عوض ربنا
بقلمي دينا محمود
ادم: اي...انا..انا اسف مكنتش اعرف انتي قولتيلي انك مش متجوزه ف انا فكرت انو..خلاص خلاص سوء تفاهم..انا همشي انا بقي..
زين: لا لحظه واحده..
زين طلع كراسه وقلم من شنطته وراح ل أسيل..
زين: اكتبيلي رقمك هنا عشان ابقي اكلمك..
اسيل: عيوني
زين: يلا باااي..
اسيل: بااي..
...
والد اسيل: انا هكلم طليقك يجي عشان نسجل الولد..
اسيل: ماشي ي بابا..
والد اسيل: احم.. السلام عليكم.
حسن: عليكم السلام..
والد اسيل: انا بكلمك ي ابني عشان اقولك ان اسيل ولدت وكنا عايزين تيجي عشان شويه اجراءات..
حسن: ولدت.. اه الف مبروك.. انا علاقتي اي بقي ي حاج..
والد اسيل: هو اي اللي علاقتك اي.. هي مش كانت مراتك ومطلقين من كام شهر وعرفنا بعدها انها حامل.. ولا احنا مقولناش ليك ساعتها ولا اي ..
حسن: عندك اللي يثبت كده ي حاج.
والد اسيل بغضب: قصدك اي..
حسن: انت عارف ان الجوازه كانت عرفي عشان هي سنها مكانش قانوني.. يعني قدام القانون هي مش مراتي ولا طليقتي حتي..
والد اسيل: والله.. والعقد اللي معاك..
حسن: ياااه قطعتوا من زمان اوي.. وبما ان مكنش في جواز يبقي مفيش طلاق..
والد اسيل: ي ابني استهدي بالله مش كده وزي م دخلنا بالمعروف نخرج بالمعروف.. واحنا اتنزلنالك عن كل حاجه.. بس ده ابنك.. اعمل انا اي دلوقتي ولا اروح فين..
حسن: معرفش بقي مشكلتكوا وحلوهااا.. مع السلامه..
والده: قليل الاصل والربايه..هو في كده...
والد اسيل بدموع: حقك عليا ي بنتي انا السبب انا اللي جوزتك قاصر..
اسيل بدموع: يعني هنعمل اي دلوقتي ي بابا..
والد اسيل: معرفش ي بنتي..المهم احنا هنروح بيتنا..انتي تعبانه..اجهزوا انا هروح اشوف إجراءات المستشفي..
......
بعد اسبوع..
ادم: بتعمل اي ي زين..
زين: بكلم أسيل وعمر..
ادم: اووه..ده انتوا بقيتوا أصحاب بقي..
زين: ايوه بقينا صحاب..وكمان هي عزمتني علي سبوع عمر..
ادم: وهتروح بقي..
زين: ايوه..مش انتي هتوديني ولا مش عايزني اروح...
ادم: لا لا ازااي..هوديك وهاجي معاك مينفعش اسيبك لوحدك..
زين: هيييييه..بحبك اووي ي بابا..
ادم: وانا كمان بحبك ي حبيب بابا..اووي..اكتر من اي حد في الدنيا..مش انت كمان بتحبني اكتر حد..
زين:ايوه..بس بحب اسيل وعمر...
ادم: ده انا هبدأ اغير بقي..
زين: لا ي بابا..انا بحبك اكتر حد في الدنيا..وبحب ماما اكتر حد مش في الدنيا..
ادم: ربنا يرحمها ي حبيبي..اي رأيك نقرالها الفاتحه سوا..
زين: يلا...
.....
اسيل: بابا فين ي ماما..
والده اسيل: راح يكلم حسن يمكن يرجع عن اللي بيعمله فينا ده..
اسيل: خايفه بابا يتخانق معاه وحسن يعمله حاجه..
والده اسيل: ابوكي بيحاول يهدي نفسه معاه عشان احنا روحنا في ايده ي بنتي..
اسيل: ربنا يستر.. انا بقيت اكره حسن ده اووي ي ماما بجد.. ومش عارفه افرح بأي حاجه من اللي انتو بتعملوه ده.. ولا السبوع وكل الحاجات دي..
والده اسيل: محلوله ي اسيل.. ربنا هيحلها من عنده..
الباب بيرن..
اسيل: زين ازيك... انت جاي لوحدك ازااي..
ادم: مش جااي لوحده.. هو سبقني انا كنت بركن العربيه..
اسيل: دكتور ادم.. اتفضل اتفضل..
زين: فين عمر..
اسيل: عمر جو في الاوضه.. نايم تيجي تشوفه..
زين: ايوا يلا..
الباب فتح و والد اسيل دخل... واسيل سابت زين مع عمر وخرجت..
والده اسيل: عملت اي؟؟!!!
اسيل: هاا ي بابا اي اللي حصل!!
والد اسيل: السلام عليكم.. حضرتك اللي كنت في المستشفي صح؟؟!
ادم سلم عليه..
ادم: ايوه انا ي فندم..
والد اسيل: انا متشكر اووي ي ابني انك ساعدت اسيل يومها اسف معرفتش اشكرك وقتها من اللغبطه..
ادم: لا حضرتك.. ده واجبي.. انا هستأذن انا بقي..
