المافيا😈
تحت عنوان 12
للكاتبة: لولو حبيب❤
الحلقة: 5
_____________________
شرين تلفون معتصم لقاه رقم
معتصم رد: الو
بيلسان: ان شاء الله نايض بس
معتصم: اي مني معاي
بيلسان: اني بيلسان بنت جيرانكم
معتصم: ان شاء الله خير .. شني فيه
بيلسان: اطلع مدلي يدك من فوق الصور
معتصم: اعلاش
بيلسان: بش تاخد الكيكة مني توا وين طلعتها من الفريز
معتصم: نعم
بيلسان: تفهم فيا شني انقول ؟
معتصم: انتي مني؟
بيلسان: انته شورك واخد حاجة
معتصم: انتي الي واخدة حاجة .. فيه وحدة تتصل بواحد توا اتقوله اطلع خود الكيكة من فوق الصور هادا شني اسمه وبعدين من قالك نبي كيكة اني
بيلسان: ماهو جبتلي البضاعة قلت نعطيك كيكة بش متقعدش تتجمل اعليا واتقولي جبتلك البضاعة
معتصم: انتي تشبحي فيا من النوع هادا
بيلسان سكتت
معتصم: وبعدين قولي شني الجراءة الي جاتك توا امبكري لما شبحتيني اتقول شبحتي جن وتوا شني
بيلسان: اني اسفة اتصلت بيك في وقت زي هادا بس قلت تاكل الكيكة توا احسن وعارفة انك تسهر اكيد تجوع
معتصم: كيف عرفتي انه نسهر وامنين جبتي رقمي
بيلسان بلعت ريقها بصعوبة
معتصم ضحك: تمام خلي الكيكة متاعي في الفريز تو لما نروح للحوش جيبهالي
بيلسان: انته وين
معتصم: مش في الحوش وحتي غذوة مهناش لما نروح تو ناخدها
بيلسان: تمام اسفة ممكن تاخد اعليا فكرة غلط لكن من كلامك امبكري حسبتك زي خوي وقلت عادي نكلمك توا مدامك خوي
معتصم ضحك: خودي راحتك عادي لكن في اليل لا
بيلسان انحرجت: حاضر
معتصم: يحضرلك الخير .. هي تصبحي علي خير
بيلسان: وانته من اهل الخير
صكر التلفون وحطه
مراد: مني
عبسي جي بيتكلم
شاهين: انته متتكلمش باللهي اعليك معنديش جهد بش انحزكم
ضحكو الولاد علي كلام شاهين ومنظر عبسي لما سمع الكلام
أنت تقرأ
سلسلة المافيا تحت عنوان^12^
Acciónرواية تحمل سر كبير في رقم 12 تعرفو السر هادا في الرواية رواية باللهجة الليبية للكاتبة: لولو حبيب❤