((ميني سكربت ))
وقف زوج حديث الزواج مع زوجته في شرفه منزلهم الصغير , قالت الزوجه بصوت رقيق " الجو بارد ادخل انا هجيب الغسيل و هدخل " رد زوجها " طول عمري بحب الشتا خلينا وقفين شويه " .
انتهت الزوجه من عملها و لكنها لاحظت رغبه زوجها في البقاء قليلا رغم بروده الجو ...تأملته وهو ينظر للسماء بأعين لامعه يتنقل بها بين النجوم من هنا الي هنا دون كلل و كأنها تنظر الي صوره بديعه لايمكنها إشاحه نظرها عنها
قامت بأخذ ملائه من غسيلها و طبقتها علي شكل مستطيل و قالت لزوجها
"حطها علي السور و اسند عليها عشان الصقعه "
وضعها كم قالت له ثم امسك يدها و قربها منه و اشار الي نجوم السماء قائلا
-شوفي النجوم حلوه ازاي .. السما صافيه و كأن الجمال كله اتشكل في السما
-بس مش شايفه القمر ؟
قال زوجها بطفوليه
"انتي ليه دايما بتدوري عليه ؟ بجد علي طول بتسأليني فين القمر ! "
ابتسمت زوجته ليظهر صفي الؤلؤ بين شفتيها الورديه
"عشان القمر كان دايما معايا .. كل مروح في حته كنت بشوفه ، لما كنت مبسوطه ، لما كنت زعلانه ، لما نجحت في الثانويه ، لما لبست فستاني الابيض و مسكت ايدك لاول مره بعد سنه خطوبه كان القمر مزين السما زي عريس ليله دخلته وكل نجومه حواليه .. طول عمري وانا بشوف السما كأكبر تحفه فنيه "
_ هي فعلا تحفه فنيه زيك كدا اول مشفتك عرفت اد ايه انتي مميزه
" مميزه ازاي يعني ؟ "
ابتسم زوجها
_ عارفك انا تعوزي تسمعي كلام حلو واول مفتح بقي تتكسفي
توردت خدود زوجته كمحل زهور افتتح فجأه فرعه الجديد علي وجنتيها ، اقترب منها زوجها ليخفيها بين ذراعيه و اكتافه العريضه و قال بصوت يملئه الحب
_ حببتي سقعانه وانا موجود اكيد مينفعش
شعر بجسدها يهتز بين ذراعيه من كثره ضحكها
" برغم ابتزالك بعض الاوقات بحب الابتزال دا "
_ المفروض انا ال اسأل اذاي الحاجات البسيطه بتفرحك كدا اوقات بحس اني ادمتلك خاتم ماسي او مال ولا مال منصور ؟
" امي كانت دايما تقلي اني لازم مفوتش فرصه عشان افرح ، قالت ان كل لحظه مهما كانت بسيطه لازم اقدرها و اخذنها في ذاكرتي لان اللحظات البسيطه دي هتكون مصدر قوتي في يوم من الايام ، العالم بقا وحش و الشوارع بقت غابات لو الواحد ملقاش حاجه تفرحهه هيبقي ايه لازمه حياته ؟! "
_ فعلا بالنسبالي وقفتنا دي في عز البرد دا كانت ادفي وقت قضيته من زمن طويييل قوي و الشكر لله اولا ثم لملاكي الصغير ثانيا
تأملا السماء قليلا دون قول كلمه ثم قررا ان يدخلوا قليلا ليشربوا شيئا دافئا و يشاهدو فلمهم المفضل علي سريرهم الدافئ
تمت ✨
غاده وائل
