عوض ربنا

البارت الثالث

#عوض ربنا #
بقلمي دينا محمود
اسيل بصدمه:  اي!!!
ادم:  بصي ي اسيل انا زين ابني من وقت م والدته ماتت كانت حالته صعبه.. كان متعلق بيها اووي.. كان انطوائي وبيخاف من اقل حاجه وانا مكنتش عارف اساعده ازااي.. لحد م شافك وحاله اتبدل 180 درجه.. انتي محتاجه تنقذي ابنك وانا كمان محتاجك عشان ابني..
اسيل:  بس.. بس..
ادم: فكري الاول كويس وردي عليا..
اسيل: بس انا حتي لو وافقت بابا مش هوافق..
ادم:  لا مهو انا مكنتش هقعد معاكي كده لوحدنا واقولك كده من غير اذن والدك.. هو كان عارف من الاول ان ملهاش حل.. هاا قولتي اي!
اسيل بتفكير: مش عارفه اخد قرار ممكن تسيبني افكر شويه..
ادم: خدي وقتك..
اسيل روحت وهي بتفكر..ولقت موافقه اهلها اللي كانوا بيتعلقوا ب اي قشايه تنقذ بنتهم..
وبعدين دخلت اوضتها وكان ابنها نايم علي سريرهاا زي الملاك الصغير..قربت منه وباسته من خدهاا وضمته ليها ونامت جنبه...
....
تاني يوم في الجامعه..
اسيل: اا..دكتور ادم..
ادم: ازيك ي اسيل..
اسيل: الحمد لله..انا كنت عايزه اقولك اني موافقه..بس عندي شرط..
ادم: اي هو..
اسيل: تكتب وصيه يعني بعد عمر طويل يعني ربنا يديك طوله العمر..ان كل م تملك يبقي ب إسم زين..زين بس..
ادم: بس..
اسيل: لو سمحت هو ده شرطي الوحيد.
ادم: ماشي ي اسيل موافق..بس ده مش ممكن يعمل مشكله للولاد بعد م يكبروا..
اسيل: انا مش ناويه اخبي عن ابني اي حاجه ي دكتور ادم..
ادم: قرارك وهحترمه..
اسيل: شكرا..
ادم: تمام هجيلكم البيت النهارده انا و والدتي..انا والدي متوفي علفكره ومليش غير والدتي..
اسيل: ربنا يخليهالك..تنورونا في اي وقت انا هبلغ بابا..
ادم: تمام..
اسيل: بعد اذنك..
.....
بعد شهر...
ادم:  احم.. اي رأيك في البيت..
اسيل: جميل اوي.. اومال زين فين..
ادم: ماما اخدته يبات عندهاا عشان عرسان وكده..
اسيل بتوتر: وماما اخدت عمر بردو..
ادم:  طب اي!
اسيل بتوتر: اي!
ادم: ادخلي غيري فستانك وتعالي نتعشي سوا..
اسيل: طيب..
....
بعد شويه اسيل خرجت..
ادم:تعالي ي اسير عايز اتكلم معااكي..
اسيل: عارفه من غير م تقول عارفه..
ادم: عارفه اي..انا لسه متكلمتش..
اسيل: هتقولي ان انت كنت بتحب مراتك الله يرحمها ومش هتقدر بقي انك تعيش مع واحده غيرها كزوجه وكده وهتعتبرني زي اختك..عارفه كل حاجه..
ادم بضحك: لا مكونتش هقول كده..انتي بتفكري في كده؟؟!
اسيل بإحراج: لا لا..هما كلهم بيقولوا كده..
ادم: هما مين..
اسيل: ابطال الروايات ي باشا..
ادم بضحك: ايواااا خلاص عرفتهم..لا لا ي ستي انا مش معقد خالص علفكره..انا شخص عادي وبسيط..ايوه كنت بحب مراتي هي كانت بنت عمي بحبها وبحترمها وهي بنت نااس واصيله ومحترمه..
اسيل: ربنا يرحمها..طب كنت هتقول اي..
ادم: بصي ي اسيل انا وانتي مع الوقت هنتعود علي بعض..وانا معجب بيكي علفكره وشايفك بنت محترمه وحلوه..
اسيل: احم شكرا..
ادم: وعلفكره انا مبعتبركيش اختي خالص. لا انتي مراتي..وعشان كده بقي عايزك في الخطوه الجايه تكوني ام لزين..واوعدك اني هكون اب لعمر ومش هفرق في المعامله بينهم ابدا..
اسيل: اوعدك..والله ربنا الاعلم انا بحب زين اد اي..
ادم: طيب هو ده ي ستي اللي كنت عايزك فيه..مش حاجه تانيه ي بتاعت الروايات..
اسيل: هما اللي ضحكوا علينا ي باشا..
ادم بضحك: طب تعالي كلي يلا..
اسيل: ماشي..بس ممكن اطلب منك طلب.
ادم: اطلبي..
اسيل:ممكن انام في اوضه الاطفال يعني لحد م اتعود علي المكان وكده..
ادم بخبث: ع المكان ولا عليا..
اسيل: حسبي الله..
ادم: خلاص خلاص..ماشي موافق..المهم تكوني مرتاحه..
..
بعد ثلاث شهور...
اسيل: هتاكلها يعني هتاكلها ي زين..
زين: ي ماما مبحبهاااش..
اسيل: دي مغذيه ومليانه عناصر مفيده..
زين: مبحبهااااش..
اسيل: حد يقول علي نعمه ربنا كده..مش كده حرام ولا اي..
زين: طب خلاص هي اللي مبتحبنيش..
ادم: اااي..عامله نفس الدوشه علي الصبح لي..
اسيل: لنفس السبب..
