رواية : كاريزما ✨.
للكاتبة : Nona Alsebhawy
الحلقة الثامنـة "
انا : ندخلو
عامر : ابتسم : يلا...ودخلنا الحوش ..
انا : قعمزت قباله : قوللي شن وكيف وامتا
عامر : ياودي ماعندي مانحكي غير انه لما تعرفنا وقعدنا اصدقاء و بديت معجب بيك وف الـ3 اسنين ونا نفكر فيك بس انقول لا مستحيلا ونرجع انفكر فيك ووقت جيتي لليبيا فرحت هلبا و وزدت تعلقت فيك لما شفتك كيف تحبي تساعدي الناس وقلبك طيب وتعرفت ع شخصيتك اكتر حبيتك راه متقوليش انه ميغارش راه ولله لما تحكي مع علاء ونصر نار تركب فيا بعدها انقول نخف من الغيره اهيا واصحابي ونعرفهم مستحيلا يديرو غلط ولما حكيتلهم عن شعوري اتجاهك مارفضوش ولا هك بالعكس باين من عيوني بس فعلا حبيتك وحنحبك اليوم وغدوا واللي بعده للموت
انا : مسكت يديه : صح ردت فعلي كانت غبيه واختفيت بس لاني خفت من انه نتعلق بيك ونخسركم مع بعض خفت من مشاعري خفت من انه تتفركس صداقتكم ونقعد انا السبب ماعمره حطيت ف راسي مواضيع العلاقات والحب انا وجديد عليا الشي هدا بس فكرت وفرصه نحب شخص كيفك صراحتآ بس لتوا خايفه انه يطلع غلط اللي اندير فيه ونتحاسب عليه
عامر : انتي مدرتيش شي محرم ومش حديريه والحب مش حرام ومش غلط ومدام انا معاك ومتفاهمين مع بعض متخافيش راه مش حيصير شي غلط يخليك تندمي او انا نندم عليه تمام
انا : هزيت راسي : تمام
عامر : اوكيي ..ويشوف لعيوني
انا : تغديت
عامر : بالله توا وقت يتغدو فيه
انا : ضحكت : عادي عبي بطنك لو فاضيه
عامر : لنقني جيعان
انا : نمشو لمطعم بابا
عامر : بدبشي هدا
انا : وين شنطتك
عامر : ماجبتش حاجه باهي اللي منسيتش عقلي نا
انا : ضحكت : تعالا نمشو للمول
عامر : وجيج يرا
انا : وقفت ونوض فيه : هيا مش حنطولو
عامر : باهي هي ..وطلعنا وعامر شري حوايج خفيفه مش واجد
انا : 3 توت يافقري اشري اخرا
عامر : منبيش
انا : شبحتله : متبيش انا نبي ..ومشيت شريت كم توته وكم لبسه طلعه وسبيدروات وهك ودفعت وعامر غير حوايجه وطلعنا للسياره
عامر : يابنتي متقوليليش علاش شريتي المحل كله
انا : معنديش روح مع الملابس الرجاليه شريت ليا وليك
عامر : حي علييك حي اهو بس تطلعي بملابس رجاليه
انا : عارفه توتات للحوش بس
عامر : اوكي
انا : عادي نلبس منك ليش لا
عامر : شافلي ع جنب : مش مقيم هنايا راه
انا : بترووحح
عامر : اي مش مطول هنايا امي وخواتي من بيهم وانتي بتردي لشقتك ف ليبيا
انا : امم تمام بس راه عندي شهر بالكتير فيه شغل ليه ليه حنقعد هنا وبعد شهر انروح لليبيا
عامر : باهي علخاطر شغلك بس كان هدا روحت بيك
انا : خطرهااااا
عامر : ودني احييه مزال نبيها راه
انا : وعمتي فاطمه شن قلتلها بعد بتجي هنا
عامر : قلتلها ي امي عندي صاحبي ف تركيا مريض ويبي يشوفني بس خواتي يعرفو انه نقصدك حكيتلهم اللي صار وراه امي سألت عليك وقالت وين معادش بانت قلتلها جاها شغل ضروري
انا : بسلامتك تعرف كيف تلفق المواضيع
عامر : صقع عليك انا راه
انا : وصلنااا
عامر : نزل : واخيرا جوع قتلني
انا : مش منك فمك مايسكتش.. وخشينا..
