့တာ၊ အခုတော့ချန်းယောလ်က ဘတ်ခ်ဟျွန်းရှိနေတဲ့နေရာကို အလွယ်လေးဝင်လာခဲ့ပါရောလား။
" ထွက်သွား "
" မသွားချင်ဘူး "
နှင်ထုတ်သော်လည်း ဘတ်ခ်ဟျွန်းကိုအဖက် မလုပ်ဘဲ သူဝတ်လာတဲ့ သားရည်ဂျာကင်အင်္ကျီကိုဇိမ်ပြေနပြေချွတ်နေရင်း ဘတ်ခ် ဟျွန်းစားပွဲပေါ်တင်ထားတဲ့ အထုတ်တွေကိုလှမ်းကြည့်နေ၏။
" အဲ့လောက်အများကြီးဝယ်ပြီး ဘယ်သူနဲ့အတူနေဖို့စဥ်းစားနေတာလဲ "
တဖြည်းဖြည်းနှင့် ဘတ်ခ်ဟျွန်းအနားရောက် လာပြီး မှင်သေသေဖြင့်ကြည့်ကာ ဘတ်ခ် ဟျွန်းဒေါသမထွက်ထွက်အောင် ခနဲ့၏။
" ချန်းယောလ်၊ ငါစကားအကောင်းပြောနေတုန်း မင်းထွက်သွားလိုက်တာ ပိုကောင်းမယ်ထင်တယ်နော် "
" မသွားဘူး၊ ဒီမှာအိပ်မှာ "
" ဘာ .. ဘယ်လို၊ ဘာပြောလိုက်တယ် "
" သြော် .. မကြားဘူးလား။ ဒီမှာအိပ်မှာလို့ "
သူဝတ်ထားတဲ့ ဂျင်းဘောင်းဘီအိတ်ကပ်ထဲ လက်စုံနှိုက်ကာ ချန်းယောလ်က အသံကျယ် ကျယ်ဖြင့် စကားပြန်ပြောတဲ့အခါမှာတော့ ဘတ်ခ်ဟျွန်း၏ သည်းခံနိုင်စွမ်းတွေတဖြည်း ဖြည်းလျော့ကျလာရသည်။
YOU ARE READING
After We Broke Up [ COMPLEDED ]
FanfictionIn the end I'll always come running back to you, not because I'm weak but because I'm fell in love with you. Pairing - CHANBAEK Start - 31.12.2021 End - 16.1.2022