ادم: اسيل هو مش ده التيشرت بتاعي!!
اسيل: ايوه هو..عندك مانع..
ادم: لا خلاص براحتك ي قمر..
اسيل: تمام..شايف طبق البطاطس المسلوقه..تاكله للواد المفعوص ده علي م اخش اغير للعيوطه اللي جوه هو كمان..
ادم: مين دي..
زين: دي ماما اللي كانت كيوته..بقت شرسه..
ادم: شرسه!!! الله يخربيتك..تعالي يلا كل البطاطس دي..
زين: انا نازل عند تيته مش عايزه اقعد معاكوا..
ادم: خد يلا..مشي..هخش البس اروح الجامعه..
..
اسيل: انت وديت الوااد فين..
ادم: ي فضحتي..
اسيل: ااسفه مكنتش اعرف انك هنا..انا..انا هروح اشوف زين..
ادم: نزل عند ماما..
اسيل: ي لهووي..لي كده..نزلته وهو معمص ومتبهدل كده دلوقتي امك تقول انك متجوز واحده معفنه..انا هيجيلي سكته منكوا كلكو..
ادم: صحيح بقولك مش انتي عندك كليه النهارده..
اسيل: ايوه..هغير لزين هدومه عشان يروح المدرسه وهعدي عمر علي مامه الاول..
ادم: طب يلا غيري لزين وانا هروح اودي عمر وبعدين اخدك ونروح سوا..
اسيل: اشطا ي ابا..ثواني..
ادم: متجوز سرسجيه ي ربي..بس قمر..هييح
.....
اسيل: استني نزلني هنا..
ادم: ليه هندخل بالعربيه انا بركن جوا الكليه..
اسيل: عشان محدش يشوفنا سوا..
ادم: نعم ي اختي..ليه شاقطك انا يعني..
اسيل: لا بس يعني..
ادم: مفيش بس..احنا مبنعملش حاجه غلط.انتي مراتي..
اسيل: اقنعتني والله..خلاص انطلق..
ادم: طيب خدي محفظتي خدي منها مصروفك ولو محتاجه تشتري كتب او حاجه..
اسيل: اللي مشهيصنا وصل ي حااره..
ادم: تعيشي وتصرفي ف فلوسي..
اسيل: تعيش وتجيبلنا الفلوس..
ادم: واطيه واطيه يعني..انزلي يلا..
اسيل: مااشي سلام ي قره عيني..
ادم: مجنونه..
....
اسيل: اي ده بقي محفظه ادم معاياا..هروحله مكتبه اديهاله ولا اخليها معايا وخلاص..لا لا اكيد هيحتاجهااا..
..
ادم: ااي نسيتي اي..
اسيل: محفظتك نسيتها معايا..
ادم: ااه صح..اممم انتي محاضرتك امتي..
اسيل: بعد نص ساعه..
ادم: طب اقعدي هنا لحد م تبدأ..
اسيل: دي محاضرتك انت علفكره..
ادم: ايوا م انا عارف..اقعدي..
اسيل:طيب..
ادم: اي ده..غريبه!!
اسيل: اي!
ادم: دي مدرسه زين بتتصل..
اسيل بخضه : ابني جراله حاجه!!
ادم: لا لا خير...الو..
المديره: استاذ ادم اهلا بحضرتك..
ادم: اهلا ي فندم..في مشكله ولا اي..
المديره: ايوا..حضرتك زين ضرب ولد النهارده في المدرسه بطريقه وحشه وانا اول مره اشوف منه التصرف ده..
ادم: زين ابني اناا..طب اي السبب..
المديره: اتفضل اسأله..
زين: ي بابا كان عمال يضرب في بنت معانا ويشتمهاا قومت ماسكه ومديله بالبوكس في وشه..
اسيل بفخر : تربيتي.
ادم: اسكتي خالص..بس كان ممكن تشتكي للمدرسه ي زين..
زين: بس كان بيضرب البنت ي بابا ومكنتش عارف اخليه يسيبها..هو مش عارف ان لازم نحترم البنت ومنظلمهااش ابدا..وان البنت مش لعبه هو يقدر يإذيها زي م هو عايز..
ادم: مين قالك الكلام ده..
زين: ماما..عارف ي بابا لما يجيلي اخت بنت مش هخلي حد يبصلها بصه وحشه حتي..
ادم: حضره المديره هو كان بيلحق البنت الصغيره مش اكتر..عمتا انا بعتذر وانا هتكلم معاه..
المديره: تمام ي دكتور ادم..سلام..
اسيل: علفكره هو مغلطش..
ادم: انتي عارفه اي اللي لفت انتباهي في كلامه..
اسيل بحزن: ان انا اللي قولتله كده..بس والله انا كنت شايفه ان شخصيته ضعيفه ف كنت بعلمه شويه قيم وحاجات تقويه...
ادم: لا لا مش كده خالص..
اسيل: اومال..
ادم: انو عاوز اخت بنت..اي رأيك في الكلام الجميل  ده من الكائن المفعوص اللي اسمه زين..انا عن نفسي شايف انه كلام موزون...
اسيل بتوتر: علفكره المحاضره هتبدأ واحنا اتاخرنا..
ادم: ايوا اتاخرنا فعلا..طب بقولك اي..اقولك حاجه سر بيني وبينك..
اسيل: اي..
ادم قرب من اسيل وهمس لها..
ادم: انا بحبك..
اسيل: قولت اي!
ادم: قولت متتأخريش علي المحاضره ي طالبه..
ادم خرج من المكتب وساب اسيل وهي متلغبطه ومبسوطه..وبعدين راحت وراااه..
طول المحاضره يبصلها ويضحك علي منظرهاا ولغبطتها وكسوفهاا منه..