عامر : مسكين فمي
انا : شن تطلب
عامر : اي حاجه تتاكل
انا : نطلبو وجبه بحريه
عامر : فكيني منها منحباش الحوت حاجه اخرا
انا : نضحك : ووااه توا تبي اي حاجه تتاكل
عامر : ضيفيلها غير الحوت
انا : باهي ياسي
وطلبنا وتعشينا بالمره و طلبنا تحليه وهدرزنه وضحكنا وجي وقت المرواح
انا : نتتاوب : اااهه جاني النوم هيا انروحو
عامر : انشالله توا ترقدي شايفتها الساعه كم
انا : امم الـ10
عامر : بيبي
انا : شات دودوردو
عامر : نوضي نوضي سلم بنتي حق الا ناعسه
وروحنا اللحووششش وغيرت حوايجي وتمددت ع الكنبه فالصاله
عامر : طالع من الحمام : رقدتي
انا : توا العدد التنازلي بدا
عامر : ضحك : مجنونه
انا : طالعتلك للعلم
عامر : زيدي غادي منشحطه بطولك ع الكنبه بنقعمز نتفرج ع التلفزيون وقعمز
انا : حطيت راسي ع كراعه : بالله متعليش الصوت
عامر : باهي
وانا غفيت ممنندريش عن حاجه
عامر : توركان ..ي مشفشفه ..كوكتي ..اووي
انا : راقده : همم نعمم
عامر : نوضي هدرزي معاي كسدت وربي
انا : توا كيف رقدت
عامر : اوووف بكرا مروح انا نبي نحكي معااك خليتيني ورقدتي
انا : قعمزت ونمسح ع عيوني : احكي
عامر : يضحك : مشين وجهك بعد اتنوضي ومشفشفه زياده
انا : دفيته : خزي موعيني علشان اتقرم عليا
عامر : انبصر ياهمي انبصر
انا : حطيت راسي ع كتفه : عارفتك تبصر بس ليش مارقدت انت جيت من سفر وطياره ودوشه
عامر : نبي نشبع بشوفتك قبل م نروح
انا : متروحش بكرا
عامر: وامي انقوللها صاحبي مزال يبي يشوفني
انا : نضحك : عادي
عامر : ضحك : به حاضر من عيوني ليش لا
انا : وين علاء ونصر كيف حالهم
عامر : فوووق الريح
انا : وين العيله كلها
عامر : كويسين كلهم يسألو عليك
انا : استاحشتهم
عامر : روحي معاي
انا : لين انكمل صفقات مع واجد شركاات و اجتماعات وهكي
عامر : دوشه
انا : اي وتعب زياده ..
عامر : امم
انا: نثاوب: اااههخخ ..امم به
عامر : بترقدي
انا : لالا
عامر : ترا نشوف عيونك
انا : هاا شووف
عامر : كدابه ناعسه
انا : لالا
عامر : حضني : تعالي ارقدي هي
انا : ضحكت : مابنرقد
عامر : عادي اقعدي هك
انا : مسكت ف تيشرته : راه مرات نغفى
عامر : باهي
انا : كنت ف علاقه قبل م نتعرفو
عامر : اي
انا : احكيلي عنها
عامر : ماعندي مانحكي غير انها امتاع مفرخ ولما عرفتها هكي انقرفت حت من روحي وحسيت اني تافه وفرخ زي اي حد كلمها
انا : وكيف عرفت المفروض ماتحكمش ع شخص بدون متشوف بعينك
عامر : الجامعه كلها مكلمتهم ومنندريش لين قعدو يدوو عليها ف كلام مش كويس وفالاول انصدمت وبعدها قلت للشباب نبي دليل وربي كلهم حطو ع رقم ليها وللي صوره وواحد اتصل بيها سمعته صوتهااا وتقززت من هديك المره هزبتها وحطيتها حظر .
انا : يلا عادي ربي يهديها انشالله
عامر : يتاوب : امم
انا : لكن كيف تجرأت وتحكي معاهم كلهم مشعارفه
عامر :......
انا : بكرا تمشي معاي للشركه?
عامر : .....
انا : عامر
عامر :راقد: همم
انا : رقدت
عامر : لا
انا : رفعت راسي فيه لقيته ناعس: حي راقد
عامر : ابتسم : هيا ارقدي حت انتي...ورقد ع الكنبه وجيت ف حضنه ..
انا : زعما نمشي للشركه ولا نهيجو فالمدينه
عامر : بصوت ناعس: ارقدي توا وبكرا يصير خير
انا : باهي ....
ورقـدنا وبعددددد ساعااات جي الصبح وع اساس مبنمشيش للشركه وندهورو بس عامر وصلاته رسالة? ??
.........
زعما رساله ايش هيا وشن حيصييير? !
أنت تقرأ
رواية كاريزما
General Fictionرواية : كاريزما ✨. للكاتبة : Nona Alsebhawy روايتي لليوم مش زي اي رواية كتبتها المره هدي رواية لأصحاب الكاريزما المؤثرين فالناس و للعلم الكاريزما انواع ومع الرواية حتعرفوهـم ( رواية مقتبسة من الواقع )
