💜💜زوجتي ثم أصبحت فصليتي💜💜

البارت التاسع عشر

💜💜💜💜💜💜💜💜

جنات كعدت مرتضى ويمه دكتوره تحجي ويه
شفت نفسي بلمستشفى سمعتها تكله لازم تنتبهون عليها الطفل ضعيف كتبونه خروج وطلعت شنو
مصير هاذ الطفل بيناتنه ياربي ارحمني صعدت
بسياره وطوال الطريق صافنه بلفراغ فزيت على
صوته يكلي نزلي نزلت وبوجهي لمخزن نمت

مرتضى فرحت من كالت حامل تمنيت ماتتهور وتسقطه مثل هذاك شفتها صافنه يمكن تفكر شنو مصيره شفتها شلون نزلت وتمشي على كيف  رحت
لمخزن صعدت انام

جعفر لازم اثبت برائت جنات بهاذ الشهر ماخليت
شي مادروته حتى الكامرات التسجيل ممسوح
تذكرت اتصال نوال لازم اخذ تلفونها من بعد
تفكير نمت

جنات كعدت على صوت مرتضى يكعد بيه يريد ريوك
كعدت سويت ريوك وبدو يكعدون سويتلهم شفته
طلع رحت اطبخ لن ست نوال ماتساعد ابد دخلت
عمتي انتي كح...لو ما كح... ماتجيبين ولد لبيت
ونوب تحبلين وتكولين من مرتضى كتلها ليش
طعنين بشرفي وانه مامحتاجه اثبتلج برائتي
لن انه شريفه دخلت نوال عمه عوفيها باجر تجيب
وخلي شرفها يفيدها كتله اي اخلي مرتضى يسوي
تحليل اذا هيج خليت وطلعت من يمهن مالي
خلكهن وهن يردن بس العرك مشتاقه الامي وامير
وينك حسين ليش هيجي سويت بيه تعذبت هواي
رجعت لمطبخ اكمل شغل مرت الايام والشهور
والوضع مثل ماهوا مرتضى مايحجي وياي بس
يودي جعفر ياخذني لدكتوره كل شهر ونوال
كل عاده كل يوم عركه وصياح يوم ويه بناتها
يوم ويه رجلها ساعات دور علي البنات تخرجن
ونخطبت غاده الابن عمها وبعد الايام العرس
مالتها  بطني عاليه وتبين بشهر السادس

مرتضى عفت جنات هاي الفتره ومرت الشهور
اطيها فلوس بيد جعفر وهو ياخذها ويرجعها
نخطبت اختي غاده الابن عمنه وصارت الخطبه
الحمد الله وبعد ايام العرس ردت اخذ جنات اشتريها
وافرحها رحت ادور عليها لكيتها بلمطبخ صحت جنات

جنات واكفه بلمطبخ وبناته كرايبهم هوسه بلبيت
وكفت اطبخ اجت ابنيه سلمت علي كالت انه رغد
وانتي كتله جنات كالت ياا انتي جنات والله شكد
متشوقه اشوفج من تزوجتي ماجيتكلم ضلينه
نسولف وهيه ساعدتني بلطبخ دخل جعفر سلم
عليها شفت عليها نضرات عجاب شويه وراح
كتلها هاا مبين راح تصيرين جنه لهاذ البيت ضحكت
كالت وين حتى مايدري انه احبه ضحكنه ونسولف
دخل مرتضى  وصاح علي رحت كال تعاي لمخزن
رحت ورا كال اريد اخذج اشتريلج ملابس لن
هذن مو حلوات كتله عندي ملابس فوك وجدد
كال عوفي الفوك نسيهن انه شتريلج جدد سكتت

مرتضى جنات لاتشلعين كلبي اخذي وحده من البنات
وشنو تردين اشتريلج واريد استري لبيبي

جنات بتسمت وكتله اوكي رجعت فرحانه تلكتني
رغد هاا شسوالج كتله ترحين وياي لسوك راح
ياخذني نتسوك كالت اسئل امي  رحت وانه رجعت
اكمل شغل علمود من اروح ماعندي شي  اجت
رغد امها وافقت دخلت نوال ولج رغد منو كالج تجين
بلمطبخ روحي يم البنات طفرت رغد ماتشوفينها
حامل اجيت اساعدها وبعدين انه ماريد اكعد يم
البنات ورجعت تشتغل جرته أزل كلتله تعاي لا توكفين
يم جنات كتله هاي انتي يا ازل هيج تحجين وين
صداقتنه راحت بشنو اذيتج انه رغد ضلت تحجي
عليهن خلن وراحن اجت رغد وراي كالت يولن
هاي نوال من يوم يومها ماتريد الخير لحد ونوب
انتي احلى منها ضحكت كتله وين انه احلى بشرتي
صفرا وعيوني محوطات اسود وضعفت حيل ضلينه
نسولف لمن صار الغدا حطينه والولد ينكلون كعدو
كلهم عمامهم ولدهم وبناتهم بعد عائلتهم جبيره
انه رجعت لمطبخ اخدر جاي صاح مرتضى جنات
تعاي اكلي شتغربت شويه ورجع صاح طلعت من
المطبخ شفته مسويلي مكان يمه فرحت بداخلي
طفرت نوال شنو تخلها تاكل ويانه واخوها كتال
اهلك

