💜💜زوجتي ثم أصبحت فصليتي💜💜

البارت الثامن عشر

مرتضى  قررت اصير زين ويه جنات هيه شنو ذنبها
ليش اضلمها خلصت شغل ورجعت لبيت شفت
جنات برا واكفه شافتني دخلت ركض شبيها هاي
معقوله خجلت مني على سالفه الصبح

جنات نوال راحت رجعت لشغل طلعت برا شفت
مرتضى  ماريده يشوف دموعي دخلت ركض
حطيتلهم اكل ورحت لمخزن صاح مرتضى جاي
عرفتهم خلصو رحت سويت جاي وغسلت المواعين
تغديت ولتهيت من شغله الشغله  منا لمن صار العشه
تعشو ونضفت المطبخ رجعت لمخزن هلكانه وحاره
رحت اسبح  دخلت لمخزن وقفلته من داخل اريد
ابدل درت لكيت مرتضى كاعد على الكرسي كتله
مادري انته هنا

مرتضى خلصت عشه وصعدت لغرفتي تذكرتها شلون
كالت حاره وهو المخزن لابنكه لا شي رحت لمخزن
لكيتها بلحمام كعدت انتضرها دخلت وقفلت الباب
كتلها تعاي نامي فوك لن هنا حاره

جنات  كال تعاي وانه جسمي مادري شصار بيه
كتله لا هنا انام وافتح الشباك تصير بارده كال
لا تعاي فوك نامي جرني من ايدي وصعدنه  لغرفته
دخلت لكيت الغرفه مثل ماعفتها ومرتبه ونظيفه
شكد تعذبت بهاي الغرفه ومرات ضحكت اوف
كال تعاي نامي كتله وين اشر على جربايه
😳😳

مرتضى  كتله تعاي على جربايه وهيه تصنمت
كتله جنات انه اريد ابدي وياج حياه حلوه
اريدج زوجه الي وانه احبج بعدني لاتنسين
انتي جنتي جزاء من حياتي

جنات  تفاجئت من كلامه معقوله هاذ حساسه
لو لعبه منه حتى يذيني أكثر  تقربت وكلبي
فاظحني جرني من ايدي ونيمني بحظنه
عشت وياه ليله من العمر

جعفر رجعت متاخر سمعت صوت من المطبخ
رحت سمعتها تخابر باوعت شفتها نوال

نوال اي تنام بلمخزن ولك صايرين خدم الها
اي باجر بليل معليك بالباقي انته بس تعال انه
اطلعك منها سالم اي طمن شفتها سدته صعدت
لغرفتي اكيد تخطط الجنات شي مو زين لازم
اكشفها

جنات كعدت الصبح شفته نايم يمي عبالي حلم
البارحه اكيد يحبني نتبهت لنفسي خلي انزل
لانويله تشوفني وتسويها عضمه علي نزلت
محد  رحت لمطبخ سويت ريوك وسويت جاي
شفت جعفر اجه صباح الخير  كتله صباح النور

جعفر شفت جنات بلمطبخ رحت صبحت عليها
وقررت احذرها كتلها جنات انتي لاتنامين بلمخزن
بعد جنات🤔شبيج انه اخاف عليج ناس ماترحم
وانه احاجي مرتضى يصعدج يمه

جنات شكد خجلت من حجه هيج بدون ماسئله
السبب درت عليه وردت اسئله دخل مرتضى
صباح الورد  جنات جعفر  صباح النور

مرتضى كعدت لمكيتها اكيد كعدت تسوي ريوك
نزلت لكيته تسولف ويه جعفرر  كعدت اتريك
وعيوني عليها حتى جعفر حس علي وطلع😅

جنات عيونه يلصلصن علي حتى جعفرر شرد
جنت اغسل مواعين  وكال جنات اريدج اليوم
تنامين يمي مثل البارحه بعد لاتنامين بلمخزن
بدون حساس كتله اوكي تريك وطلع لشغل
طلعت ورا ودعيت الله يديم محبتك الي دخلت
لكيت عمتي بلمطبخ كالت هاا شفتج تدعين
بس لادعين علينه كتلها لو اريد ادعي عليكم
جا دعيت هيه صرخت ولج بربوك ام زلم
كتله شنو كل ماحجيت صحتن ام زلم بايكه رجولتجن
دخلت ازل شبيج تصيحين بوجه امي والله
اخلي مرتضى  يكسرج طلعت عينج دخلت
نوال وغاده كتلهن انتن امهات الزلم مو انه
وهيه نوال تريدها من الله على الله وهمشت حجابي
وغاده لزمتني من ورا  عضيت نوال عضه حتى
الدم طلع وغاده ضربتني بطني  طحت بلكاع
عافني وطلعن ونوال تلعلع بصوته  المفضوح
تكرفصت بلكاع وضليت ابجي وينج يمه عني
ناس ماترحمني