المافيا😈
تحت عنوان 12
للكاتبة: لولو حبيب❤
الحلقة: 4
_____________________
صكر باب الحوش واتجه الي باب الجنان وسمع صوت بنت جيرانهم
بيلسان بعياط: معاش تبعتوني للمحل راني صبية والعين اعليا.. اني عارفة اصلا لين يخطفوني بش تستريحو ومعاش تبعتوني.. نقعد اني طول الطريق ايعاكسو فيا الي يسوا والي ميسواش... به به ياعيلة كلبة
معتصم فتح باب الجنان وهو مضيق عيونه وطلع وصكر الباب
صكرت بيلسان الباب وشبحت معتصم جمدت في مكانها
معتصم قرن حواجبه: شني تبي من المحل
بيلسان: اه
معتصم بعصبية: نكلم فيك شني تبي من المحل
بيلسان: دقيق وفانيليا ودحي
معتصم: به خشي واستني في الجنان ومعاش تعيطي الشارع كله سمع صوتك
وامشي وخلاها
بيلسان: الفلوس
معتصم بصوت عالي: خشي داخل
خشت بيلسان وهيا مبتسمة كل يوم ايزيد يعجبها اكثر
بعد 5 دقايق
جي معتصم وطقطق علي الباب
فتحت بيلسان
معتصم مدلها الشكارة: خشي داخل
بيلسان: استنى بنعطيك الفلوس
معتصم: منبيش ومرة تانية تبو حاجة من المحل كلميني اني ولا مراد معاش تمشي انتي
بيلسان: به
معتصم نحا الطاقية وشبحلها كيف شهقت بضحكة
معتصم: شني يضحك فيك
بيلسان: خيرك صلعة امس ريتك عندك شعر
معتصم قرن حواجبه: وين ريتيني
بيلسان فاقت علي روحها: شكرا بارك الله فيك وصكرت الباب وهوا واقف
معتصم ابتسم وامشي لحوشهم
////////////
عبسي نزل من السيارة: قولو شني تبو من توا
مالك: شكلاطة
عبسي: انته تصقر فمك
مالك: خيرك
شاهين ضحك: جيبله ياراجل شكلاطة
عبسي: تي لا وبعدين شكلاطة وشاهي متمشيش ياشيباني
مالك: ياودي جيب بناكل لبطني ولا لبطنك
شاهين : ياودي جيبله
عبسي: به وانته شاهين
شاهين: الي ناقصنا المكرونة بس كل شي عندنا
أنت تقرأ
سلسلة المافيا تحت عنوان^12^
Acciónرواية تحمل سر كبير في رقم 12 تعرفو السر هادا في الرواية رواية باللهجة الليبية للكاتبة: لولو حبيب❤