مرتضى طبعنا كتلكم جعفر ياخذها لدكتوره  تفقت
ويه دكتوره تسوي تحليل لطفل واعرف ابوه صح
شكيت بيها بعد فتره اجاني تصال الدكتوره الي
بطن جنات ابني ميه بميه قررت ابدي ويها صفحه
جديده  وهل مره ماصدك شنو يطلعون عليها
كافي عذاب صحتلها وطفرت نوال تحجي.كتله
جنات مداخلها والي بطنها ابني انه اريد ابني
يتغذا زين وهيه زوجتي منا ورايح الي يضرها
يضرني وماسمحلج نوال تحجين على ام ابني
كعدت جنات بصفي وشكلها مصدوم همست
شبيج تره انه مرتضى القديم 😄😄

جنات ستغربت من حاجه نوال هيج  وكعدت يمه
كال انه مرتضى القديم بكلبي هو القديم واله الجديد
نفس الطباكات

جعفر بتحضيرات عرس غاده دخلت لغرفت نوال
وخمطت تلفونها طلعت برا كلت المرتضى انه طالع
هسه اجي رحت لصاحبي عنده محل موبايلات تصليح
فرمته كتله اكو مكالمه تكدر تطلعلي تسجيلها
كالي مادري احتاج وقت رحت افتر بالسياره  رجعتله
مطلعها ومسجلها عنده تشكرت منه ورحت كبل
لمرتضى كتله انته ماصدكتني وعدتني تصير زين
ويه جنات اذا طلعت برائتها وهاذ دليل مكلمه نوال
ولولد سمعها كال هاذ اهو  الحمد لله من ثبتت برائتها

جنات خلصنه ورغد تحضرت لبس جبتي وشالي
وطلعت شفتها واكفه شافتني نوال تعديت
طلعت اي الله يعلم شسويتي لمرتضى وسكتي
ام الزلم  ماحجيتاها وطلعت شفته واكف يم جعفر
طلعنه وصعدنه بسيارته ضلينه نفتر من محل لمحل
ختاريت فستان بسيط ومالت حوامل ورغد مرتضى
كاله تاخذ وخذت همين اخذانه لمحل الاطفال
شتريت حاجيت الطفل وشريت جربايه زغيره
كال هاي نحطها بغرفتي تعشينه برا ورجعنه
لبيت دخلنه والوجوه مكلوبه تعودت عليه
هو انه دايم مكروها مرت الايام وصار عرس
رغد اجه مرتضى الصبح اطاني علبه وكال هاي
اطيه لرغد من ترحن لبيت العريس اخذتها  وطلعنه
لزفه كلش تونست ويه رغد وصلنه غاده طالعه
حلوه والعريس هم حلو تقدمت وطيتها الهديه
وكتلها مني ومن مرتضى  اخذتها وكالت كولي
من مرتضى  باوعتلها شبيها هاي جرتني رغد
ولج تولي  خلص العرس ورجعنه لبيت دخلت
المخزن مالكيت غراضي

مرتضى خليته تروح صعدت غراضها فوك ردت افاجئها
نصبت جرابيه الطفل ورتبت الغراض نزلت لكيتها
بلمخزن وتحجي ويه نفسها اسمعها واكاتم ضحكتني
تكول ياربي ويت راحن بس لانوال خطه منها والله
اليوم اموتها ههه وهو اصلن نمله ماكتل نوب نوال
حتى تجعصني انه وطفلي هاا حبيبي لاتطلع على
امك حتى ماتتحمل حجايه اطلع على ابوك قوي
ودوس نوال وبناتها   مرتضى صحت جنات شبيج
دارت كالت انته يمته هنا كتله من ابني داس نوال
وبناتها  طكتها ضحكه عاليه

جنات ادردم ويه نفسي دخل مرتضى وصاح علي كتله
انته من يمته هنا كال من ابني داس نوال و بناتها
ضحكت حيل لمن طفر وسد حلكي كال اشش.يبربوك
فضحتينه عبالهم وسكت وخرت ايده وكتله شنو
كال هيج واغراض صعدتهن فوك تعاي نامي هناك
الدنيا حاره وخاف على ابني كتله اوك هسه اجي
طلع وطلعت ورا صعدت تلكتني نوال كالت
اي مرتاحه وعباس مشاف ابنه حتى ام الزلم
كتلها انتي ام الزلم مو انه وهاذ الفوك رجلي مو واحد
غريب والي بطني ابنه وبعد لاتحجين حجي زايد
درت اريد اصعد جرتني من شعري ودفعتني

مرتضى شعلت الشموع وجبت كيكه همين منتظرها
تدخل واسمع صرخات جنات طلعت لكيت نوال واكفه
بدايه الدرج ركضت و........

يتبع

ارجو التصويت