رواية كاريزما

♥♥)"

رواية : كاريزما ✨.
للكاتبة : Nona Alsebhawy

الروايـة واضحـة على شن تحكـي
وكل شخص يحتفظ بشخصيته الخاصة ويكون واثق من نفسةو[ الحياة تجارب ] "

متحكمـش ع شخص بدون ماتتعرف عليه وتظلمـة الشي هدا اكبر غلـط وكيف ماشفنـا علاء كيف عامل توركـان وظلمهـا وشفنا شن صار فيه🤍✔️

راه مـش عيب ان يكـون الشخص مريض او مقعـد فالاخير كلنا بشر والمفروض انعاملـو بعض بنيـة صافية وانكونو اصدقاء كيف ماشفنا علاء بعد مرض وتوركان كيف عاملاته بالطيب رغم قلة الذوق اللي عنـده وفالاخير عرف غلطة وتاب ومعادش يحكم ع حد بدون مايتعرف عليه🤍✔️

حلو لمـا تلقا اصدقاء وناس تعرف معنى الصداقة وبعد اسنين ومنسوش بعض رغم الضروف كيف ماشفنا نصر وعامر لما فاجأتهم توركان 🤍✔️

ضروري تحكي مشاعرك للشخص الصـح اللي عارف انه مستحيل يرخي بيك وتفهمه ويطلع شعور متبادل كيف ماشفنا عامر وتوركان 🤍✔️

تعرفو شن معنى لما يقولك  [ امك ثم امك ] !"
مديرش الحاجه بدون علمها اهم شي رضى الوالدين والجنة تحت اقدام الامهات
هي اللي ربت وعانت وانحرمت علشان متحسش بالنقص, ومتجيش في يوم من الايام تكسر كلمتها او اترد عليها بسوء وكل هدا وراه حكم من ربي كيف ماشفنا غلط عامر وتوركان لما هزباته ع خاطر رضى امه وياريت كل حد كيفهـا ينصح ويعرف كيف يتصرف 🤍✔️

مش عيب ولا حرام لما تبدا كراعك او ايدك مبثوره او من عند ربي هكي الشي هدا المفروض يخليك قوي احمدو ربكم ع الصحـة والعافيـة .. كلنا بشر كلنا من طين كلنا انعاملو بعض بـحب ومش عيب اتحبي شخص هكـي راه حيكون زيه زي اي شخص عادي وكيف ماشفنا توركان مع عامـر وماتغيرتش عليه رغم ضروفه🤍✔️

مهمـا كانت الضروف خليك واتق من ان ربـي مش حينساك وحيعوضك بالاحسن ومافيش حد كامل ربي ياخد منك حاجه ويعطيك الاحسن منهر والكمال لله وحده ..

وشفنـا في نهـاية حلقتنـا من هده الروايه المميزه ان اي حد يقدر يحب رغم الضروف وكل شخص بضرفه وبس كانت نهايـة ابطال الرواية جميـلة جدا وياريـت كلنا نستفيدو من هلبـا حاجـات 🤍🤍🤍🤍🤍🤍✔️.

كنت معكم الكاتبه :
Nonalsebhawy.

واي شخص يبي يتواصل معاي باش انزلو قصتـة يخشلي ع حساب الانستغرام :
N6.ll_

شكرا علـى حسن القراءه والمتـابعـة 🤍✔️