والد اسيل: لا لا ي ابني مينفعش تعال بس نقعد في البلكونه ونشرب كوبايتين شاي بالنعناع..
اسيل: ايوه وكمان انا لسه مقعدتش مع زين..
ادم: ماشي..
اسيل دخلت الأوضه ولقت عمر صحي وزين كان قاعد يلاعبه عشان ميعيطش..
اسيل: اي ده اي ده شطور ي زين ده علطول بيصحي ويعيط..
زين: هو عايز يلاعبه ويفضل معااه..
اسيل: طب تعالي يلا نقعد بره..
زين: يلا..
...
والد اسيل: انت شغال فين بقي ي ابني..
ادم: انا دكتور جامعي وبدرس لأسيل..
والد: متعرفش محامي كويس..
ادم: محامي! ااه اعرف محامي كويس..
والد اسيل: يعني ليه في قضايا النسب وكده..
ادم: نسب!! ااه يعني اكيد ليه فيها..
ادم الفضول كان هيقتله..
ادم: خير ي عمي هو في مشكله؟؟!
والد اسيل بتنهيده: تقدر تقول كده انا ضيعت مستقبل بنتي..
ادم: ازاي..
والد اسيل: اسيل كانت لسه يدوب 17 سنه واتقدملها عريس وهو كان كويس ومقتدر وكنا شايفينه محترم..ف عملنا خطوبه..بس هو كان هيسافر واصر انهم يتجوزوا قبل م يسافر وانا وافقت..بس هي مكانتش تمت السن القانوني..ف عملنا الجواز بعقد عرفي..بس كان اتفاقنا اول م هي تتم السن القانوني نسجل جوازهم في المحكمه..
بعد م تم الجواز قال انه السفر بتاعه اتلغي..قولنا بما ان اتكتب كتابهم نعمل فرح بقي وخلاص..
ادم: وبعدين..
والد اسيل: بعد م تمت ال 18 بكام يوم رمي عليها يمين الطلاق و قالها ملكيش حاجه عندي..انا قولت مش عايزين حاجه منه..هدخلها كليه وتكمل تعليمها وخلاص..بس طلعت حامل..بس مكنتش متخيل انه يطلع بالحقاره دي ويرمي ابنه كده..انا قولت لاسيل اني هكلمه بس لما روحتله النهارده ملقيتهوش..
ادم: هرب!!!!
والد اسيل: سافر..وساب بنتي وابنها اللي هويته لحد دلوقتي مجهوله..ومش عارف هواجهها ازااي..عشان كده عايز محامي يحلهاا..ياخد الفلوس اللي عايزها انا مش طالب منه غير يسجل الولد بس مش عايز اكتر من كده..
ادم: لا حول ولا قوه الا بالله..بس متقلقش ي عمي انا هكلم محامي و اقوله التفاصيل دي واشوف رأيه..متقلقش انا معاكوا..
والد اسيل: تسلم ي ابني..اشرب الشاي بقي قبل م يبرد..
ادم بدأ يفكر في القصه اللي اتعرضتلها اسيل وبص عليها وهي قاعده في الارض وحواليها زين وعمر جنبها وهي بتلعب معاهم وبيضحكوا بكل براءه..
.....
بعد اسبوع في الجامعه...
ادم: اسيل تعالي عاوزك..
اسيل: نعم ي دكتور..
ادم: انتي اي اللي جابك الكليه وسايبه ابنك كده..
اسيل: سايباه مع ماما..بس لازم اشوف الكليه عشان بعد كده اعرف اشتغل واصرف علي ابني..احنا خلاص ملناش الا بعض..
ادم: طيب تعالي معايا عاوزك شويه..
اسيل: نعم؟
ادم: تعالي هنروح كافيه نشرب قهوه وهكلمك في موضوع مهم..يلا..
....
اسيل: ادينا جينا وطلبنا قهوه.. اي الموضوع بقي..
ادم: انا كلمت المحامي في موضوع جوازك وكل اللي حصل..
اسيل بصدمه: انت عرفت منين حكايه جوازي..
ادم: باباكي حكالي كل حاجه عشان اشوفله محامي.. وانا شوفت محامي.. وقالي ان القضايا اللي من النوع ده حق البنت بيضيع لان مفيش حاجه قانونيه.. وهتتبهدلي..
اسيل بدموع: طب اعمل اي.. انا ابني لما يسألني علي ابوه هقوله اي.. ولا هسجله ازاي ويدخل مدرسه ويتعلم ويبقي ليه كياان.. هقوله مين ابوه؟؟!
ادم: انا.
استوووووب
بقلمي دينا محمود
فووووووت كومنت لو في تفاعلا حلو هنزل آخر فصل انهارده
أنت تقرأ
عوض ربنا
Romansa*ادركت حقيقة ان من يحبك ويريدك فعلا سيبقي مهما حدث،،اد الذي يريد البقاء بجانبك سيبقي ولن يمنعه شيء عن البقاء معك،،الذي يريدك سيبقي رغم الحزن والكوارث والألم والخيبات والمشكلات التي لا تنتهي،،الذي يريدك فعلا لا يقف قمام حلمك الذي يريدك فعلا لن يمنعه...
