المافيا😈
تحت عنوان 12
للكاتبة: لولو حبيب❤
الحلقة: 9
_____________________
شيماء حطت السفرة: هي سلم وخيي نوض
شاهين مسح وجهه: معنديش جهد
ام شاهين: وليدي نوض اختك تلوم في روحها ونادمة انها قتلك
شاهين شبحلها: ربي كاتبلي بنمرض تغيري الي كتبه ربي
شيماء: اكيد لا لكن انته طلعت في الصقع بسببي
شاهين ناض كعمز : معاش تفكري هكي واعطيني خلي نذوق الشربة متاعك قداش ليا اعليها
ابتسمت وصبتله في الصونية ومدتله
اخدي منها كاشيك: اووه سلم ايدياتك تهبل
شيماء ابتسمت: صحتين
طقطق الباب
شيماء دارت البرنوص متع التوتة علي شعرها وناضت فتحت الباب
شيماء: تفضل شني تبي
مراد ضحك: نعم ....جاي لحوش صاحبي اني
شيماء: صاحبك مش فاضي ومريض ميقدرش يطلع
مراد: شيماء من دون جو
شيماء ضحكت وفتحت الباب: خيرك نبصر اعليك
مراد: دخلي شعرك
شيماء: مافيه حد خيرك
مراد: منبيش نشبح شعرك لانه حرام مش محرم اعليك اني
شيماء: نعم معرفتكش ياشيخ مراد
مراد ضحك وتكلم بصوت عالي: السلام عليكم
ام شاهين لبست وشاحها
خش مراد
شاهين& ام شاهين: وعليكم السلام
مراد سلم اعليهم وكعمز
ام شاهين: شيماء جيبي
شيماء خشت للدار: جبتله صونية
مراد: مني مطيب
شاهين: شيماء
مراد:لالا متعشي
ام شاهين: اللطف خيرك ياولدي
شيماء: شني متحشم ولا شني
مراد: نتحشم عينك تي هادا حوشي متربي عندكم اني
شاهين: امالا خيرك
مراد: خايف اتكون الفرخة هادي مداريتلي حاجة
شيماء: اي حاطه سم رد بالك تاكل
مراد قام حاجبه: خيركم صدقتو ياعيلة تعرفوني قداش انحب طياب شيماء صبي صبي
ام شاهين ضحكت: حتي اني استغربت فيك
شاهين ضحك: انتم الزوز مجانين
أنت تقرأ
سلسلة المافيا تحت عنوان^12^
Actionرواية تحمل سر كبير في رقم 12 تعرفو السر هادا في الرواية رواية باللهجة الليبية للكاتبة: لولو حبيب❤
