චක්ර ✨️

#2

ගණිතය ;
සමහරු එය විශ්ව භාෂාව ලෙස හඳුන්වති. මගේ සැමියාද එම භාෂාවේ නිපුණතාවය තිබූවෙකි. ඔහු රැකී සිටීමේ මාර්ගයක් එමඟින් සොයාගත්තේය. කම්කටොලු හේතුවෙන් ජනශුන්‍යව පැවැති මිසරයේ අපගේ ගැලවුම් ස්ථානය විය.
මා කුඩා කල පාසලේ ව්‍යාපෘතියක් සඳහා සාදාගෙන ගිය කුඩා ලෝහ පිරමීඩය මගේ මතකයට නැගේ. අවශ්‍ය විට විවෘත කළ හැකි පරිදි සකසා තිබූ එය තුළින් කිරි වීදුරුවක් තබා දින කිහිපයක් ගත වුවද එය ඓන්ද්‍රීය ජීවීන්ට ගොදුරු කරගත හැකි නොවීය. සැබැවින්ම එය උෂ්ණත්වය, අවකාශය, ආර්ද්‍රතාවය පාලනය කළ අවස්ථිතික කුටීරයකි.
නමුත් මාගේ මිතුරු මිතුරියන් පමණකුත් නොව ගුරුතුමියගේද අවඥාවට මා පාත්‍ර වූයේ එහි තාක්ෂණය මීට බොහෝ කලකට ඉහතදීම හඳුනාගෙන තිබූ බැවිනි.
එකල ඔවුන් උසුළු විසුළු කළ තාක්ෂණය අද මගේ පවුලේ ප්‍රාණය රැකදීමට සමත්ව තිබේ. සමච්චල් කළවුන් අද නැත. ඔවුන්ට අවසාන ගෞරවය පිදීමට පවා වාතාවරණය ඉඩක් ලබා නොදී ඇත්තේ ඊට ප්‍රතිචාර වශයෙන් ද යැ'යි පැවසීමට තරම් මම ඉක්මන් නොවෙමි.
අභ්‍යාවකාශයට යන පිරිස අතරට එක් වීමට ගර්භණියන්ට ඉඩ ලබා නොදුන්නේ මෙතෙක් මනුශ්‍ය වර්ගයාට මුහුණ දීමට සිදුවූ අවදානම අතිශය ප්‍රමාණවත් නිසාය. ගතිගුණ පිරිහෙමින් පැවති සමයේ මව්වරුන් වීමට බලාපොරොත්තුවෙන් සිටියෝද සිය දරුවන් කුසයෙන්ම පහ කළහ. එනිසා අවසානයේ ගමන සඳහා ආත්මාර්ථකාමීත්වය හා ජීවිතාරක්ෂාව වෙනුවෙන් පමණක්ම කැපවෙන පිරිසක් ඉතිරි විය.
මාද ඔවුන්ගෙන්ම එක් අයෙකි. නමුත් එතරම්ම කුරිරු වීමට මගේ සිත මට ඉඩ ලබා නොදුන්නේය. අවුරුදු 17 ක් පමණ වූ මාගේ හැඟීම් අවනත කර නොගැනීමේ පාපය නිසා මා කෙරේ පිවිසි ජීවිත යදින්නිය විනාශ කර දැමීම සිදු නොකීරීම ගැන අද මා පසු තැවෙන්නේ නැත. මගේ වයස මෙන් දෙගුණයකට ආසන්න වයසක සිටි පෙම්වතා සමඟ වහ වහා විවාහ පත් වූ මම මාගේ කුඩා මළණුවන්ද සමඟින් මිසරය කරා පිටත් වූයේ මාගේ මෑණියන්ගේ අභාවයෙන් ඉක්බිතිවයි.
සන්තකයේ ඉතිරිව තිබූ සෑම සියලු බඩු බහාරාදිය අල්පෙනෙත්ති තුඩක් තරම්වත් හැර නොදමා අප සමඟ ගමනට එක්විය. ඔහුගේ පරීක්ෂණ කට්ටල, උපකරණ, දත්ත හා වාර්තා මෙන්ම කෑමට ගතහැකි මොනයම්ම දෙයක් අවශේෂ වී ඇත්නම් ඒවායෙන්ද අපගේ පෞද්ගලික ගමන් මලු විඩාපත් විය. අවසානයේ අපි කර්කශ නමුදු පාරාදීසයක්ව පැවති මිසර පිරමීඩ තෙක් ළඟා වූවෙමු.
අපගේ ප්‍රධාන ප්‍රයත්නය ආහාර සපයාගැනීමේ මාධ්‍යයක් සොයාගැනීම විය. පිරමීඩය ඇතුළතදී ආහාර නරක් වීම භාජනය නොවුනත් අප තිදෙනා ඒවා පරිභෝජනය කර අවසන් වූ පසු නිරාහාරව මියැදීමට සිදුවේවි. මූලික ගර්භණී සමයේ පැවති අපහසුතා නම් අපව බොහෝ අන්තරාදායක තත්තවයකට ඇද දැමුවේය. පානයට පිරිසිදු ජල බිඳක්, ආහාරයට සුදුසු පලතුරක් පවා නොමැති අවධියක මගේ සිත රස මසවුළු ඉල්ලා හඬා වැටෙන්නට වූයේ මාගේද පාලනයකින් තොරවයි.
නමුත් එය නූපන් දැරියගේම වාසනවට සිදුවූවා විය හැකිය. උදෑසනම මා වමනය කළ මොහොතක මට දර්ශනය වූයේ එහි තරලමය කොටස පොළොවට උරා නොගෙන එහිම තැන්පත් වූ බව ය. හරි නම් මෙම වැලි පොළොව පොරොත්තු වන්නේ තමා මතට වැටෙන ඕනෑම දියරයක් රකුසෙකු මෙන් ගිලගැනීමට ය. එමනිසා මේ සිදුවූ සිදුවීමෙන් මා පුදුමයට පත් වීමි.

A/N

Hii හැමෝටම. ඔන්න මම හුඟක් කාලෙකින් ආපහු ආවා. ඒත් දිග part එකක් නෑ ඉතිම්. 😪 මොනා කරන්නද ටිකක් හරි කුතුහලය දනවන තැනකින් නතර කරන්න එපායැ. 😁. අද ඉඳලා පුළුවන් වෙලාවට මේකේ updates ගේනවා. 😋.
මේක නිකං වාර්තාවක් වගේ type එකට තමා ලියවෙන්නෙ. ඉතින් ඔයාලා ඒ style එකට කැමති නැත්නම් මම කියවන්න කියලා බල කරන්නෙ නෑ. කැමති අය විතරක් කියවන්න. අඩුපාඩු, හදාගන්න ඕනි තැන්, හොඳ දේවල්, mistakes comment කරන්න. Vote එකක් දාගෙන යන්නත් අමතක කරන්න එපා හොඳේ. 😁😁
අවසාන වශයෙන් කියන්න තියෙන්නෙ typing mistakes බොහෝමයක් ඇතිවෙන්න පුළුවන් නිසා ඒවා ගැන මම දැන්මම සමාව ඉල්ලුවා කියන එක. 😉