💜💜زوجتي ثم أصبحت فصليتي💜💜

البارت الواحد وعشرون

أحببتك صدفة وعشقتك للأبد
أحببتك لأنك نصف الروح
ونصف العقل وكل القلب
أحببتك لأنني لا اكتمل إلا بك
سأبقى على عهدي لك
أرسل لك عطر أنفاسي
لأنني اتنفسك عشقا
انت كل حياتي ياتؤم الروح

جنات رجعنه للبيت توقعت جعفر يخطب رغد
طلعت بنيه متعرف عليها بالجامعه ورايدها عمي
ماموافق وضال يحجي عليه انه عفتهم وصعدت
فوك بدلت لمؤمل ونومته لن تعب وطريق طويل
نزلت جوا شفتهم يحجون بصاله رحت لمطبخ
لكيت الواعين كواد لانوال تغسل ولا أزل شسالفه
ضليت اغسل بيهن وسويت عشه طلع ماكو خبز
رحت اصيح مرتضى  يجيب من المخبز صحت
مرتضى تعال شويه لمطبخ  كال جاي جاي  شويه
دخل كال هاا شتاقتيلي وتصيحين علي ادري بروحي
حلو ومتتحملين فراكي جنات باوعتله كتله شكاعد
تحجي  روح جيب خبز لن محد عاجن  وماكو خبز

مرتضى 😤😤ماتطلع منج كلمه حلوه

جنات حجيت بصوت ناصي هو ضلت كلمه حلوه
من وراك ماحسلك اله جرني من ايدي شكلتي ولج
كتله ماكو شي اكو ياله روح تره جوعانه 😏

مرتضى عبالي حجيتي هو انه سمعته شكالت تره
حقها تحجي هيج هو انه خليت شي حلو بيناتنه
رحت جبت خبز ورجعت لكيته حاطه الاكل والكل
ملتم جعفر مطنكل مايريد

جنات قررت احجي ويه مرتضى علمود جعفر ورغد
خلثو عشه واملمت المواعين  رحت اغسلهن تبللن
ملابسي صعدت ابدل لكيت امؤلي كاعد وابوه يمه
يناغي له بتسمت وتعديت لحمام بدلت وخلصت
اريد اغير حياتنه طلعت من جهازي القديم روب
لونه احمر وتور من يصدر وفتحه رجل طويله
طبعا ملابسنه بلمنزع نوب داخل الحمام طلعت
مرتضى ضل صافن علي ماهتميت اله رحت
امشط شعري وضفرته ضفيره صفحه باوعله بلمرايه
صافن على نوب خله وطلع كعدت على جربايه افكر
شماله هو مو كال اريد نبدي حياه جديده ليش
هيج يسوي كمت اريد ابدل ونام دخل مرتضى
بيده علاليك ستغربت كتله هاي شنو كال مايحلى
السهر ومابيه حبشكلات جايب كاكو وكرزات انواع
وبيتزا وببسي حطهن وكعد كال تعالي وجبيبي مؤمل
صارت احلى سهرا واحلى يوم ونشاء الله دؤم الي
من ردنه نام كتله مرتضى كاعد كال اي كتله اريد
احجي وياك بشغله دار وجها كال شنو كتله جعفر
كال شبيه كتله تره جعفر اكو بنيه تحبه من طرف
واحد وهو مايدري انتم مو ماتقبلون يتزوج من
الجامعه هاي رغد تريده وهيه بت عمه كال الله
كريم  وانتي حاجي جعفر بخصوص رغد انه
ماكدر حاجيه كتله اوكي  بسته من خده ودرت
وجهي شويه صفن كال بس هاي كتله شنو كال
لا هيج نامي

جنات كعدت الصبح لتهيت ريوك وغدا وشغل مؤمل
يبجي بيد عمتي وهيه ملتهيه وياه تموت عليه
انه ماحجيتلكم عن بنات نوال طبعا نوال عدها
اربعه بنات ماعدها ولد الجبيره اسمها علا وعمرها
15 والثانيه رانيه وعمرها 11الثالثه اسمها أيه وعمرها
9الزغيره اسمها رزان  وعمرها5هنه يشبهن امهن
تره نوال حلوه وجسمها متناسق وابيض بس مخربه
روحها بلفر والبتوكس وتاتو صايره عبالك لعابه
مطاط هههه شفت جعفر دخل لغرفته انه كملت
الطبخ ضال بس التمن طفيت المركه ورحت شفت
مؤمل يلعب ويه بت وسام وعمتي يمهم  رحت لغرفه
جعفر دخلت وسديت الباب