كان في شاب وبنت قاعدين جنب بعض وماسكين ايد بعض وبيضحكوا...

ادم بغضب: والله انا شايف ان احنا في محااضره مش في كافتيريا ولا في كباريه..

البنت: اي ي دكتور هو اللي حرام علينا مش حرام عليك انت كمان ولا اي..

ادم بغضب: تقصدي اي!!

البنت: اقصد الصور الجميله دي..

البنت ورت الصور اللي كان فيها ادم واسيل وهما في العربيه وفي المكتب..

البنت:  اي ي دكتور معندكش حاجه تقولها..
اسيل شافت الصور وعنيهاا دمعت وبدأت تعيط وهي بتبص لادم..

البنت:  ي تري هي بتنجح بالدمعتين دول..

ادم: انتي محرمه من امتحان مادتي.. وكمان هبلغ العميد بالموقف ده.. اتفضلي اطلعي بره..

البنت بغضب:  لا مش من حقك..

ادم ببرود:  لا حقي.. اطلعي برا من غير نقاااش.. اااه استني..
ادم قرب من اسيل ومسح دموعهااا..

ادم:  اللي انتي حكمتي عليها دي تبقي مراتي علي سنه الله ورسوله وبينا ولدين اتنين.. انتي بقي بينك وبين اللي انتي ماسكه ايده من غير خشا ولا حيا ده اي.. طب انا جوزها وحلالها.. هو يبقي اي ليكي.. اظن الرساله وضحت للكل.. اطلعي بره بقي..

ادم:  انا اسف ي شباب بعتذر عن المحاضره.. هعوضهالكم بإذن الله بعد اذنكم..
ادم اخد اسيل من ايديهااا وركب العربيه وركبهاا..
اسيل: انا اسفه اني حطيتك في الموقف ده..
ادم:  انتي هبله.. بقي لسه من عشر دقايق بقولك بحبك وانتي تقوليلي اسفه.. علفكره انا بحبك بجد..  وبحب كل تفاصيلك..
اسيل:  شكرا.
ادم:  لااااا مش وقتك خاالص.. ردي بقي مره واحده حلو..
اسيل:  طيب.. انا كمان بحبك..
ادم:  ربنا يديمك ليااا ي احلي زوجه واحلي ام في الدنيا كلهااا عاشو حياه مستقره وخلفو بنوته ليان وكانت ميكس من اسيل وادم
بقلمي دينا محمود
تمت ❤
لا تُجبر احداً على المجيء إليك ولا تُخبر احداً انك احتجت إليه فالصادق سيأتيك من دون أن تشعره أنك محتاج إليه.

تفاعل بقا يا قمرات انا والله  تعبانه بس كملت القصه  عشان خاطركم