رواية : كاريزما ✨.
للكاتبة : Nona Alsebhawy
الحلقة التانية "
انا بعد طلعت من صاله التدريب فرحانه لانه تعرفت ع ليبيين ووصلت للحوش ولبست وطلعت للمطعم (مطعم بابا) واشتغلت وبعدها طلعت مطولتش قعدت ندهور بالسياره ونزلت خشيت على المول وشريت تشبس وشوكلاطات والخ.. ... جيت بندفع حق اللي خديته نشوفلك الهرجه معدلتش خلصت وجيت بنطلع
عامر : توركان
انا : التفتت بسرعه وبعد شفته ضحكت
عامر : قرب : شنجوو ريتي بالله الصدفه
انا : اي شن ادير هنا
عامر : بنبضعو حاجات يمشي عمك علاء تعارك مع صاحب المحل
انا : شنصار
عامر : مصارش شي غير انه لزونا
انا : ضحكت : عادي تمشي
عامر : باهي شني مني اعزمينا ع مطعم ع اي شي ولا انقولك ارفعينا للملاهي
انا : اي عادي تفضلو
عامر : الصراحه كلا مني انا مش حنرفض
انا : اهم جو اسألهم
نصر : ياهلا توتو وضحك ..
انا : اهلين
نصر : نشوف ف عامر شافك جاك يجري وسيبني مع الهم ومشاكله واشر ع علاء
علاء : رفع حاجبه وشافله بنضره حت انا خفت منها: مش رايقلك
عامر : اشششش
نصر : خيرك
عامر : توركان بترفعنا للملاهي
نصر : وافقت
انا : نمشوو
علاء : منيش ماشي معاك
انا : عليش
علاء: نحس فيك وهميه ومش مصدقك
انا : انصدمت : متصدقش قعمز هنا ومش واقفه عليك هيا وكيف مااحترمتك احترم وشفت لعامر ونصر : نمشو
نصر : يلا ومشي معاي نصر وعامر قعد يقنع ف علاء فالاخير جو وركبنا فالسياره
عامر : حيعلما السياره نزيك
نصر : مشغير ليك هدي
انا : ابتسمت : لبابا رحمة الله عليه
عامر ونصر : ربي يرحمه
انا : يارب ويرحم جميع امواتنا وطلعنا بالسياره....
عامر : بنسألك سؤال
انا : ابتسمت: تفضل
عامر : وين امك وباتك كيف توفى
نصر : معليش راه عامر يحب يعرف كل شي
انا : ضحكت : عادي عادي المهم ياعامر بابا وماما متوفيين ف حادث سير لهم سنه
عامر : اها وعايشه بروحك وإيجار ولا ملك
انا : اي و إيجار
نصر : عندك صاحبات
انا : ضحكت : اي عندي مالاحد
نصر : المهم اصدقاء توا ولا
انا : شي اكييد ونعتبرها معجزه اني تعرفت ع ليبيين
عامر : شخصيات مهمه ع اساس
نصر : سكر فمك
انا : نضحك
نصر : توركان انتي مسلمه
انا : اي
علاء : راقيله : هه كيف مسلمه ومش محجبه
انا : انا مسلمه وبابا ليبي مسلم وماما تركيه مسلمه وربوني ووعوني ع الدين الاسلامي صح مش متحجبه بس لبسي محترم ومنلبسش فالضيق والمفتوح ومعليش متدخلش ف حياتي
علاء : ببروده : نفخ الهم
نصر : علاء فكنا ياراجل
انا : وصلناا..ونزلنا وغيـرنا جونا ولعبنا وهدرزنا ووو
عامر : يتاوب: خلاص عييت بنرقد
علاء: مش منك من الهبال اللي درته
نصر : يضحك : لكن ولله جو مشعادي بكل ها توركان نروحو
انا : تمام ع راحتكم
علاء: نروحو خير
انا : هيا ..وركبنا فالسيـاره ووصلتهم للفندق وروحت تمددت مبسوطه وبعدها غفيت .....
