الكاتبه.. رندا الموسوي
غضب... بقه شمام يسولف ويايه وهوه ميدري اني حيلي ينهد من تكلي كلمه حلوه ومن اشوف وجها احس روحي ترفرف عليها والله لاخليج تجيني برجليج وتكليلي احبك غضب
وحيده... ليوم كالو اجه شمام واني احس كلبي نقبض بس من اسمه واتذكر شسوه بيه من جنت هناك كرهني بحياتي بكد مذلاني وفوكها يكلي احبج حبتك حيه رحت لغرفتي وسديت لباب وجبت شمعه وشغلتها وبديت اقره عليها نويت علا مليكه ليش هيج فجئه كرهت غضب بمعنه علا شفته جانت تعشك غضب اباوع عل شمعه ساحت وشفت رجال اخذ من شعر مليكه وساحر عليه ودافن سحر جوه طرفايه بصره سوده كره غضب ونفور بينه وبين مليكه رجف كلبي وفتحت عيوني وضحت شغلا
طلعت لمليكه
مليييكه وينج
مليكه .. ها وحيده اني هنا بل مطبخ جاي اسوي بتمن
وحيده.. حسئلج سوال وجاوبيني بكل صراحه شتحسين من تركتي غضب وجنتي تحبيه لو لا وهسه شتحسين من صيرين يمه ومن تبعدين جاوبي بكل صدك ولت جذبين لان راح انطيج حل لمشكلتج
مليكه.. اذا تردين صدك اكعد وخل اسولفلج غضب جنت احبه حته اكثر من بابا وماما احبه جنت حته اكثر من اخوني احبه لجنون هوه كل اهلي وناسي
بس مدري شبيه من حجالي هلال علا غضب وشفته بعيني شلون يشيل بل اسلحه ومجرم مدري شنو من احساس اجاني وبذاكه لوكت جنت حيل مقهوره منه كبل سمعت حجي هلال وسافرت لبغداد بس تندمت بس فجئه مات شعور لبداخلي صح احن لغضب بس راحت ذيج لهفه لبجنون لجان حبي لغضب
ولحد لان من يبعد عندي اتندم علا كلامي من يكربلي
بس من يتكربلي اكرها ماطيقه اتنرفز من كلامه احقد عليه مدري شبيه
وحيده.. اسمعي يمليكه علا كلامج وعلا شفته راح اسوي لعليه ولباقي علا الله
هسه اني اعوفج وانتي روحي لغرفتج ارتاحي كافي طبختي تمن لباقي لخدم يسوونه
رحت طلعت بره صحت جاااسسسم يجاااسسسم وينك
جاسم .. اباوع وحيده صيح واني كلبي رجيج رف رحتلها ركض
أئمري شيخه كولي
وحيده .. صيحلي غضب وكله ضروري يجي حدري ضروري
جاسم ... تئمرين يشيختنه
رحت لشيخ وناديته
غضب ... اسمع لكلام شمام طلب مني وحيده لزواج وكتله اخذ شورها واردلك خبر اذا وافقت كبع وخذ بس اذا موافقت مااغصبها عليك يخوي هاي وحيدتي ماكدر
شمام... 😡غضب اسمعني يخوي اني جاي اخطبها وبل معروف واني هاويها وعاشكها من يمته ناخذ شور لحريم يغضب
غضب... شمام انته اخوي وعضيدي وهاي اخيتي لوحيده لوافقت انطيها الك ورفضت اعذرني هاي وحيدتي وشيختي مستحيل اجبرها علا شي متريده وهاي مو حال اي حرمه هاي وحيده اخيتي
