#روايـة_بــابلـو 🖤
#الحـلقة_الثـانـية 🖤
"بـابلو مذكر أول مره سمعت فيه الاسم هضا وقتها ڪنت في الثانوي تفرجت علي فيلم يحكي قصة تاجر أسلاح ومخدرات مـعروف إسمه بابلو اسكوبار الفيلم من كثر ماتفرجت عليه حفظت ڪل تفصيل فيه صغير وكبير ومنها أصحابي سموني بـابلو ومشا فيا الاسم من وقتها لعند توا ونا بابلو نسيت إسمي ممڪن معاش في حد ينادي في منذر غير أمي وخواتي يلي من فتره لفتره نتواصل معاهم"
____________________________
خش أنور علي بابلو وقارن حواجبه وفتح علي التلفزيون علي وحده من قنوات الأخبار وعلا الصوت
المذيع:هذا وقد أشار بعض شهود العيان رؤية ذالك المدعى بـ بابلو بالقرب من منزل الجثة التي وجدت صباح اليوم في إحدى مكبات القمامة السؤال إلي متى سيستمر ذالك السفاح في قتل أبرياء وانتهك حرمة بيوتهم متى ستفعل الشرطة شيء ضد ذالك المجرم.....
طفى أنور التلفزيون:مش قتلك ماتمشيش
بـابلو:هههههههههههههههه تي عنجد وجهه المسخط
أنور:بابلو خليك جدي شوي لو شهد واحد من يلي شافوك أمس أو حتي شكت البنت فيك حـ تخش في وجيج ڪبير مع الشرطة وانت عارف خوك يراجي في فرصة
بابلو بـعدم مبالاة:يلي شفتهم امس ڪلهم كباش مافيش واحد يقدر يفتح فمه ويشهد ضدي
أنور:والبنت يلي وقفت قدامك أمس
بابلو:عيلة صغيرة ماتفهمش شن ادير انتَ دير زي ماقتلك خلي حد من الشباب ڪل فتره وفتره يخطم يحط تموين ومصروف كامل ليهم وشوفلي الراجل يلي مستأجرين منه
أنور تنهد:والله معاش فهمتك يا صاحبي
صبى بابلو من كرسيه وقال:من البدايه ماكنتش نبي يصير يلي صار بس أحمد هو يلي جبرني ندير هڪي وعيلته مالهمش دخل ذنبهم الوحيد ان واحد كلب ڪيف احمد ولدهم
أنور:تمام حندير ڪيف ماتبي
بابلو طلع وهو يقول لأنور:ماحد يدورني اليوم عندي ڪم مشوار نديرهم أي حد يدورني تعرف ڪيف توزعه
أنور يعيط وراه:تم كون هاني
_________________________________
خلود:هدهد بس لو تشوفي ڪيف يبحت فيك وربي يحبك
هدى بتفنيصة:حبه برص والجن الازرق إن شاءالله قتلك يا خلود فكينا من سيرته بعدين انا جاية هنا نقرا مش جاية نفتح ميعاد عشق وغرام لكل ثور يدزلي
مسكت خلود ضحكتها وهي تشوف في صاحبتها ڪيف منفعله:خلاص خلاص سكتت شوي تضربيني هي خلينا نعدو المصور الحق فيا نبي نطمن علي مستقبلك
هدى:يخيي غير اشقى بمستقبلك ماحد لايم عليك وقالك اشقي بيا
خلود:عطك قصة في هالسان وانتي كلمة بكلمة هييا قداميي
"هدى حسن الـ**** صح هي أخت بابلو الصغيرة مواليد 99 بنوتة عفوية وشخصيتها قوية ماتحبش العوج وماترضاش الغلط ماتخافش من حد حتي من خوته برغم شخصيتهم يلي تخوف"
أنت تقرأ
بــابـلـو 🖤
Acción"بـابلو اسكوبار مـثلي الأعلى من كثر حبي ليه قعدت نسخة منه في ڪل شي سفاح وقاسي القلب مايعرفش الرحمة 🖤