_ فاتو اسابيع واحنا مع بعض وقعدو اصدقاء مقربين وعلاء تحسن وضعه معاي قعد يحكي وجوه يهبل وعامر ونصر التافهيين وصراحتآ احلا من نصاحبب ودارو شهر ف تركيه وبيروحـوا وجي يوم اللي كرهت روحي فيه .....
انا : ندق ع باب شقتهم ..
نصر : فتح : اهلا خشي بدون رسميات
انا : ضحكت : حاضر وخشيت: وين باقي العصابه
عامر : خير ياطير وينك
انا : كنت فالشغل
نصر : كوكا راه مروحين بكرا العشيه
انا : ليييش خليكم
عامر : حت انا نبي نقعد عجبتني العيشه هنايا
نصر : غير للصياعه بس
عامر : ضحك : هوا ده
انا : غير ارجو شوي فهموني علاش بتروحو
نصر : فلسنا خلاص اصلا خدمه وامالينا دايرين هرجه
انا : تعالو عندي
نصر : ياريت بس ولله خدمه
انا : دمعو عيوني : بنستاحشكم ولله
عامر : يطبطب ع يدي : حت احني واحلا صديقه بس بتوعدينا انك اتشرفينا ف ليبيا ديريلنا زياره
نصر : اي صح وحنتواصلو ان شاء الله
انا : ابتسمت : ان شاء الله بس وين علاء
نصر : يدوش فالحمام
عامر : مالا وين تبيه يدوش فالشارع
انا : نضحك : قوييييةةةة
نصر : هاهاها دمك شربات
علاء: السلام عليكم
كلنا : وعليكم السلام
علاء: قعمز : توركان شن الجو
انا : مكسده
قعدنا نحكو وضحكنا ومشي الجو شويه ونزلو عامر ونصر للمحل تحت
انا : الله كان غير قعدتو حت اسبوع اخرا
علاء : لنقنه انا منبش انروح بس غصب منا
انا : شن تخدم انت
علاء : انا عندي محل و تو بنبدا قرايتي لانه وقفت من التانوي وحنخش تقنية
انا : اها حلوو بالتوفيق
علاء : تسلمي
انا : وين الحمام
علاء : اهوا
انا مشيت للحمام وفي هديك اللحضه جاني اتصال بعدها رساله وشافهم علاء
( خديتي منهم الفلوس! ! )بالتركي طبعآ.
علاء : فهم غلط : توركااااان
انا : طلعت من الحمام : نعم
علاء: مدلي التلفون : وصلاتك رساله
انا : شبحتها وجيت بنحكي قاطعني علاء
علاء: ماسكني من كتفي : بتضحكي علينااا
انا : ف ايش شن تخرط انت
علاء: مالا شني خديتي منهم الفلوس ..وبدا يعيط عليااا
انا : نبكي : بعد عني ي علاء انت فاهم غلط منديرش هكي انا
علاء: اديري ونص
انا : دفيته ورفعت تلفوني وفتحت الباب ونزلت نبكي
عامر ونصر : ارجي خيرك
انا : نبكي....
نصر : عيط : احكي
انا : حضنته : علاءء يقولي انتي بب بتضحكي علينا
عامر : شن جاب الدوه وكييف فهمينا
انا : وصلتني رساله ووو
نصر : اهدي اهدي معليش
عامر : متعدليش عليه هكي قاسي هوا
نصر : اركبي للشقه ونحكوو
انا : بعدت : معلييش معدش نقدر واسفه لو ازعجتكم وبعد بتروحو حاكوني ونزلت نجريي وركبت للسياره وروحت
...
...
اهـم شي رايكـمم
أنت تقرأ
رواية كاريزما
General Fictionرواية : كاريزما ✨. للكاتبة : Nona Alsebhawy روايتي لليوم مش زي اي رواية كتبتها المره هدي رواية لأصحاب الكاريزما المؤثرين فالناس و للعلم الكاريزما انواع ومع الرواية حتعرفوهـم ( رواية مقتبسة من الواقع )
